Yôhan 5:30 - Nau Brah Ndu Ngơi 2023

³⁰ Gâp nơm mâu dơi ƀư êng du ntil kan ôh; Gâp phat dôih tĭng nau Gâp tăng, jêh ri nau Gâp phat dôih jêng nau sŏng, yorlah Gâp mâu joi tĭng nau gâp ŭch, ƀiălah joi tĭng nau mĭn Nơm hŏ njuăl jêh Gâp.

Bunong Bible Latin Script Cambodian dialect

³⁰ “Gâp mâu ôh dơi jan du ntil ndơ tă bơh săk Gâp nơm, nau Gâp phat dôih nây, Gâp jan tâng nau Bơ̆ Gâp lah ma Gâp, nau Gâp phat dôih nây jêng di, yorlah Gâp mâu ôh tâng nau Gâp nơm ŭch, Gâp tâng nau Bơ̆ nơm ŭch dơm, Păng tơm njuăl Gâp.

Bunong

³⁰ “គ៝ប់​មោ​អោស​ទើយ​ជាន​ទូ​នតីល​នទើ​តាៈ​ឞើស​ឆាក់​គ៝ប់​នើម នាវ​គ៝ប់​ផាត​ទោយ្ស​នៃ គ៝ប់​ជាន​តឹង​នាវ​ឞឹ​គ៝ប់​លាស​មា​គ៝ប់ នាវ​គ៝ប់​ផាត​ទោយ្ស​នៃ​ជេង​ទី យ៝រ​លាស​គ៝ប់​មោ​អោស​តឹង​នាវ​គ៝ប់​នើម​អុច គ៝ប់​តឹង​នាវ​ឞឹ​នើម​អុច​ទើម ពាង់​តើម​ញជ្វាល់​គ៝ប់។

Yôhan 5:30 Iomraidhean Croise

Nau Ntơm 18:25

May mâu ôh ƀư kơt nây! Mâu lah May ƀư rai phung sŏng ndrel ma phung djơh mhĭk, uănh phung sŏng srăng tâm ban ma phung djơh mhĭk ƀơh? Mâu ôh Kôranh Brah mâu ƀư kơt nây! Nơm phat dôih lĕ rngôch neh ntu mâm mâu ƀư ma nau di?”

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Êsai 28:6

Păng mra jêng Brah Nau Di prăp ma kôranh gŭ phat dôih, Jêh ri jêng nau ktang ăn ma phung mprơh phung rlăng tâm lơh rŭch bơh mpông ƀon.

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Mathay 26:39

Hăn ngai đê̆, Brah Yêsu kŭnh muh măt, jêh ri mbơh sơm “Ơ Mbơ̆! Tơlah dơi, dăn ăn kachok aơ du luh bơh Gâp! Nđâp lah pônây, mâu di tĭng nâm Gâp ŭch, ƀiălah tĭng nâm May ŭch.”

Yôhan 14:10

Di lĕ nau may mâu chroh pô aơ Gâp gŭ tâm Mbơ̆ jêh ri Mbơ̆ gŭ tâm Gâp ƀơh? Lĕ nau Gâp lah ma khân may lĕ rngôch mâu di tă bơh nau mĭn Gâp ôh, ƀiălah Mbơ̆ gŭ tâm Gâp dôl ƀư lĕ nau kan Păng.

Yôhan 17:4

Gâp hŏ tâm rnê jêh Mbơ̆ tâm neh ntu jêh ri ƀư lôch jêh nau kan Mbơ̆ jao ăn Gâp ƀư.

Yôhan 18:11

Ƀiălah Brah Yêsu lah ma Y-Pêtrôs: “Ntrŭp lơi đao may tâm ndrop! Gâp mâu mra nhêt hĕ ngan Mbơ̆ hŏ ăn Gâp nhêt?”

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 5:19

Pôri, Brah Yêsu lah ma khân păng: “Nanê̆ ngăn, Gâp lah nanê̆ ngăn khân may, Kon mâu dơi ƀư êng ôh, ƀiălah knŏng ƀư nau Kon saơ Mbơ̆ ƀư; yorlah lĕ kan Mbơ̆ ƀư, Kon ƀư đŏng tâm ban pônây.

Yôhan 6:38

Yorlah Gâp hŏ jŭr tă klơ trôk, mâu di gay ƀư tĭng nau mĭn Gâp ŭch ôh, ƀiălah ƀư tĭng nau mĭn Nơm hŏ njuăl jêh Gâp.

Yôhan 8:28

Yor ri, Brah Yêsu lah đŏng: “Nôk khân may yông Kon Bunuyh ta klơ, nôk nây khân may mra gĭt pô aơ Gâp jêng Nơm N'ho Ro, jêh ri gĭt Gâp mâu êng Gâp nơm ƀư du ntil ndơ ôh, ƀiălah knŏng mbơh lĕ nau Mbơ̆ nti jêh ma Gâp.

Yôhan 8:42

Brah Yêsu lah ma khân păng: “Lah Brah Ndu jêng Mbơ̆ khân may, khân may rŏng lĕ ma Gâp; yorlah Gâp luh tă bơh Brah Ndu jêh ri văch tă bơh Păng, yor Gâp mâu văch êng Gâp nơm ôh, ƀiălah Brah Ndu yơh hŏ njuăl Gâp.

Yôhan 8:50

Gâp mâu joi nau chrêk rmah ma Gâp nơm ôh; hŏ geh Nơm joi nau nây jêh ri phat dôih.

Samƀŭt Pôl Njuăl Ăn Ma Phung Nsing Ta Ƀon Rôm 15:3

Yorlah Brah Krist mâu mâp ƀư maak ma Păng nơm, tâm ban geh nau nchih: “Nau suai rak tă bơh phung mưch rmot ma May, tŭp jêh ta gâp.”

Samƀŭt Pôl Njuăl Ăn Ma Phung Nsing Ta Ƀon Rôm 2:2

He gĭt nau Brah Ndu phat dôih ma phung bunuyh ƀư lĕ nau tâm ban pônây jêng di ma nau nanê̆ ngăn.

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,