Yôhan 5:23 - Nau Brah Ndu Ngơi 2023

²³ gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Bunong Bible Latin Script Cambodian dialect

²³ gay ma ăn dâng lĕ bunuyh yơk ma Gâp i Kon Păng, tâm ban ma bu yơk ma Bơ̆ Gâp đŏng. Bu moh mâu ôh yơk ma Gâp i Kon Păng, bunuyh i nây mâu đŏng yơk ma Bơ̆ Gâp nơm i tơm njuăl Gâp.”

Bunong

²³ គៃ​មា​អ៝ន់​ទឹង​លែៈ​ឞូនុយ្ស​យើក​មា​គ៝ប់​អី​ក៝ន​ពាង់ តឹម​ឞាន​មា​ឞូ​យើក​មា​ឞឹ​គ៝ប់​ដ៝ង់។ ឞូ​ម៝ស​មោ​អោស​យើក​មា​គ៝ប់​អី​ក៝ន​ពាង់ ឞូនុយ្ស​អី​នៃ​មោ​ដ៝ង់​យើក​មា​ឞឹ​គ៝ប់​នើម​អី​តើម​ញជ្វាល់​គ៝ប់”។

Yôhan 5:23 Iomraidhean Croise

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Êsai 42:8

Gâp jêng Brah Yêhôva, pônây yơh jêng amoh Gâp. Gâp mâu mra ăn ôh nau chrêk rmah Gâp ma nơm êng, Mâu lĕ ăn nau tâm mprơ rnê Gâp ma lĕ rup brah trah!

Êsai 44:6

Brah Yêhôva jêng Hađăch jêh ri Nơm Tâm Chuai Israel, Jêng Brah Yêhôva ma phung tahan, lah: “Gâp jêng lor lơn jêh ri Nơm nglĕ dŭt; Rlau ma Gâp mâu hôm geh Brah Ndu êng ôh.

Êsai 45:15

Ơ Brah Ndu, Nơm tâm rklaih phung Israel. Nanê̆ May jêng Brah Ndu pôn may nơm!

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 12:21

Jêh ri phung padih mra kâp gân tâm amoh Păng.”

Mathay 15:8

‘Phung ƀon lan aơ yơk mbah Gâp ma trôm mbung khân păng; Ƀiălah nuih n'hâm khân păng ngai đah Gâp.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Luka 10:16

Mbu nơm iăt khân may, jêng iăt Gâp; mbu nơm dun khân may, jêng dun Gâp. Mbu dun Gâp, jêng dun Nơm hŏ njuăl Gâp.”

Yôhan 14:1

“Lơi dĭng ăn nuih n'hâm khân may uh ah ôh. Chroh hom ma Brah Ndu jêh ri chroh hom ma Gâp tâm ban lĕ.

Yôhan 16:14

Păng mra tâm rnê Gâp, yorlah Păng mra sŏk lĕ nau Gâp ngơi gay mbơh ma khân may.

Yôhan 17:10

Lĕ rngôch phung Kon jêng phung Mbơ̆, lĕ rngôch phung Mbơ̆ jêng phung Kon lĕ; jêh ri tâm khân păng, Kon geh nau tâm rnê.

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 15:12

Y-Êsai lah đŏng: “Ntơm bơh Y-Yêsê mra luh du mlâm reh, Jêng Nơm chiă uănh phung bu năch; Phung bu năch mra kâp gân tâm Păng.”

Samƀŭt Pôl Njuăl Ăn Ma Phung Nsing Ta Ƀon Rôm 6:22

Ƀiălah aƀaơ khân may hŏ geh nau tâm rklaih jêh bơh nau tih jêh ri plơ̆ jêng ƀư dĭk ma Brah Ndu, khân may geh play kao jêng nau kloh ueh, jêh ri nglĕ dŭt geh nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 8:9

Ƀiălah tơlah Brah Huêng Ueh Brah Ndu gŭ ngăn tâm khân may, khân may mâu gŭ rêh tĭng nâm nglay săk ôh, ƀiălah gŭ rêh tĭng nâm Brah Huêng Ueh; ƀiălah mbu nơm mâu geh Brah Huêng Ueh Brah Krist, păng mâu jêng phung Brah Krist ôh.

I Kôrintô 1:3

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn nau yô̆ jêh ri nau đăp mpăn ma khân may.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Kôrintô 16:22

Tơlah du huê mâu rŏng ôh ma Kôranh Brah, ăn anathem ma păng! Maranatha ma păng!

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

II Kôrintô 1:9

Hên mĭn nâm bu hên nơm sŏk dơn jêh nau rmal nkhĭt; ƀiălah nau aơ ƀư ăn hên mâu hôm rnơm ma hên nơm ôh, ƀiălah rnơm nsing ma Brah Ndu, Nơm ƀư ăn bunuyh khĭt dâk rêh tay.

II Kôrintô 5:14

Yorlah nau rŏng Brah Krist ntrôl hên, jêh ri hên mĭn, tơlah du huê khĭt jêh ma lĕ rngôch bunuyh, lĕ rngôch bunuyh khĭt da dê jêh.

II Kôrintô 5:19

Nây jêng, tâm Brah Krist, Brah Ndu ăn ma neh ntu geh nau tâm nsĭr đah Păng, mâu hôm kơp nau tih ma kon bunuyh ôh, jêh ri Păng jao ma hên nau mbơh ma nau tâm nsĭr.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

ហេឞ្រើ 1:6

Ƀiălah dôl njŭn leo Kon bôk rah lăp tâm neh ntu, Păng lah: “Ăn lĕ rngôch phung tông mpăr Brah Ndu yơk mbah ma Păng.”

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

II Pêtrôs 3:18

Ƀiălah ăn khân may văch ma toyh tâm nau yô̆ jêh ri nau gĭt rbăng Kôranh Brah jêh ri Nơm Tâm Rklaih he jêng Brah Yêsu Krist. Mbơh sơm dăn nau chrêk rmah jêng ndơ Păng, ntơm aƀaơ ma tât n'ho ro! Amen.

I Yôhan 2:23

Mbu nơm mâu dơn Kon, mâu lĕ geh Mbơ̆; mbu nơm mbơh sŏk dơn Kon, geh lĕ Mbơ̆.

II Yôhan 1:9

Mbu nơm hăn ngai ir jêh ri mâu gŭ nâp tâm nau nti bơh Brah Krist mâu geh Brah Ndu ôh. Ƀiălah mbu nơm gŭ nâp tâm nau nti aơ, geh Brah Ndu Mbơ̆ jêh ri Brah Ndu Kon.