Yôhan 5:17 - Nau Brah Ndu Ngơi 2023

¹⁷ Ƀiălah Brah Yêsu lah đŏng ma khân păng: “Mbơ̆ Gâp hôm ƀư kan ma tât nar aơ, Gâp kan kơt nây lĕ.”

Bunong Bible Latin Script Cambodian dialect

¹⁷ Brah Yêsu lah ma khân păng: “Bơ̆ Gâp hôm jan kar nâng ăp nar n'ho ma tât nar dja, Gâp jan kar kơt Păng nây đŏng.”

Bunong

¹⁷ ឞ្រាស​យេឆូ  ​លាស​មា​ខាន់​ពាង់៖ “ឞឹ​គ៝ប់​ហោម​ជាន​ការ​នឹង​អាប់​នារ​នហ៝​មា​ត៝ត់​នារ​អ្យា គ៝ប់​ជាន​ការ​កើត​ពាង់​នៃ​ដ៝ង់”។

Yôhan 5:17 Iomraidhean Croise

Nau Mprơ Ơm 65:6

May dŏng nau brah gay rdâk njêng ma phung yôk. May rêt rse bŭt ma nau ktang.

Êsai 40:26

N'gơr hom măt khân may let klơ gay uănh: Mbu nơm rhăk njêng lĕ ndơ nây? Păng yơh jêng Nơm ƀư lĕ rngôch mănh mbing tâm trôk tĭng nâm rnoh jêh ri tĭng mbŭch, Păng kuăl amoh lĕ rngôch phung nây, Mâu pưt du mănh mbing ôh, Yor nau ktang dŭt toyh Jêh ri nau brah Păng mâu blau lôch.

Mathay 10:29

Bar mlâm sĭm srai mâu di knŏng tăch du rêl lĕ? Ƀiălah aƀaơ ri, mâu mâp geh ôh du mlâm sĭm tŭp ta neh tơlah mâu tĭng nau Mbơ̆ may ŭch.

Yôhan 10:36

pôri Gâp yơh aơ, jêng Nơm Mbơ̆ prăp êng tâm nau kloh ueh jêh ri njuăl tât ta neh ntu, mâm ƀư khân may lah tay Gâp ngơi sưr rlau, nôk Gâp lah: ‘Gâp jêng Kon Brah Ndu’?

Yôhan 14:10

Di lĕ nau may mâu chroh pô aơ Gâp gŭ tâm Mbơ̆ jêh ri Mbơ̆ gŭ tâm Gâp ƀơh? Lĕ nau Gâp lah ma khân may lĕ rngôch mâu di tă bơh nau mĭn Gâp ôh, ƀiălah Mbơ̆ gŭ tâm Gâp dôl ƀư lĕ nau kan Păng.

Yôhan 5:16

Yor nây, phung Yuđa ƀư mhĭk ma Brah Yêsu, yor nau Păng ƀư bah lĕ nau nây tâm nar Saƀat.

Yôhan 5:18

Yor nây, phung Yuđa lơ hâu joi nau ŭch nkhĭt Brah Yêsu, yor Păng mâu knŏng ƀư rai nau vay tâm nar saƀat dơm ôh, jêh ri kuăl Brah Ndu jêng Mbơ̆, kơp êng săk Păng nơm tâm ban ma Brah Ndu.

Yôhan 9:4

Nôk trôk hôm ang, ăn he ƀư hom lĕ kan ma Nơm hŏ njuăl Gâp; măng tât, mâu hôm geh bunuyh dơi pah kan ôh.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Kôranh Oh Mon 17:28

Yorlah gŭ tâm Păng yơh, he geh nau rêh, nau blau mpât jêh ri nau jêng bunuyh, tâm ban ƀaƀă bunuyh blau mprĭng khân may lah pô aơ: ‘He luh tă bơh ndŭl mpôl Păng yơh.’

I Kôrintô 12:6

Geh âk nau ƀư kan êng êng, ƀiălah geh knŏng nguay Brah Ndu, Nơm ƀư lĕ kan tâm lĕ rngôch bunuyh.

Kôlôh 1:16

Yorlah tâm Păng lĕ rngôch ndơ klơ trôk, tâm neh ntu, ndơ saơ mâu lah ndơ mâu saơ dơi rhăk njêng da dê. Mâu lah sưng hađăch, mâu lah nau chiă uănh, mâu lah phung kôranh chiă uănh, mâu lah kôranh toyh, lĕ rngôch yor Păng njêng da dê jêh, jêh ri prăp ma Păng lĕ.

I Têsalônik 2:13

Yor ri, hên lah ueh ma Brah Ndu mâu blau dŭt, yor nôk khân may tăng jêh ri sŏk dơn jêh nau ngơi Brah Ndu tă bơh hên, khân may mâu sŏk dơn nau ngơi nây tâm ban nau kon bunuyh ngơi, ƀiălah di ngăn jêng nau ngơi Brah Ndu, nau ngơi pah kan tâm khân may jêng phung chroh.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.