Yôhan 4:23 - Nau Brah Ndu Ngơi 2023

²³ Mông dăch tât jêh ri hŏ tât jêh, nôk phung bunuyh yơk mbah nanê̆ ngăn mra yơk mbah Mbơ̆ ma huêng jêh ri ma nau ngăn; nây jêng phung bunuyh yơk mbah Mbơ̆ ŭch joi.

Bunong Bible Latin Script Cambodian dialect

²³ Yơn ma tât di nar i nây, aƀaơ dja lĕ tât jêh, bunuyh i yơk mbah di ngăn ngên ma Kôranh Brah Bơ̆, yơk mbah Păng ma nuih n'hâm, ma nau ngăn, nau yơk mbah kơt i nây jêng nau Kôranh Brah Bơ̆ ŭch.

Bunong

²³ យើន​មា​ត៝ត់​ទី​នារ​អី​នៃ អាបៃ​អ្យា​លែៈ​ត៝ត់​ជេស ឞូនុយ្ស​អី​យើក​មឞាស​ទី​ងាន់​ងេន​មា​កោរាញ​ឞ្រាស​ឞឹ យើក​មឞាស​ពាង់​មា​នូយ្ស​នហ៝ម់ មា​នាវ​ងាន់ នាវ​យើក​មឞាស​កើត​អី​នៃ​ជេង​នាវ​កោរាញ​ឞ្រាស​ឞឹ​អុច។

Yôhan 4:23 Iomraidhean Croise

I Nau Rêh Jêng 29:17

Hơi Brah Ndu gâp! Gâp gĭt jêh Kôranh Brah sek uănh nuih n'hâm bunuyh jêh ri maak ma nau di. Mpeh ma gâp, gâp maak nuih n'hâm nhhơr lĕ ndơ nây nđâp ma nuih n'hâm sŏng. Aƀaơ ri, gâp saơ jêh phung ƀon lan May gŭ ta aơ ma nau răm rhơn nhhơr ma May.

Nau Mprơ Ơm 147:11

Ƀiălah Brah Yêhôva maak tâm phung klach yơk ma Păng, Jêh ri mbu nơm n'gân nau kâp gân tâm nuih n'hâm ueh Păng.

Nau Mprơ Ơm 17:1

Ơ Brah Yêhôva! Dăn gŭ iăt jêh ri sek uănh nau sŏng srăng ma gâp; Gŭ iăt nau gâp nter; Dăn rkêng tôr ma nau gâp mbơh sơm, Tă bơh bâr mbung mâu geh nau ndơm ôh.

Nau Mprơ Ơm 32:2

Ueh maak ngăn ma bunuyh Brah Yêhôva mâu kơp ôh djơh mhĭk Jêh ri tâm nuih n'hâm mâu geh nau ndơm ôh!

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Hôr 15:8

Brah Yêhôva tâm rmot mpa ƀư brah bơh phung mhĭk, Ƀiălah Păng maak nau mbơh sơm bơh bunuyh sŏng.

Nau Mprơ Ueh 2:14

Hơi plŭk gâp! Ay krap ay nơm tâm nđa lŭ, kêng mpir yôk rdâk, Ăn gâp dơi uănh muh măt ay, Jêh ri tăng bâr ay ngơi; Yorlah bâr ay njŭng rah rơch, Muh măt ay ueh reh.

Êsai 10:20

Tâm nar nây, phung Israel hôm e jêh ri phung hôm gŭ rêh klen tâm ngih Yakôb mra mâu hôm rnơm ôh ma phung hŏ dong khân păng; ƀiălah khân păng mra rnơm ngăn ma Brah Yêhôva jêng Nơm Kloh Ueh Israel.

Êsai 29:13

Kôranh Brah lah: “Yorlah phung ƀon lan aơ knŏng sŏk trôm mbung văch êp Gâp, Sŏk mpiăt tâm rnê Gâp, Ƀiălah nuih n'hâm khân păng ngai đah Gâp; Nau khân păng klach yơk ma Gâp knŏng jêng nau vay bunuyh ntăm dơm, Yor bunuyh ntĭm nti.

Êsai 43:21

Gâp hŏ njêng phung ƀon lan aơ ma Gâp, Khân păng mra mprơ nau tâm rnê ma Gâp.

Êsai 58:2

Ăp nar, khân păng joi Gâp, Jêh ri gay gĭt năl trong Gâp, Tâm ban ma du ndŭl mpôl ƀư nau sŏng srăng Jêh ri nâm bu mâu chalơi ôh nau vay ƀư bơh Brah Ndu khân păng! Khân păng dăn ma Gâp nau phat dôih sŏng, Jêh ri răm maak hăn dăch Brah Ndu.

Yêrêmi 3:10

Tât pônây jêh oh bu ur mâu răp jăp păng jêng Yuđa ăt mƀruh nchơt, mâu lĕ nuih n'hâm plơ̆ sĭt ndrel ma Gâp.” Brah Yêhôva lah pô aơ.

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 12:23

Brah Yêsu lah: “Mông lĕ tât jêh, Kon Bunuyh mra geh nau tâm rnê.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

Yôhan 4:21

Brah Yêsu lah: “Aơ, hơi bu ur ri, chroh hom ma Gâp, mông dăch tât jêh, khân ay mâu hôm yơk mbah ma Mbơ̆ ta klơ yôk aơ mâu lah ta ƀon Yêrusalem đŏng.

Yôhan 5:25

“Nanê̆ ngăn, Gâp lah ma khân may, mông dăch tât, jêh ri hŏ tât jêh, nôk phung khĭt mra tăng bâr Kon Brah Ndu, jêh ri phung bunuyh tăng bâr Păng mra rêh.

Yôhan 5:28

Lơi hih rhâl ôh nau aơ, yor mông dăch tât, nôk lĕ rngôch bunuyh khĭt gŭ tâm môch mra tăng bâr Kôranh Brah jêh ri du luh;

Samƀŭt Pôl Njuăl Ăn Ma Phung Nsing Ta Ƀon Rôm 1:9

Brah Ndu, Nơm gâp pah kan ma lĕ nuih n'hâm tâm nau mbơh nkoch Nau Mhe Mhan Ueh Kon Păng, jêng mbơh nkoch ma gâp kah gĭt ma khân may ƀaƀơ ăp tơ̆ gâp mbơh sơm

Samƀŭt Pôl Njuăl Ăn Ma Phung Nsing Ta Ƀon Rôm 8:15

N'hêl nanê̆ ngăn, khân may mâu sŏk dơn huêng jêng dĭk gay gŭ mro tâm nau klach, ƀiălah khân may sŏk dơn jêh huêng jêng kon mât rong, jêh ri tă bơh nĕ, he kuăl pô aơ: “Aƀa! Mbơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 8:26

Tâm ban lĕ, Brah Huêng Ueh kơl nau rdja he, yorlah he mâu gĭt moh nau di he dăn dôl mbơh sơm, ƀiălah Brah Huêng Ueh nơm mbơh sơm kơl an ma he ma nau rđêng mâu dơi rblang tâm nau ngơi gay kơl mbơh sơm ma phung he.

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Yôsuê 24:14

Pônây aƀaơ ri, klach yơk hom ma Brah Yêhôva jêh ri pah kan ma Păng ma lĕ nuih n'hâm jêh ri ma nau răp jăp. Mƀăr lơi hom phung brah phung chô yau khân may pah kan ta đah ri dak krong tâm ban ma tâm n'gor Êjipt jêh ri knŏng pah kan hom ma Brah Yêhôva.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!