Yôhan 4:22 - Nau Brah Ndu Ngơi 2023

²² Khân ay yơk mbah ma Nơm khân ay mâu gĭt năl, bi hên yơk mbah ma Nơm hên gĭt năl, yorlah nau tâm rklaih văch tă bơh phung Yuđa.

Bunong Bible Latin Script Cambodian dialect

²² Phung Samari khân ay yơk mbah Kôranh Brah yơn ma mâu ôh gĭt năl Păng. Phung Israel hên, hên yơk mbah Kôranh Brah nđâp ma gĭt năl Păng đŏng, yorlah nau rklaih ma dâng lĕ bunuyh Kôranh Brah ăn nây tă bơh phung Israel.

Bunong

²² ផូង​ឆាមារី  ​ខាន់​អៃ​យើក​មឞាស​កោរាញ​ឞ្រាស​យើន​មា​មោ​អោស​គឹត​នាល់​ពាង់។ ផូង​អីឆ្រាអែល  ​ហេន ហេន​យើក​មឞាស​កោរាញ​ឞ្រាស​នអ៝ប់​មា​គឹត​នាល់​ពាង់​ដ៝ង់ យ៝រ​លាស​នាវ​រាក្លាយ្ស​មា​ទឹង​លែៈ​ឞូនុយ្ស​កោរាញ​ឞ្រាស​អ៝ន់​នៃ​តាៈ​ឞើស​ផូង​អីឆ្រាអែល  ។

Yôhan 4:22 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsra 4:2

khân păng hăn tât ma Y-Sôrôƀaƀel jêh ri ăp kôranh ƀon lah: “Hên ŭch rdâk ndrel ma khân may, yorlah hên joi Brah Ndu tâm ban khân may lĕ, jêh ri hên hŏ ƀư brah ma Păng ntơm bơh rnôk Y-Êsarhadôn, hađăch Asiri, jêng nơm hŏ njŭn hên văch ta aơ.”

Nau Mprơ Ơm 147:19

Păng tâm mpơl nau Păng ngơi ma Yakôb, Nau vay dăp jêh ri nau vay Păng ƀư ma phung Israel.

Nau Mprơ Ơm 68:20

Brah Ndu jêng Brah Ndu tâm rklaih hên, Yor nau rnơm ma Kôranh Brah Yêhôva yơh kon bunuyh klaih khĭt.

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 2:3

Âk phung ƀon lan mra văch jêh ri lah: “Văch hom, ăn he hăn hao ta yôk Brah Yêhôva, Văch ta ngih Brah Ndu Yakôb. Păng mra sâm nti trong Păng ma he, He mra hăn tâm ăp trong Păng.” Yorlah nau vay mra luh bơh Siôn, Jêh ri nau Brah Yêhôva ngơi luh bơh Yêrusalem.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Kôranh Oh Mon 17:23

Yorlah dôl gâp nsong tâm ƀon khân may, treng uănh lĕ ntŭk khân may prăp yơk mbah, gâp saơ du nơng ƀư brah geh nchih rplay samƀŭt: YƠK MBAH BRAH BU MÂU MÂP GĬT NĂL. Pôri, Nơm khân may yơk mbah, ƀiălah mâu gĭt năl nây, Nơm nây yơh gâp nkoch mbơh ma khân may.

Kôranh Oh Mon 17:30

Pôri, Brah Ndu hŏ sŏk lơi lĕ tâm rnôk rluk mâl nây, ƀiălah aƀaơ aơ, Păng ntrŭnh ma lĕ rngôch bunuyh gŭ ăp ntŭk tâm rmal nau tih khân păng.

Kôranh Oh Mon 3:26

Brah Ndu hŏ ndâk Oh Mon Păng jêh ri njuăl Păng văch ta khân may lor, gay ăn nau ueh uĭn ma khân may, gay ma ăp nơm tâm phung khân may chalơi trong djơh mhĭk khân may nơm.”

Samƀŭt Pôl Njuăl Ăn Ma Phung Nsing Ta Ƀon Rôm 11:18

pôri lơi n'hao êng đah lĕ n'gĭng nây. Tơlah may n'hao êng may nơm, ăn may gĭt, mâu di may ôh nsrôih dơn reh, ƀiălah reh nsrôih dơn ma may.

ហេឞ្រើ 7:14

Yorlah nanê̆ Kôranh Brah he luh tă bơh ndŭl mpôl Yuđa, du ndŭl mpôl Y-Môis mâu mâp ngơi ma nau pah kan kôranh ƀư brah ôh.