Yôhan 4:14 - Nau Brah Ndu Ngơi 2023

¹⁴ ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Bunong Bible Latin Script Cambodian dialect

¹⁴ yơn ma bu moh nhêt dak Gâp ăn, mâu hôm geh ôh nau ji hir jât, yorlah dak Gâp ăn i nây, jêng tu dak ta păng i lôh rdôl ăn geh nau rêh n'ho ro.”

Bunong

¹⁴ យើន​មា​ឞូ​ម៝ស​ញេត​ទាក​គ៝ប់​អ៝ន់ មោ​ហោម​គែស​អោស​នាវ​ជី​ហីរ​ជឹត យ៝រ​លាស​ទាក​គ៝ប់​អ៝ន់​អី​នៃ ជេង​តូ​ទាក​តា​ពាង់​អី​លោស​រាទោល​អ៝ន់​គែស​នាវ​រេស​នហ៝​រ៝”។

Yôhan 4:14 Iomraidhean Croise

Êsai 49:10

Khân păng mâu mra ji ngot ôh, mâu lĕ ji hir, N'hâm duh jêh ri nar mâu hôm ƀư rêh ni ma khân păng ôh, Yorlah Nơm yô̆ nđach ma khân păng mra njŭn khân păng, Njŭn leo khân păng văch dăch lĕ dak n'hor.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 58:11

Brah Yêhôva mra njŭn may ƀaƀơ; Ƀư ăn ma may hơm ta nklang ntŭk phang toyh; Ƀư ăn nâp ktang lĕ nting nđăng may; Khân may mra jêng tâm ban ma du đang trao bu djrah dak, Tâm ban ma dak n'hor mâu mâp suăt kro ôh.

Yêrêmi 2:13

“Phung ƀon lan Gâp hŏ tih bar ntil nau mhĭk: Khân păng hŏ chalơi Gâp, Jêng tu dak rêh; Kuyh êng ntu dak, Ntu dak lĕ đang, Mâu hôm prăp dak.

Yêrêmi 31:25

Yorlah Gâp hŏ ƀư ăn nuih n'hâm rgănh dơi jêng mhe, Ăp nơm lêt rgănh dơi hơm răm.”

Êsêkiêl 47:9

Ăp ntŭk dak krong nây hoch tât pôri lĕ rngôch mpa rêh, nây jêng mpa rêh mpât rêh tâm dak, mra dơi rêh da dê jêh ri ta nây mra geh âk ntil ka. Ta ntŭk dak nây hoch tât pôri dak mƀŭt jêng rsang, jêh ri ta ntŭk dak krong nây hoch tât pôri lĕ rngôch mpa mra rêh ta nây.

Kan Lêvi 11:36

Ƀiălah, du tu dak mâu lah du ntu prăp dak, bu ăt kơp dak nây jêng kloh tơlah geh săk jăn lĕ rngôch mpa nây; ƀiălah mbu nơm pah săk jăn khĭt khân păng mra jêng ƀơ̆ ƀơch.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Mathay 5:6

Ueh maak ngăn ma phung ji ngot ji hir nau sŏng srăng, Yorlah mra dơi hơm tŏng!

Yôhan 10:10

Bunuyh ntŭng knŏng văch gay ntŭng, nkhĭt, jêh ri ƀư rai, bi Gâp hŏ văch gay ma biăp geh nau rêh jêh ri nau rêh âk rmeh.

Yôhan 11:26

Bi mbu nơm rêh, jêh ri chroh ma Gâp mâu mra mâp khĭt ôh. Ay chroh nau nây?”

Yôhan 4:10

Brah Yêsu plơ̆ lah: “Tơlah ay gĭt ndơ Brah Ndu ăn, jêh ri Păng dôl ngơi đah ay: ‘Ăn Gâp dăn nhêt dak’ jêng mbu nơm pôri n'hêl nanê̆ ay mra vơl dăn ma Păng, jêh ri Păng mra ăn dak rêh ma ay.”

Yôhan 4:11

Bu ur nây lah: “Hơi Kôranh, may mâu geh ndơ gay bâk, ntu dak aơ jru ngăn, pôri ntŭk tă may geh dak rêh nây?

Yôhan 4:13

Brah Yêsu plơ̆ lah: “Mbu nơm nhêt dak aơ mra hôm ji hir ƀaƀơ,

Yôhan 4:36

Bunuyh rek dơn prăk nkhôm jêh ri prăp nkrem kao play ma nau rêh n'ho ro, pôri bunuyh tuch n'hanh ma bunuyh rek răm maak ndrel.’

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:35

Brah Yêsu lah: “Gâp jêng piăng let nau rêh. Mbu nơm văch ta Gâp, mâu hôm ji ngot ôh, mbu nơm chroh ma Gâp mâu hôm geh ji hir ôh.

Yôhan 6:58

Aơ jêng piăng let jŭr tă bơh trôk, mâu tâm ban ma piăng let phung chô yau khân may hŏ sa jêh ri khĭt; mbu nơm sa piăng let aơ mra gŭ rêh n'ho ro.”

Yôhan 7:37

Tât nar nglĕ dŭt jêng nar dŭt khlay tâm năng rƀŭn, Brah Yêsu gŭ dâk ta nây jêh ri mbơh pô aơ: “Tơlah mbu nơm ji hir, văch hom ta Gâp jêh ri nhêt.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

II Kôrintô 1:22

Păng yơh tâp pŏng Păng ta klơ he, jêh ri ăn Brah Huêng Ueh Păng gŭ tâm nuih n'hâm he gay ƀư ndơ ma nau mbơh.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 7:16

Khân păng mâu mra hôm ji ngot mâu lah ji hir ôh, mâu đŏng geh nar mâu lah nau duh hôm nđat ma khân păng ôh.

Nau Tâm Mpơl 7:17

Yorlah Kon Biăp gŭ ta nklang sưng hađăch mra mât njrăng khân păng jêh ri njŭn leo khân păng tât ta lĕ dak n'hor rêh. Brah Ndu mra jut lơi dak măt bơh trôm măt khân păng.”