Yôhan 3:3 - Nau Brah Ndu Ngơi 2023

³ Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

Bunong Bible Latin Script Cambodian dialect

³ Brah Yêsu ơh: “Gâp lah n'hêl nanê̆ ngăn ma may, bu moh mâu deh mhe, păng i nây mâu dơi ôh lăp say ta nau Kôranh Brah mât uănh.”

Bunong

³ ឞ្រាស​យេឆូ  ​អើស៖ “គ៝ប់​លាស​នហេល​នានេៈ​ងាន់​មា​មៃ ឞូ​ម៝ស​មោ​ទែស​មហែ ពាង់​អី​នៃ​មោ​ទើយ​អោស​លាប់​ឆៃ​តា​នាវ​កោរាញ​ឞ្រាស​ម៝ត់​អ្វាញ់”។

Yôhan 3:3 Iomraidhean Croise

Yêrêmi 5:21

Ăn iăt hom, hơi phung ƀon lan rluk mâl, Geh măt mâu gĭt saơ, Geh tôr mâu gĭt tăng.”

Êsêkiêl 36:26

Gâp mra ăn ma khân may nuih n'hâm mhe jêh ri Gâp mra dơm huêng brah mhe tâm khân may. Gâp mra sŏk lơi nuih n'hâm ma lŭ bơh nglay săk khân may jêh ri ăn ma khân may nuih n'hâm ma mlay.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 19:24

Gâp lah tay ma khân may, seh samô lăp tâm trôm nglai dơh lơn ma bunuyh ndrŏng lăp tâm ƀon bri hađăch Brah Ndu.”

Mathay 21:31

Tâm phung bar hê aơ, mbu nơm ƀư tĭng nâm nau mbơ̆ păng ŭch?” Khân păng plơ̆ lah: “Nơm tal nguay.” Brah Yêsu lah ma khân păng pô aơ: “Nanê̆, Gâp lah ma khân may, phung riu pi jêh ri bu ur ka n'hong mra dơi lăp tâm ƀon bri hađăch Brah Ndu lor lơn ma khân may.

Mathay 5:18

Yorlah nanê̆, Gâp lah ma khân ay may, êlor trôk jêh ri neh ntu ê hŏ rlau, mâu mra roh du ntil mâu lah du rplay samƀŭt dŭt jê̆ tâm nau vay ôh, kŏ tât lĕ rngôch nau nây mra dơi lôch jêh.

Markôs 10:14

Saơ kơt nây, Păng ji nuih jêh ri lah ma phung oh mon: “Ăn hom phung kon se jê̆ văch ma Gâp, lơi ta buay khân păng ôh, yorlah ƀon bri hađăch Brah Ndu prăp ma phung nâm bu phung kon se jê̆ nây.

Markôs 9:47

Bi tơlah măt may nsŭk may ƀư tih, rvek hom păng! Yorlah may roh du ding măt ƀiălah dơi lăp tâm ƀon bri hađăch Brah Ndu, ueh lơn geh tŏng lĕ bar đah măt ƀiălah bu mƀăr tâm ndrung ŭnh,

Yôhan 1:13

jêng phung bunuyh deh mâu di deh tă bơh mham, mâu lah tă bơh nglay săk kơnh, mâu lah tă bơh nau bunuyh ŭch, ƀiălah tă bơh Brah Ndu.

Yôhan 1:5

Nau ang sol tâm nau ngo, ƀiălah nau ngo mâu dơn ôh nau ang.

Yôhan 1:51

Jêh nây Brah Yêsu lah: “Nanê̆ ngăn, Gâp lah ngăn ma khân may: Khân may mra saơ trôk pơk jêh ri tông mpăr Brah Ndu jŭr ta klơ Kon Bunuyh.”

Yôhan 12:40

“Brah Yêsu ƀư ăn măt khân păng chieh, Nuih n'hâm khân păng dăng, Klach lah măt khân păng dơi saơ, Nuih n'hâm khân păng gĭt rbăng jêh ri rmal nau tih, Gay ma Gâp ƀư bah khân păng.”

Yôhan 3:4

Y-Nikôđem ơh pô aơ: “Mâm ƀư bunuyh lĕ ranh dơi deh tay? Mâm dơi păng plơ̆ lăp tâm ndŭl mê̆ jêh ri deh rơh bar?”

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

Galati 6:15

Yorlah nau khlay mâu di jêng nau koh ntâu mâu lah mâu koh ntâu, ƀiălah nau plơ̆ jêng bunuyh mhe.

Êphêsô 2:1

Khân may khĭt jêh yor lĕ nau ƀư tih jêh ri nau tih khân may nơm,

Nau Vay Nkah Tay 29:4

Ƀiălah kŏ tât ta nar aơ Brah Yêhôva ê hŏ ăn ôh ma khân may nuih n'hâm gay gĭt, măt gay saơ mâu lah tôr gay tăng.

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:4

Yorlah mbu nơm deh tă bơh Brah Ndu dơi đah neh ntu; nau ƀư ma he dơi đah neh ntu jêng nau he chroh.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng: