Yôhan 3:21 - Nau Brah Ndu Ngơi 2023

²¹ Ƀiălah mbu nơm ƀư tĭng nau ngăn, ri mơ văch tâm nau ang gay lĕ nau păng nơm hŏ ƀư jêh tâm Brah Ndu dơi saơ rah vah.”

Bunong Bible Latin Script Cambodian dialect

²¹ Yơn ma bu moh jan sŏng, păng ŭch hăn ta nau ang, gay ma ăn bu say, dâng lĕ ndơ păng jan nơh jêng di kơt nau Kôranh Brah ŭch ngăn.”

Bunong

²¹ យើន​មា​ឞូ​ម៝ស​ជាន​ឆ៝ង់ ពាង់​អុច​ហាន់​តា​នាវ​អាង គៃ​មា​អ៝ន់​ឞូ​ឆៃ ទឹង​លែៈ​នទើ​ពាង់​ជាន​នើស​ជេង​ទី​កើត​នាវ​កោរាញ​ឞ្រាស​អុច​ងាន់”។

Yôhan 3:21 Iomraidhean Croise

Nau Mprơ Ơm 119:105

Nau May Ngơi jêng ŭnh kađen njŭn leo jâng gâp, Nau ang ma trong gâp.

Nau Mprơ Ơm 119:80

Ăn nuih n'hâm gâp ƀư rĭng tâm lĕ nau vay May dăp; Gay ma gâp mâu bêk ôh.

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 8:20

Hăn tĭng hom nau vay jêh ri nau mbơh! Tơlah khân păng mâu ngơi tâm ban pônây, n'hêl nanê̆ mâu mra geh nau ƀhit rvi ang ma khân păng ôh.

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Yôhan 1:47

Brah Yêsu saơ Y-Nathanel văch ta Păng, Păng lah ma Y-Nathanel pô aơ: “Aơ jêng du huê bunuyh Israel ngăn, tâm păng mâu geh nau mƀruh nchơt ôh.”

Yôhan 3:20

Yorlah mbu nơm ƀư mhĭk, păng tâm rmot ma nau ang jêh ri mâu ŭch văch ôh ta nau ang, klach mpơl nau kan păng ƀư.

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

II Kôrintô 1:12

Nau ƀư ma hên geh nau hâk răm, nây jêng nuih n'hâm sŏng hên mbơh nkoch ma hên hŏ sŏk nau răp jăp jêh ri nau nanê̆ ngăn tă bơh Brah Ndu gay ma gŭ ngao tâm neh ntu nây, khlay ngăn ngên đah khân may. Hên mâu nsing nau blau mĭn tâm nglay săk ôh, ƀiălah nsing rnơm nau yô̆ bơh Brah Ndu.

Galati 6:8

Mbu nơm srih ma nglay săk mra bơh nglay săk rek nau rai yot; ƀiălah mbu nơm srih ma Brah Huêng Ueh mra bơh Brah Huêng Ueh rek nau rêh ƀaƀơ n'ho ro.

Êphêsô 5:9

yorlah play nau ang jêng lĕ nau ueh, nau sŏng srăng jêh ri nau nanê̆ ngăn.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Philip 2:13

Yorlah Brah Ndu jêng Nơm dôl pah kan tâm khân may, gay ma khân may ƀă ŭch ƀă ƀư tĭng nau mĭn ueh Păng.

Kôlôh 1:29

Yor ma nau aơ gâp kan lĕ n'hâm suan jêh ri tâm lơh ma lĕ nau ktang bơh Păng ƀư ăn ktang tâm gâp.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 1:6

Tơlah he lah he nơm geh nau tâm rnglăp đah Păng ƀiălah hôm nhuat hăn tâm nau ngo, pôri he ngơi mƀruh jêh ri mâu ƀư tĭng nâm nau ngăn ôh.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.

Nau Tâm Mpơl 3:15

‘Gâp gĭt lĕ nau kan may; may mâu nđik, mâu đŏng duh. Ŭch ngăn may jêng duh mâu lah nđik.