Yôhan 3:13 - Nau Brah Ndu Ngơi 2023

¹³ Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Bunong Bible Latin Script Cambodian dialect

¹³ Mâu geh ôh bunuyh lĕ geh hao ta kalơ trôk, jêh ri plơ̆ jŭr tay ta neh ntu dja, du huê mâu ơm, geh du huê Gâp i Kon Bunuyh tă bơh Kôranh Brah dơm i lĕ jŭr bơh kalơ trôk ri.

Bunong

¹³ មោ​គែស​អោស​ឞូនុយ្ស​លែៈ​គែស​ហាវ​តា​កាលើ​ត្រោក ជេសរី​ព្លឹ​ជុរ​តៃ​តា​នែស​នតូ​អ្យា ទូ​ហ្វេ​មោ​អើម គែស​ទូ​ហ្វេ​គ៝ប់​អី​ក៝ន​ឞូនុយ្ស​តាៈ​ឞើស​កោរាញ​ឞ្រាស​ទើម​អី​លែៈ​ជុរ​ឞើស​កាលើ​ត្រោក​រី។

Yôhan 3:13 Iomraidhean Croise

Nau Hôr 30:4

Mbu nơm hŏ hao klơ trôk jêh jŭr tay? Mbu nơm hŏ rgum sial tâm mpang ti? Mbu nơm hŏ nklâm dak tâm ao? Mbu nơm ndâk n'har neh ntu? Mâm amoh Nơm nây, Jêh ri amoh săk kon bu klâu Nơm nây? Tơlah may gĭt, nkoch hom!

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Mathay 8:20

Brah Yêsu plơ̆ lah: “Phung mpik geh trôm, phung sĭm klơ trôk geh rsuăn, ƀiălah Kon Bunuyh mâu geh ntŭk dâm bôk.”

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 13:3

Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.

Yôhan 3:12

Tơlah Gâp lah ma khân may lĕ nau tâm neh ntu khân may hôm mâu chroh, rlau lơn ma nĕ Gâp nkoch lĕ nau ta klơ trôk, mâm ƀư khân may dơi chroh?

Yôhan 3:31

Nơm văch tă bơh klơ prêh jêng klơ lĕ rngôch. Mbu luh tă bơh neh jêng ndơ neh ntu, ngơi lĕ nau jêng ndơ neh ntu; ƀiălah Nơm văch tă bơh trôk jêng klơ lĕ rngôch.

Yôhan 6:33

Yorlah piăng let Brah Ndu jêng piăng let jŭr tă klơ trôk, ăn nau rêh ma neh ntu.”

Yôhan 6:38

Yorlah Gâp hŏ jŭr tă klơ trôk, mâu di gay ƀư tĭng nau mĭn Gâp ŭch ôh, ƀiălah ƀư tĭng nau mĭn Nơm hŏ njuăl jêh Gâp.

Yôhan 6:42

Khân păng lah: “Mâu di hĕ bunuyh aơ jêng Brah Yêsu, kon Y-Yôsep? Mê̆ mbơ̆ păng, he gĭt lĕ, mâm ƀư aƀaơ aơ păng lah tay: ‘Gâp hŏ jŭr tă klơ trôk’?”

Yôhan 6:46

Mâu geh ôh du huê bunuyh saơ Mbơ̆, knŏng Nơm hŏ văch jêh tă bơh Brah Ndu; Nơm nây hŏ saơ jêh Mbơ̆.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Yôhan 6:62

Pôri, tơlah khân may saơ Kon Bunuyh hao ta ntŭk Păng gŭ bơh saơm mâm mêh?

Yôhan 8:42

Brah Yêsu lah ma khân păng: “Lah Brah Ndu jêng Mbơ̆ khân may, khân may rŏng lĕ ma Gâp; yorlah Gâp luh tă bơh Brah Ndu jêh ri văch tă bơh Păng, yor Gâp mâu văch êng Gâp nơm ôh, ƀiălah Brah Ndu yơh hŏ njuăl Gâp.

Kôranh Oh Mon 2:34

Yorlah hađăch Đavit ê mâp hao ta klơ trôk ôh, ƀiălah păng nơm hŏ lah jêh: ‘Kôranh Brah lah jêh ma Kôranh Brah gâp pô aơ: Gŭ hom pa ma Gâp,

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 10:6

Ƀiălah nau sŏng srăng luh tă bơh nau chroh lah pô aơ: “Lơi lah ôh tâm nuih n'hâm pô aơ: ‘Mbu mra hao klơ trôk?’ đah nau mĭn jêng gay djôt leo Brah Krist jŭr;

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

Êphêsô 1:23

Phung Ngih Brah Ndu jêng săk jăn Păng, jêng nau bêng ler tă bơh Nơm ƀư rĭng lĕ ntil ndơ tâm lĕ rngôch.

Nau Vay Nkah Tay 30:12

Nau nây mâu di ôh klơ trôk kŏ tât khân may ôp tâm nuih n'hâm: ‘Mbu mra hao klơ trôk jêh ri djôt leo păng jŭr gay hên dơi tăng jêh ri tĭng kơt?’