Yôhan 21:19 - Nau Brah Ndu Ngơi 2023

¹⁹ Brah Yêsu lah nau nây ŭch mbơh mâm nau Y-Pêtrôs mra khĭt gay ma tâm rnê Brah Ndu. Pakơi nây, Brah Yêsu đă ma păng pô aơ: “Tĭng hom Gâp.”

Bunong Bible Latin Script Cambodian dialect

¹⁹ Brah Yêsu ngơi kơt nây, Păng ŭch mbơh a mơm khât Pêtrôs, gay ma ăn Kôranh Brah geh nau chrêk lơp. Jêh Brah Yêsu lah ngơi kơt nây, Păng lah ma Pêtrôs: “Hô̆ tâng groi Gâp bơh kơi!”

Bunong

¹⁹ ឞ្រាស​យេឆូ  ​ងើយ​កើត​នៃ ពាង់​អុច​មឞើស​អា​មើម​ខឹត​ពេត្រោស  គៃ​មា​អ៝ន់​កោរាញ​ឞ្រាស​គែស​នាវ​ច្រេក​លើប។ ជេស​ឞ្រាស​យេឆូ  ​លាស​ងើយ​កើត​នៃ ពាង់​លាស​មា​ពេត្រោស  ៖ “ហោៈ​តឹង​គ្រ៝យ​គ៝ប់​ឞើស​កើយ!”

Yôhan 21:19 Iomraidhean Croise

Nau Kơp Bunuyh 14:24

Ƀiălah yorlah oh mon Gâp jêng Y-Kalep mâu geh du nau mĭn đah khân păng, ƀiălah păng hăn tĭng Gâp ma lĕ nuih n'hâm răp jăp, Gâp mra njŭn păng lăp tâm n'gor păng lĕ hăn n'hut uănh jêh; noi deh bunuyh mra dơi n'gor nĕ jêng drăp ndơn.

Mathay 10:38

Mbu nơm mâu tuy si tâm rkăng păng nơm tĭng Gâp, păng nây mâu khư ma Gâp ôh.

Mathay 19:28

Brah Yêsu plơ̆ lah: “Nanê̆, Gâp lah ma khân may, rnôk rô̆ lĕ rngôch ndơ rgâl mhe, tơlah Kon Bunuyh mra gŭ ta klơ sưng hađăch nau chrêk rmah Păng, khân may jêng phung bunuyh hŏ tĭng Gâp, mra gŭ đŏng ta klơ jât ma bar sưng hađăch, gay phat dôih jât ma bar ndŭl mpôl phung Israel.

Mathay 8:22

Ƀiălah Brah Yêsu lah: “Tĭng hom Gâp, ăn bunuyh khĭt tâp bunuyh khĭt khân păng nơm.”

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 12:33

Brah Yêsu lah nau aơ ŭch tâm mpơl mâm nau Păng mra khĭt.

Yôhan 18:32

Nau aơ tât di ngăn tĭng nau Brah Yêsu hŏ lah jêh, mâm nau Păng mra khĭt.

Yôhan 21:18

Nanê̆, Gâp lah ngăn ma may, dôl hôm ndăm, may rêt êng rse bŭt may nơm, may hăn mbah ntŭk may ŭch hăn; ƀiălah tât ranh jêh, may mra yơr ti, gay ma bu êng rêt rse bŭt jêh ri njŭn leo may ta ntŭk may mâu ŭch hăn ôh.”

Yôhan 21:22

Brah Yêsu plơ̆ lah: “Lah Gâp ŭch bunuyh nây gŭ rêh tât Gâp plơ̆ văch, mpa kô̆ tât nau nây ma may? Bi may, tĭng hom Gâp.”

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

II Pêtrôs 1:14

yorlah gâp gĭt hŏ tât jêh nôk gâp mra du gơnh bơh ngih njưh aơ, nâm bu Kôranh Brah he jêng Brah Yêsu Krist tâm mpơl jêh ma gâp.

I Samuel 12:20

Y-Samuel plơ̆ lah ma phung ƀon lan: “Lơi klach ôh! Ngăn, khân may lĕ ƀư jêh lĕ rngôch nau mhĭk aơ; ƀiălah, khân may lơi chalơi ôh Brah Yêhôva, ƀiălah ăn lĕ nuih n'hâm pah kan ma Păng,