Yôhan 21:15 - Nau Brah Ndu Ngơi 2023

¹⁵ Lah jêh sa, Brah Yêsu lah ma Y-Simôn Pêtrôs pô aơ: “Ơ Y-Simôn, kon Y-Yôhan, may rŏng ma Gâp âk lơn ma phung aơ lĕ?” Y-Pêtrôs ơh: “Ơ Kôranh Brah, May gĭt jêh gâp rŏng ma May.” Brah Yêsu đă: “Mât mray hom phung kon biăp Gâp.”

Bunong Bible Latin Script Cambodian dialect

¹⁵ Tât lĕ jêh khân păng sông sa nây, Brah Yêsu lah ma Simôn i bu kuăl Pêtrôs đŏng: “Ơ Simôn kon Yôhan, ah may rŏng ma Gâp rlau khân păng dja đŏng bơh?” Păng ơh: “Ơ Kôranh, May lĕ gĭt jêh nau gâp rŏng ma May.” Brah Yêsu lah ma păng: “Ăn may uănh phung i nsing ma Gâp tâm ban ma nơm chiăp uănh phung kon be biăp păng nơm ăn geh mpa sa.”

Bunong

¹⁵ ត៝ត់​លែៈ​ជេស​ខាន់​ពាង់​ឆោង​ឆា​នៃ ឞ្រាស​យេឆូ  ​លាស​មា​ឆីមោន  ​អី​ឞូ​ក្វាល់​ពេត្រោស  ​ដ៝ង់៖ “អើ​ឆីមោន  ​ក៝ន​យោហាន  អាស​មៃ​រ៝ង់​មា​គ៝ប់​រាលាវ​ខាន់​ពាង់​អ្យា​ដ៝ង់​ឞើស?” ពាង់​អើស៖ “អើ​កោរាញ មៃ​លែៈ​គឹត​ជេស​នាវ​គ៝ប់​រ៝ង់​មា​មៃ”។ ឞ្រាស​យេឆូ  ​លាស​មា​ពាង់៖ “អ៝ន់​មៃ​អ្វាញ់​ផូង​អី​ញឆីង​មា​គ៝ប់​តឹម​ឞាន​មា​នើម​ច្យាប់​អ្វាញ់​ផូង​ក៝ន​ឞែ​ឞ្យាប់​ពាង់​នើម​អ៝ន់​គែស​មពា​ឆា”។

Yôhan 21:15 Iomraidhean Croise

Nau Ntơm 33:13

Y-Yakôb lah: “Nâm bu kôranh gĭt jêh, phung kon se jêng ra ai ngăn, ƀiălah gâp mât đŏng phung biăp me jêh ri ndrôk me hôm e kon pu toh. Tơlah ntrŭt ndal khân păng hăn gơnh, nđâp lah knŏng du nar dơm, lĕ rngôch mpô mpa nây mra khĭt.

II Samuel 7:20

Moh nau Y-Đavit hôm dơi lah đŏng? Hơi Kôranh Brah Yêhôva! May gĭt năl jêh oh mon May.

II Phung Hađăch 20:3

“Ơ Brah Yêhôva, dăn kah gĭt hom pô aơ gâp hôm chuat hăn tanăp măt May ma nau răp jăp lĕ nuih n'hâm, jêh ri ƀư jêh nau ueh tanăp măt May.” Jêh nây Y-Hêsêkia nhĭm rngot ngăn.

Êsai 40:11

Păng mra chiăp biăp Păng tâm ban ma bunuyh rmăk biăp; Rgum phung kon biăp tâm ti Păng Jêh ri chông ut khân păng tâm ntang ntơh; Mbrơi mbrơi njŭn leo phung biăp me dôl ăn pu kon.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 3:15

Gâp mra ăn khân may phung chiăp ueh nuih n'hâm Gâp. Khân păng mra sŏk nau gĭt rbăng jêh ri nau blau mĭn rong siăm khân may.”

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 46:24

Bunuyh nây lah ma gâp pô aơ: “Aơ jêng ngih ŭnh, jêng ntŭk phung bunuyh pah kan tâm ngih brah gâm puăch lĕ ndơ ƀư brah ma phung ƀon lan.”

Mathay 10:37

Mbu nơm rŏng ma mê̆ mâu lah mbơ̆ âk lơn ma Gâp, păng mâu khư ma gâp ôh; mbu nơm rŏng kon bu klâu mâu lah kon bu ur păng âk lơn ma gâp, păng nây mâu khư ma Gâp ôh.

Mathay 16:17

Brah Yêsu lah ma păng: “Hơi Y-Simôn kon Y-Yôna, ueh maak ngăn ma may! Yor ri mâu di nglay săk jêh ri mham mpơl nau nây ma may ôh, ƀiălah jêng Mbơ̆ Gâp gŭ ta klơ trôk yơh.

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

Mathay 26:33

Y-Pêtrôs ơh: “Nđâp tơlah lĕ rngôch chalơi yor May, gâp mâu mra chalơi ôh.”

Mathay 26:35

Y-Pêtrôs ơh: “Tơlah ăn gâp khĭt ndrel ma Nơm Nti kđôi lĕ, gâp mâu mra dun May ôh.” Lĕ rngôch oh mon lah kơt nây da dê.

Markôs 14:29

Y-Pêtrôs ơh: “Nđâp tơlah lĕ rngôch khân păng mra chalơi, ƀiălah gâp mâu mra chalơi ôh.”

Luka 12:32

Hơi phung jê̆, lơi klach ôh, yorlah Mbơ̆ khân may di nuih n'hâm ăn ƀon bri hađăch Păng ma khân may jêh.

Luka 22:32

Ƀiălah Gâp mbơh sơm jêh gay ma may mâu mra pưt nau chroh. Tơlah may plơ̆ sĭt, ƀư hom ma phung oh nâu may ktang.”

Yôhan 1:42

Păng njŭn leo Y-Simôn văch ta Brah Yêsu. Brah Yêsu uănh Y-Simôn jêh ri lah: “May jêng Y-Simôn, kon Y-Yôhan, bu mra amoh may Y-Sêphas,” nâm bu ntĭt Y-Pêtrôs.

Yôhan 13:37

Y-Pêtrôs ơh: “Ơ Kôranh Brah, mâm ƀư gâp mâu dơi tĭng may aƀaơ? Gâp mra nhhơr ăn nau rêh gâp nơm ma May.”

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 21:12

Brah Yêsu đă: “Khân may văch hom ta aơ sa.” Mâu geh du huê tâm phung khân păng nănh ôp ma Păng: “Mbu may jêng?” Yorlah khân păng gĭt jêh Păng jêng Kôranh Brah.

Yôhan 21:7

Oh mon Brah Yêsu rŏng, lah ma Y-Pêtrôs: “Nây jêng Kôranh Brah!” Nôk Y-Simôn Pêtrôs hŏ tăng jêh nây jêng Kôranh Brah, Păng nsoh ao ro (dôl gŭ săk hưl), jêh ri păng nsăt trŭnh tâm dak mƀŭt.

Yôhan 8:42

Brah Yêsu lah ma khân păng: “Lah Brah Ndu jêng Mbơ̆ khân may, khân may rŏng lĕ ma Gâp; yorlah Gâp luh tă bơh Brah Ndu jêh ri văch tă bơh Păng, yor Gâp mâu văch êng Gâp nơm ôh, ƀiălah Brah Ndu yơh hŏ njuăl Gâp.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 20:29

Gâp gĭt, jêh gâp dâk hăn, mra geh phung so bri janh ktang lăp tâm phung khân may, khân păng mâu geh nau yô̆ ma phung biăp ôh.

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

Samƀŭt Pôl Njuăl Ăn Ma Phung Nsing Ta Ƀon Rôm 15:1

He jêng phung dăng, ăn he anh lĕ nau rêh ni phung rdja, mâu knŏng gĭt ƀư maak ma he nơm dơm ôh.

I Kôrintô 8:11

Pôri nau may gĭt rbăng ƀư rai yot bunuyh rdja nây, jêng phung Brah Krist khĭt ntrok an jêh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 4:14

Kơt nây, he mâu mra hôm jêng kon se ôh, geh nau rpuh njach jêh ri rdu tĭng sial khôm nau nti nklă, tă bơh nau plĕch rlăm kon bunuyh jêh ri lĕ nau blau nklă khân păng ndơm mƀruh.

Êphêsô 6:24

Dăn nau yô̆ gŭ ndrel ma lĕ rngôch phung rŏng ma Kôranh Brah he jêng Brah Yêsu Krist ma nau rŏng mâu blau rai.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Yôhan 4:19

He rŏng yorlah Kôranh Brah rŏng jêh ma he lor.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.