Yôhan 20:9 - Nau Brah Ndu Ngơi 2023

⁹ Ƀiălah khân păng ê hŏ gĭt rbăng ôh nau ngơi tâm Nau Brah Ndu Ngơi nchih ma Brah Yêsu dâk rêh tay tă bơh nau khĭt.

Bunong Bible Latin Script Cambodian dialect

⁹ Nôk nây bar hê khân păng i nây ê vât ôh Nau Kôranh Brah Ngơi nchih lah, iăt ma Brah Yêsu dâk rêh jêh Păng khât.

Bunong

⁹ នោក​នៃ​ឞារ​ហៃ​ខាន់​ពាង់​អី​នៃ​អេ​វ៝ត់​អោស​នាវ​កោរាញ​ឞ្រាស​ងើយ​ញចីស​លាស អ្យាត់​មា​ឞ្រាស​យេឆូ  ​ទ៝ក់​រេស​ជេស​ពាង់​ខឹត។

Yôhan 20:9 Iomraidhean Croise

Nau Mprơ Ơm 16:10

Yorlah Kôranh Brah mâu mra chalơi huêng gâp tâm ƀon phung khĭt; Mâu đŏng ăn phung răp jăp May saơ môch.

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Ndrom Samƀŭt bơh Ôsê 13:14

Gâp mra tâm rklaih khân păng tă bơh nau dơi ƀon phung khĭt Jêh ri chuai khân păng tă bơh nau khĭt hĕ? Ơ nau khĭt, ta ntŭk nau mhĭk may? Ơ ƀon phung khĭt, ta ntŭk nau rai yot may? Nau yô̆ nđach bu pôn lơi jêh bơh trôm măt Gâp.

Mathay 22:29

Brah Yêsu plơ̆ lah: “Khân may vĭ jêh, yorlah khân may mâu gĭt rbăng ôh Nau Brah Ndu Ngơi, mâu đŏng gĭt rbăng ma nau brah Brah Ndu.

Luka 24:26

Mâu di hĕ Brah Krist dơn lĕ nau nđêh nji tâm ban pônây jêh nây Păng hăn lăp tâm nau chrêk rmah Păng?”

Luka 9:45

Ƀiălah phung oh mon mâu gĭt rbăng ôh nau ngơi nây. Đah ma khân păng, nau nây hôm nkŭm ndâp ƀư ăn khân păng mâu dơi gĭt rbăng ôh, ƀiălah khân păng klach, mâu nănh ôp Brah Yêsu.

Yôhan 2:22

Pôri, nôk Păng dâk rêh tay tă bơh nau khĭt, phung oh mon kah gĭt Păng lah jêh nau aơ, khân păng chroh Nau Brah Ndu Ngơi jêh ri nau Brah Yêsu hŏ lah jêh.

Kôranh Oh Mon 17:3

sŏk Nau Brah Ndu Ngơi rblang jêh ri gĭt rah vah ma Brah Krist dơn jêh nau rêh ni, jêh ri dâk rêh tay tă bơh nau khĭt. Păng lah: “Brah Yêsu jêng Nơm gâp mbơh nkoch ma khân may aơ, Păng yơh Brah Krist.”

Kôranh Oh Mon 2:24

Ƀiălah Brah Ndu ƀư ăn Păng dâk rêh tay, tâm rklaih Păng tă bơh nau nđêh nji ma nau khĭt, yorlah nau khĭt mâu dơi nhŭp kân Păng ôh.

I Kôrintô 15:4

Bu tâp jêh Păng, tât nar rơh pe, Păng hŏ dâk rêh tay tĭng nâm nau nchih jêh tâm Nau Brah Ndu Ngơi;