Yôhan 20:31 - Nau Brah Ndu Ngơi 2023

³¹ Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Bunong Bible Latin Script Cambodian dialect

³¹ Ndơ i geh nchih ta samƀŭt dja gay ma ŭch ăn khân ay may rŏ, n'ho ma iăt Brah Yêsu jêng Brah Krist i Kon Kôranh Brah ngăn, jêh ri ŭch ăn khân ay may nsing, gay ma khân ay may geh nau rêh n'ho ro yor ma Păng.

Bunong

³¹ នទើ​អី​គែស​ញចីស​តា​ឆ៝ម់បុត​អ្យា​គៃ​មា​អុច​អ៝ន់​ខាន់​អៃ​មៃ​រ៝ៈ នហ៝​មា​អ្យាត់​ឞ្រាស​យេឆូ  ​ជេង​ឞ្រាស​ក្រីស  ​អី​ក៝ន​កោរាញ​ឞ្រាស​ងាន់ ជេសរី​អុច​អ៝ន់​ខាន់​អៃ​មៃ​ញឆីង គៃ​មា​ខាន់​អៃ​មៃ​គែស​នាវ​រេស​នហ៝​រ៝​យ៝រ​មា​ពាង់។

Yôhan 20:31 Iomraidhean Croise

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 2:7

Gâp mra mbơh nau ntĭnh bơh Brah Yêhôva: Păng lah ma Gâp: “Kon jêng Kon Gâp; Nar aơ Gâp hŏ deh jêh Kon.

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Mathay 27:54

Nôk kôranh tahan jêh ri phung tahan chiă Brah Yêsu, saơ n'găr neh ntu ndrel ma lĕ nau tât geh jêh, khân păng klach krit dŭt hâu ngăn jêh ri lah: “Nanê̆, Bunuyh aơ jêng Kon Brah Ndu.”

Mathay 4:3

Nơm ndơm hăn dăch, lah ma Păng: “Tơlah may jêng Kon Brah Ndu, đă hom lŭ aơ plăch jêng piăng let.”

Markôs 16:16

Mbu nơm chroh jêh ri dơn nau ƀaptem mra rklaih; ƀiălah mbu nơm mâu chroh ôh mra dơn nau tâm rmal.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 1:4

gay kôranh gĭt lĕ nau may nơm hŏ tă nti jêng nanê̆.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Yôhan 1:49

Y-Nathanel ơh: “Hơi Nơm Nti, May jêng Kon Brah Ndu! May jêng hađăch ma phung Israel!”

Yôhan 10:10

Bunuyh ntŭng knŏng văch gay ntŭng, nkhĭt, jêh ri ƀư rai, bi Gâp hŏ văch gay ma biăp geh nau rêh jêh ri nau rêh âk rmeh.

Yôhan 19:35

Nơm saơ nau nây păng mbơh nkoch ma nau aơ ma bu — nau păng mbơh nkoch jêng di ngăn, jêh ri bunuyh nây gĭt păng nơm ngơi nau ngăn — gay ăn khân ay may chroh tâm ban lĕ.

Yôhan 20:28

Y-Thômas ơh pô aơ: “Ơ Kôranh Brah gâp jêh ri Brah Ndu gâp ơi!”

Yôhan 3:18

Mbu nơm chroh ma Kon nây, mâu geh tâm rmal ôh, ƀiălah mbu nơm mâu chroh ôh, hŏ geh nau tâm rmal jêh, yorlah mâu chroh ma amoh Kon Dul Brah Ndu.

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Kôranh Oh Mon 10:43

Lĕ rngôch phung kôranh nơm mbơh lor mbơh nkoch jêh ma mbu nơm chroh ma Păng geh nau yô̆ an ma nau tih ma amoh Păng.”

Kôranh Oh Mon 3:16

Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Kôranh Oh Mon 8:36

Dôl bar hê khân păng hăn, tâm mâp ntŭk geh dak, kôranh char lah: “Aơ, dak aơ, geh lĕ nau buay gâp dơn nau ƀaptem ƀơh?”

Kôranh Oh Mon 9:20

Y-Sôl gŭ bar pe nar ndrel ma phung oh mon tâm ƀon Đamas. Păng ntơm mbơh nkoch ro tâm lĕ ngih rƀŭn pô aơ Brah Yêsu jêng Kon Brah Ndu.

I Pêtrôs 1:9

yorlah khân may dơn nau nkhôm tă bơh nau chroh, jêng nau tâm rklaih ma huêng khân may nơm.

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

II Yôhan 1:9

Mbu nơm hăn ngai ir jêh ri mâu gŭ nâp tâm nau nti bơh Brah Krist mâu geh Brah Ndu ôh. Ƀiălah mbu nơm gŭ nâp tâm nau nti aơ, geh Brah Ndu Mbơ̆ jêh ri Brah Ndu Kon.

Nau Tâm Mpơl 2:18

“Nchih hom ma phung tông mpăr ma Phung Ngih Brah Ndu ta ƀon Thiatir pô aơ: Aơ jêng nau Kon Brah Ndu lah, Nơm geh măt tâm ban ma mpiăt ŭnh jêh ri jâng păng jêng nâm bu kông tho chrêk: