Yôhan 20:26 - Nau Brah Ndu Ngơi 2023

²⁶ Pham nar pakơi, phung oh mon rgum đŏng tâm ngih, geh Y-Thômas lĕ gŭ ndrel ma khân păng nđâp tơlah mpông hôm nchăng, Brah Yêsu văch dâk ta nklang khân păng jêh ri lah: “Ăn nau đăp mpăn ma khân may!”

Bunong Bible Latin Script Cambodian dialect

²⁶ Pham nar bơh kơi nây, mpôl oh mon gŭ rƀŭn tay ta trôm jay, nôk nây geh Thômas gŭ ndrel ta nây đŏng. Bol lah khân păng ntâl mpông dŭt nâp, Brah Yêsu hôm lăp dâk ta n'gul khân păng, lah ma khân păng: “Ăn nau đăp mpăn ma khân may!”

Bunong

²⁶ ផាម​នារ​ឞើស​កើយ​នៃ មពោល​អ៝ស​ម៝ន​គុ​រាបុន​តៃ​តា​ត្រោម​ជៃ នោក​នៃ​គែស​ថោមាស  ​គុ​នទ្រែល​តា​នៃ​ដ៝ង់។ ឞ៝ល​លាស​ខាន់​ពាង់​នតឹល​មពោង​ទុត​ន៝ប់ ឞ្រាស​យេឆូ  ​ហោម​លាប់​ទ៝ក់​តា​ងគូល​ខាន់​ពាង់ លាស​មា​ខាន់​ពាង់៖ “អ៝ន់​នាវ​ដាប់​មពាន់​មា​ខាន់​មៃ!”

Yôhan 20:26 Iomraidhean Croise

Êsai 26:12

Ơ Brah Yêhôva, May ndâk nau đăp mpăn ma hên, Yorlah lĕ rngôch kan hên, May sâm ƀư an da dê jêh ma hên!

Êsai 27:5

Mâu geh ndơ dơi ban nau ktang Gâp Tâm rnglăp hom đah Gâp, Di jêh, tâm rnglăp hom đah Gâp!”

Êsai 54:10

Nđâp tơlah yôk dơi du, Nđâp tơlah mbon mra rgâl ntŭk, Ƀiălah nau Gâp ueh mâu mra du bơh ay ôh, Jêh ri nau tâm rnglăp đăp mpăn Gâp mâu dơi rgâl ôh;” Brah Yêhôva jêng Nơm geh nau yô̆ nđach ma ay lah kơt nĕ.

Mathay 17:1

Prao nar pakơi, Brah Yêsu jă êng Y-Pêtrôs, Y-Yakơ, jêh ri Y-Yôhan jêng oh Y-Yakơ, hăn ndrel ma Păng hao klơ yôk prêh.

Markôs 16:14

Jêh nây, Păng tâm mpơl ma jât ma nguay oh mon dôl khân păng gŭ sông sa. Păng nduyh ma khân păng nau khân păng mâu chroh jêh ri dăng nuih n'hâm, yor khân păng mâu chroh ma phung lĕ saơ jêh Păng dâk rêh tay.

Luka 24:36

Dôl bar hê oh mon ngơi ma lĕ nau nây, Brah Yêsu nơm tâm mpơl ta nklang khân păng jêh ri lah: “Ăn nau đăp mpăn gŭ ndrel ma khân may!”

Luka 9:28

Klăp pham nar ta kơi lah lĕ nau aơ, Brah Yêsu leo Y-Pêtrôs, Y-Yôhan jêh ri Y-Yakơ hăn ndrel ma Păng hao klơ yôk gay mbơh sơm.

Yôhan 11:16

Yor nây, Y-Thômas bu moh Điđim, lah ma phung oh mon êng: “He hăn hom ta nây gay ma khĭt ndrel ma Păng đŏng.”

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 20:19

Dăch kêng nar nây, nar tal nguay tâm pơh, lĕ mpông ta ntŭk phung oh mon gŭ nchăng lĕ, yor klach ma phung Yuđa. Brah Yêsu văch dâk ta nklang phung khân păng jêh ri lah: “Ăn nau đăp mpăn ma khân may!”

Yôhan 20:21

Brah Yêsu lah đŏng ma khân păng: “Ăn nau đăp mpăn ma khân may! Nâm bu Mbơ̆ hŏ njuăl Gâp, Gâp njuăl đŏng khân may kơt nây lĕ.”

Yôhan 21:1

Jêh nau nây, Brah Yêsu tâm mpơl đŏng ma phung oh mon Păng ta ntŭk kơh dak mƀŭt Tibêrias. Nau Păng tâm mpơl kơt aơ:

Yôhan 21:14

Aơ jêng tơ̆ tal pe Brah Yêsu tâm mpơl ma phung oh mon Păng, lah jêh Păng dâk rêh tay tă bơh nau khĭt.

Kôranh Oh Mon 1:3

Păng dŏng âk đŏng ntil nau mbên gay ma tâm mpơl ma phung kôranh oh mon pô aơ dôl Păng hôm rêh jêh nây hŏ dơn nau khĭt, jêh ri tâm mpơl ma khân păng tâm puăn jât nar, ntĭm nti ma ƀon bri hađăch Brah Ndu.