Yôhan 20:17 - Nau Brah Ndu Ngơi 2023

¹⁷ Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Bunong Bible Latin Script Cambodian dialect

¹⁷ Brah Yêsu lah ma păng: “Lơi kuăn kŏn Gâp, yorlah Gâp ê hŏ ôh sât a Bơ̆ Gâp. Dăn ay hăn mbơh nkoch ma phung oh nô Gâp: ‘Gâp sât a Bơ̆ Gâp, jêng Bơ̆ khân may đŏng, Gâp sât a Păng i Kôranh Brah, jêng Brah i khân may yơk mbah đŏng’.”

Bunong

¹⁷ ឞ្រាស​យេឆូ  ​លាស​មា​ពាង់៖ “លើយ​ក្វាន់​ក៝ន់​គ៝ប់ យ៝រ​លាស​គ៝ប់​អេ​ហ៝ៈ​អោស​ឆឹត​អា​ឞឹ​គ៝ប់។ ទាន់​អៃ​ហាន់​មឞើស​ងក៝ច​មា​ផូង​អ៝ស​នោ​គ៝ប់៖ «គ៝ប់​ឆឹត​អា​ឞឹ​គ៝ប់ ជេង​ឞឹ​ខាន់​មៃ​ដ៝ង់ គ៝ប់​ឆឹត​អា​ពាង់​អី​កោរាញ​ឞ្រាស ជេង​ឞ្រាស​អី​ខាន់​មៃ​យើក​មឞាស​ដ៝ង់»”។

Yôhan 20:17 Iomraidhean Croise

II Phung Hađăch 4:29

Y-Êlisê lah ma Y-Gêhasi: “Vân hom rse bŭt may, djôt leo mâng jra gâp tâm ti jêh ri hăn. Tơlah rŏ trong may mâp bu, lơi mbah; tơlah bu mbah may, lơi plơng tay. May mra dơm mâng jra gâp ta klơ muh măt kon se jê̆.”

II Phung Hađăch 7:9

Nôk nây, khân păng tâm lah ndrăng khân păng: “He ƀư mâu di ôh. Nar aơ jêng nar geh nau mhe mhan ueh, mâm he dơi gŭ rklăk! Tơlah he kâp tât ƀhit rvi ang, nanê̆ nau tâm rmal mra tât ma he. Pôri, aƀaơ he hăn hom mbơh nau aơ ma ngih hađăch.”

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Mprơ Ơm 43:4

Rnôk nây gâp mra tât ta nơng Brah Ndu, Tât ma Brah Ndu jêng nau răm maak gâp n'ho ro: Ơ Kôranh Brah jêng Brah Ndu gâp, Gâp mra sŏk gong rêng mprơ tâm rnê May.

Nau Mprơ Ơm 48:14

Pô aơ: “Aơ Brah Ndu, Jêng Brah Ndu he kŏ tât n'ho ro dŭt ngăn; Păng mra njŭn leo he kŏ tât lôch du njăr rêh.”

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Mprơ Ơm 89:26

Păng mra kuăl Gâp pô aơ: ‘Păng jêng Mbơ̆ ma gâp, Jêng Brah Ndu gâp jêh ri lŭ toyh nau tâm rklaih gâp.’

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:38

Khân păng mra jêng phung ƀon lan Gâp, jêh ri Gâp mra jêng Brah Ndu khân păng.

Êsêkiêl 36:28

Khân may mra gŭ tâm bri Gâp ăn jêh ma chô yau khân may; khân may jêng phung ƀon lan Gâp, jêh ri Gâp jêng Brah Ndu khân may.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 28:7

Hăn hom gơnh, lah ma phung oh mon Păng gĭt pô aơ Păng hŏ dâk rêh tay jêh tă bơh nau khĭt, jêh ri aơ, Păng dôl hăn lor ma khân may tâm n'gor Galilê. Ta nây, khân may mra tâm mâp Păng. Nây jêng nau gâp mbơh ma khân may.”

Markôs 12:26

Bi nau bunuyh khĭt dơi dâk rêh tay, khân may ê hŏ rŏ nau nkoch bri ma pŭm lok tâm ndrom samƀŭt Y-Môis ƀơh? Mâm ƀư Brah Ndu lah jêh ma păng, ‘Gâp jêng Brah Ndu Y-Abraham, Brah Ndu Y-Isăk, Brah Ndu Y-Yakôp’?

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

Luka 10:4

Lơi djôt dŭng prăk, dŭng cheng, ntâu jot, jêh ri lơi mbah ma bu ôh rŏ trong.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 13:3

Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Yôhan 14:2

Tâm ngih Mbơ̆ Gâp geh âk ntŭk gŭ; lah mâu di pônây, mâm Gâp lŏ lah ma khân may kơt aơ, Gâp hăn nkra ntŭk ma khân may tâm du ntŭk?

Yôhan 14:28

Khân may iăt nau Gâp lah jêh: ‘Gâp hăn, jêh ri Gâp mra plơ̆ đŏng ma khân may.’ Lah khân may rŏng ma Gâp, khân may mra răm maak, yor nau Gâp hăn sĭt ma Mbơ̆, yorlah Mbơ̆ toyh lơn ma Gâp.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 16:28

Gâp luh jêh tă bơh Mbơ̆ văch ta neh ntu, jêh ri Gâp du tă bơh neh ntu gay plơ̆ sĭt ma Mbơ̆.”

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Yôhan 17:25

Ơ Mbơ̆ sŏng srăng, neh ntu mâu gĭt năl Mbơ̆ ôh, ƀiălah Kon gĭt năl jêh Mbơ̆, jêh ri phung aơ hŏ gĭt jêh Mbơ̆ njuăl Kon văch.

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.

Yôhan 20:27

Jêh ri Brah Yêsu lah ma Y-Thômas: “Pah hom nglau ti may ta aơ jêh ri uănh mpang ti Gâp. Yơr hom mpang ti may jêh ri pah ta pŭng vĕ Gâp. Lơi ta mâu chroh, ƀiălah chroh hom!”

Yôhan 7:33

Yor ri, Brah Yêsu lah pô aơ: “Gâp hôm gŭ ndrel ma khân may jŏ djê̆ dơm, jêh nây Gâp plơ̆ sĭt ma Nơm hŏ njuăl Gâp.

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

II Kôrintô 6:18

Gâp mra jêng Mbơ̆ khân may, Khân may mra jêng phung kon bu klâu jêh ri kon bu ur Gâp, Kôranh Brah Geh Lĕ Nau Brah lah pônây.”

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

ហេឞ្រើ 11:16

Ƀiălah khân păng ŭch geh du ƀon tơm ueh lơn, nây jêng ƀon tơm ta klơ trôk, pôri Brah Ndu mâu bêk prêng ôh gay mbơh Păng nơm jêng Brah Ndu khân păng, yorlah Păng ndrăp lor du ƀon ma khân păng.

ហេឞ្រើ 8:10

Kôranh Brah lah: “Aơ jêng nau tâm rnglăp Gâp mra ƀư ma ngih Israel: Pakơi lĕ nar nây, Gâp mra dơm nau vay Gâp tâm nau mĭn khân păng, Jêh ri nchih prăp tâm nuih n'hâm khân păng. Gâp mra jêng Brah Ndu khân păng, Jêh ri khân păng mra jêng phung ƀon lan Gâp.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 21:7

Mbu nơm dơi, păng mra dơn lĕ nau aơ jêng drăp ndơn; Gâp mra jêng Brah Ndu păng, jêh ri păng mra jêng kon Gâp.