Yôhan 2:11 - Nau Brah Ndu Ngơi 2023

¹¹ Aơ jêng nau mbên khlay tal nguay Brah Yêsu ƀư jêh ta ƀon Kana, tâm n'gor Galilê, jêh ri tâm mpơl nau chrêk rmah Păng nơm, rĭ dĭng phung oh mon chroh ma Păng.

Bunong Bible Latin Script Cambodian dialect

¹¹ Dja jêng nau khlay Brah Yêsu jan bôk dak, Păng jan ta ƀon Kana bri Galilê. Ndri Păng nhhơ nau chrêk lơp Păng nơm, jêh ri mpôl oh mon nsing ma Păng đŏng.

Bunong

¹¹ អ្យា​ជេង​នាវ​ខ្លៃ​ឞ្រាស​យេឆូ  ​ជាន​ឞោក​ទាក ពាង់​ជាន​តា​ប៝ន​កានា  ​ឞ្រី​កាលីលេ  ។ នទ្រី​ពាង់​ញហើ​នាវ​ច្រេក​លើប​ពាង់​នើម ជេសរី​មពោល​អ៝ស​ម៝ន​ញឆីង​មា​ពាង់​ដ៝ង់។

Yôhan 2:11 Iomraidhean Croise

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

Nau Mprơ Ơm 72:19

Khư mprơ tâm rnê amoh chrêk rmah Păng tât n'ho ro! Ăn lam neh ntu dơi bêng ma nau chrêk rmah Păng! Amen! Amen!

Nau Mprơ Ơm 96:3

Nkoch bri nau chrêk rmah Păng ta nklang lĕ bri dak, Mbơh lĕ nau kan khlay Păng ma phung ƀon lan.

Nau Ngluh Êjipt 14:31

Phung Israel saơ jêh nau kan krit ngăn Brah Yêhôva hŏ ƀư ma phung Êjipt yor ri khân păng klach yơk ma Păng, nsing rnơm ma Păng jêh ri rnơm ma Y-Môis, oh mon Păng.

Nau Ngluh Êjipt 4:9

Ƀiălah tơlah khân păng mâu iăt ôh lĕ bar ntil nau mbên khlay nây jêh ri mâu lĕ iăt tĭng nau may ngơi, ăn may sŏk dak bơh dak krong jêh ri nkhŭt ta neh sơh; dak may hŏ sŏk jêh bơh dak krong nây mra jêng mham klơ neh.”

Nơm Nti 9:7

Pônây, sông sa hom ma nau maak jêh ri nhêt ndrănh ndrel nuih răm rhơn, yorlah Brah Ndu hŏ dơn jêh lĕ ma nau may ƀư.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Malachi 2:2

Tơlah khân may mâu iăt ôh, jêh ri mâu mĭn ôh nhhơr nau chrêk ma lơp ma amoh Gâp pôri Gâp mra rak rtăp khân may, jêh ri mra rgâl nau ueh uĭn khân may jêng nau rak rtăp. Ngăn ro, Gâp hŏ rak rtăp jêh, yorlah khân may mâu mĭn ôh nau yơk ma Gâp.” Brah Yêhôva ma phung tahan lah kơt nây.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 1:43

Nar ôi taơ, Brah Yêsu ŭch hăn rgăn n'gor Galilê. Păng joi Y-Philip jêh ri lah pô aơ: “Tĭng hom Gâp.”

Yôhan 1:50

Brah Yêsu plơ̆ lah: “Di lĕ yorlah Gâp hŏ lah jêh Gâp saơ may gŭ tâm dâng tơm rvi, yor ri may chroh hĕ? May mra saơ lĕ nau kan dŭt toyh lơn đŏng.”

Yôhan 10:41

Âk bunuyh hăn tât ta Păng. Khân păng lah pô aơ: “Y-Yôhan mâu ƀư nau mbên khlay ôh, ƀiălah lĕ nau Y-Yôhan lah ma bunuyh aơ jêng ngăn.”

Yôhan 11:15

Ƀiălah yor ma khân may, Gâp geh nau maak yor mâu geh Gâp ta nây gay ma khân may chroh. Aƀaơ aơ, he hăn tât ta păng.”

Yôhan 11:47

Yor ri, phung Kôranh ƀư brah toyh jêh ri phung Pharisi rgum Mpôl Kôranh Phat Dôih, jêh ri lah pô aơ: “Mâm he mra ƀư? Bunuyh nây ƀư âk ir nau mbên khlay.

Yôhan 12:18

Yor nĕ phung ƀon lan hăn chuă vơt Brah Yêsu, yorlah khân păng tăng Păng ƀư nau mbên khlay nây.

Yôhan 12:37

Nđâp tơlah Brah Yêsu hŏ ƀư âk nau khlay tanăp khân păng kđôi lĕ, ƀiălah khân păng ăt mâu chroh lĕ ma Brah Yêsu,

Yôhan 12:41

Y-Êsai lah nau aơ, yorlah hŏ saơ nau chrêk rmah Brah Yêsu jêh ri lah ma Păng.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 16:30

Aƀaơ hên gĭt jêh Nơm Nti gĭt da dê lĕ rngôch ndơ, mâu hôm ŭch geh bu ôp May ôh. Yor nây, hên chroh ma May luh tă bơh Brah Ndu.”

Yôhan 2:1

Tâm nar tal pe, geh nau nhêt sông tâm nkol ur sai ta ƀon Kana tâm n'gor Galilê; mê̆ Brah Yêsu geh măt ta nây.

Yôhan 2:23

Dôl Brah Yêsu gŭ ta ƀon Yêrusalem tâm nar rƀŭn Nau Găn, âk bunuyh saơ nau mbên khlay Brah Yêsu ƀư, khân păng chroh ma amoh Brah Yêsu.

Yôhan 3:2

Dôl măng, păng văch ta Brah Yêsu jêh ri lah: “Hơi Nơm Nti, hên gĭt May jêng kôranh nơm nti văch tă bơh Brah Ndu. Tơlah Brah Ndu mâu gŭ ndrel, mâu geh bunuyh dơi ƀư lĕ nau mbên khlay May hŏ ƀư.”

Yôhan 4:3

yor ri Brah Yêsu du luh bơh n'gor Yuđa plơ̆ sĭt ta n'gor Galilê.

Yôhan 4:46

Pôri, Brah Yêsu plơ̆ tay ta ƀon Kana tâm n'gor Galilê, ntŭk Păng hŏ njêng dak jêng ndrănh. Du huê kôranh toyh tâm phung ta ngih hađăch ta ƀon Kapernum geh kon bu klâu geh nau ji.

Yôhan 4:54

Aơ jêng nau mbên khlay rơh bar Brah Yêsu hŏ ƀư jêh, jêh Păng luh bơh n'gor Yuđa plơ̆ sĭt ta n'gor Galilê.

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Yôhan 6:14

Lĕ phung bunuyh saơ nau mbên khlay Brah Yêsu hŏ ƀư jêh ri lah: “Aơ ngăn jêng Nơm mbơh lor hŏ văch tâm neh ntu.”

Yôhan 6:2

Du mpôl bunuyh âk ngăn hăn tĭng Brah Yêsu, yorlah khân păng hŏ tă saơ jêh lĕ nau mbên khlay Brah Yêsu ƀư ma phung bunuyh ji kuet.

Yôhan 6:26

Brah Yêsu plơ̆ lah: “Nanê̆ ngăn, Gâp lah ngăn ma khân may, khân may joi Gâp mâu di lah yor hŏ saơ lĕ nau mbên khlay, ƀiălah yor khân may hŏ sa piăng let tât hơm.

Yôhan 6:30

Khân păng lah tay: “Lah ndrĭ, moh nau mbên khlay Nơm Nti ƀư gay ăn hên saơ jêh ri chroh? Moh nau kan May ƀư?

Yôhan 7:31

Ƀiălah geh âk bunuyh tâm phung ƀon lan chroh ma Păng jêh ri lah pô aơ: “Lah Brah Krist tât, Păng mra ƀư lĕ nau mbên khlay rlau lơn ma bunuyh aơ hŏ ƀư đŏng?”

Yôhan 9:16

Ƀaƀă bunuyh tâm phung Pharisi lah: “Bunuyh nây mâu di luh tă bơh Brah Ndu ôh, yorlah mâu djôt prăp nar saƀat.” Phung êng lah: “Du huê bunuyh tih mâm dơi ƀư lĕ nau mbên khlay kơt nây?” Jêh ri khân păng geh nau tâm nkhah ndrăng khân păng.

II Kôrintô 3:18

Lĕ rngôch muh măt he mâu nkŭm da dê gay n'gơr uănh nau chrêk rmah Kôranh Brah, dơi tâm rgâl plơ̆ jêng tâm ban ma rup Păng, tă bơh nau chrêk rmah tât ta nau chrêk rmah; yorlah nau aơ luh bơh Kôranh Brah jêng Brah Huêng Ueh.

II Kôrintô 4:17

Yorlah nau rêh ni hên n'gơch jêh ri ƀât lât mra djôt ma hên nau chrêk rmah toyh lơn jêh ri n'ho ro,

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Nau Vay Nkah Tay 5:24

‘Yêhôva Brah Ndu hên tâm mpơl jêh ma hên saơ nau chrêk ma lơp jêh ri nau rnam Păng, jêh ri hên hŏ tăng jêh bâr Păng ngơi tă bơh tâm nklang ŭnh. Nar aơ, hên hŏ saơ jêh Brah Ndu ngơi đah bunuyh ƀiălah bunuyh hôm e rêh.

I Yôhan 5:13

Gâp nchih jêh nau aơ ma khân may, jêng phung chroh jêh ma amoh Kon Brah Ndu, gay ma khân may gĭt khân may nơm geh jêh nau rêh n'ho ro.