Yôhan 19:30 - Nau Brah Ndu Ngơi 2023

³⁰ Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

Bunong Bible Latin Script Cambodian dialect

³⁰ Jêh Brah Yêsu nhêt dak srat nây, Păng lah: “Lĕ ndơ Gâp lĕ jan jêh lĕ phiao.” Jêh ri Păng kŭnh bôk tăch n'hâm.

Bunong

³⁰ ជេស​ឞ្រាស​យេឆូ  ​ញេត​ទាក​ឆ្រាត​នៃ ពាង់​លាស៖ “លែៈ​នទើ​គ៝ប់​លែៈ​ជាន​ជេស​លែៈ​ផ្យៅ”។ ជេសរី​ពាង់​កុញ​ឞោក​តាច់​នហ៝ម់។

Yôhan 19:30 Iomraidhean Croise

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Êsai 53:12

Yor nây, Gâp mra tâm pă ma Păng du kô̆ ndrel ma phung toyh. Păng mra pă ndơ pit sŏk ndrel ma phung ktang; Yorlah Păng nkhŭt jêh nau rêh Păng kŏ tât khĭt, Bu kơp păng ndrel ma phung tih, Păng hŏ tuy jêh nau tih âk bunuyh, Jêh ri mbơh sơm kơl an ma phung tih.

Daniel 9:24

Geh pơh jât năng pơh tâm nal jêh ma phung ƀon lan may jêh ri ma ƀon kloh ueh may gay ma ăn lôch lơi nau ƀư tih, ngroh lơi nau tih, ntrok chuai nau ƀai jêh ri djôt ăn nau sŏng srăng n'ho ro, gay ma nau tâm saơ jêh ri nau mbơh lor geh tât ngăn, jêh ri tŏ dak ƀâu kah ăn ma Ntŭk Dŭt Kloh Ueh.

Daniel 9:26

Jêh tăch prao jât ma bar năng pơh nây, bu mra nkhĭt lơi Nơm Dơn Tŏ Dak Ƀâu Kah jêh ri mâu mra geh ndơ ôh. Phung tahan du huê kôranh tât pakơi mra ƀư rai lơi ƀon jêh ri ngih brah. Nau dăch dŭt mra tât nâm bu dak lip. Kêng dŭt mra geh tât nau tâm lơh, nau rngol hŏ nal jêh.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Mathay 20:28

Nđâp ma Kon Bunuyh văch jêh mâu di gay bu pah kan, ƀiălah gay pah kan, jêh ri nhhơr nau rêh Păng nơm jêng rnoh chuai ma âk bunuyh.”

Mathay 27:50

Brah Yêsu nter du tong dŭt ktang đŏng, jêh nây tăch n'hâm.

Mathay 3:15

Brah Yêsu plơ̆ lah: “Aƀaơ aơ ƀư hom, yorlah phung he ŭch ƀư lôch lĕ rngôch nau sŏng srăng.” Pôri, Y-Yôhan tông nau Păng lah.

Markôs 15:37

Ƀiălah Brah Yêsu nter du tong dŭt ktang, jêh nây tăch n'hâm.

Luka 22:37

Yorlah Gâp lah ma khân may, Nau Brah Ndu Ngơi nây dơi tât di ngăn tâm Gâp: ‘Bu kơp Păng ndrel ma phung tih.’ N'hêl nanê̆ ngăn, nau nchih ma Gâp jêng dơi tât di ngăn.”

Luka 23:46

Brah Yêsu nter dŭt dăng ngăn pô aơ: “Hơi Mbơ̆, Gâp jao huêng Gâp tâm ti Mbơ̆!” Păng ngơi lôch, Păng tăch n'hâm.

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

Yôhan 10:18

Mâu geh bunuyh dơi pit nau rêh Gâp ôh, ƀiălah Gâp nđơr êng jao săk. Gâp geh nau dơi jao nau rêh jêh ri geh nau dơi sŏk tay păng đŏng. Gâp hŏ dơn jêh nau vay tă bơh Mbơ̆ Gâp.”

Yôhan 17:4

Gâp hŏ tâm rnê jêh Mbơ̆ tâm neh ntu jêh ri ƀư lôch jêh nau kan Mbơ̆ jao ăn Gâp ƀư.

Yôhan 19:28

Jêh nau nây, Brah Yêsu gĭt ma lĕ rngôch kan hŏ lôch jêh, jêh ri gay ma nau ngơi tâm Nau Brah Ndu Ngơi tât di ngăn, Păng lah: “Gâp ji hir.”

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Samƀŭt Pôl Njuăl Ăn Ma Phung Nsing Ta Ƀon Rôm 10:4

yorlah Brah Krist jêng nglĕ ma nau vay, gay lĕ rngôch bunuyh chroh dơi kơp sŏng srăng.

Samƀŭt Pôl Njuăl Ăn Ma Phung Nsing Ta Ƀon Rôm 3:25

Brah Ndu hŏ rdâk jêh Păng jêng mpa ƀư brah chuai nau tih ma mbu nơm geh nau chroh tâm mham Păng. Nau aơ mpơl nau sŏng srăng Brah Ndu, yorlah Păng sŏk nuih n'hâm srôih sŏk lơi lĕ nau tih tâm rnôk kăl e.

I Kôrintô 5:7

Ƀư kloh lơi hom ndrui ơm, gay ma khân may dơi plơ̆ jêng mbŭch rnih mhe mâu geh ndrui ôh, tâm ban ma khân may n'hêl nanê̆ ngăn jêng piăng let mâu geh ndrui. Yorlah Brah Krist, Kon Biăp rƀŭn Nau Găn he, hŏ nhhơr jêng mpa ƀư brah jêh.

Philip 2:8

Păng hŏ tâm mpơl jêh tâm ban du huê bunuyh, Ntrŭnh êng păng nơm, tông bâr kŏ tât khĭt, Kŏ tât khĭt ta si tâm rkăng.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 9:22

Tĭng nâm nau vay, ma lĕ rngôch ndơ ƀư kloh ma mham da dê; mâu nkhŭt mham, mâu geh nau yô̆ an ôh.