Yôhan 19:28 - Nau Brah Ndu Ngơi 2023

²⁸ Jêh nau nây, Brah Yêsu gĭt ma lĕ rngôch kan hŏ lôch jêh, jêh ri gay ma nau ngơi tâm Nau Brah Ndu Ngơi tât di ngăn, Păng lah: “Gâp ji hir.”

Bunong Bible Latin Script Cambodian dialect

²⁸ Jêh bơh nây Brah Yêsu lĕ gĭt dâng lĕ ndơ Păng jan râng lĕ phiao, jêh ri Brah Yêsu lah: “Gâp ji hir dak” gay ma tâm di đah nau lĕ geh nchih ta Nau Kôranh Brah Ngơi.

Bunong

²⁸ ជេស​ឞើស​នៃ​ឞ្រាស​យេឆូ  ​លែៈ​គឹត​ទឹង​លែៈ​នទើ​ពាង់​ជាន​រឹង​លែៈ​ផ្យៅ ជេសរី​ឞ្រាស​យេឆូ  ​លាស៖ “គ៝ប់​ជី​ហីរ​ទាក” គៃ​មា​តឹម​ទី​ដាស​នាវ​លែៈ​គែស​ញចីស​តា​នាវ​កោរាញ​ឞ្រាស​ងើយ។

Yôhan 19:28 Iomraidhean Croise

Nau Mprơ Ơm 22:15

N'hâm suan gâp sơh kro tâm ban ma neh bŏk pêt Jêh ri mpiăt gâp krêp ta trô ko; May dơm gâp bê̆ch tâm neh muy nau khĭt.

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Luka 12:50

Geh nau ƀaptem gâp mra dơn, jêh ri Gâp geh nau nđêh nji âk ngăn kŏ tât nau nây dơi lôch jêh!

Luka 18:31

Brah Yêsu djôt leo jât ma bar kôranh oh mon ntŭk êng jêh ri lah ma khân Păng: “Aơ, he hăn ta ƀon Yêrusalem; lĕ nau phung nơm mbơh lor nchih jêh ma Kon Bunuyh mra dơi ƀư nanê̆.

Luka 22:37

Yorlah Gâp lah ma khân may, Nau Brah Ndu Ngơi nây dơi tât di ngăn tâm Gâp: ‘Bu kơp Păng ndrel ma phung tih.’ N'hêl nanê̆ ngăn, nau nchih ma Gâp jêng dơi tât di ngăn.”

Luka 9:31

Păng tâm mpơl tâm nau chrêk rmah jêh ri ngơi khĭt Păng, jêng nau Kôranh ntơm ƀư mbên khlay ta ƀon Yêrusalem.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 17:4

Gâp hŏ tâm rnê jêh Mbơ̆ tâm neh ntu jêh ri ƀư lôch jêh nau kan Mbơ̆ jao ăn Gâp ƀư.

Yôhan 18:4

Brah Yêsu gĭt lor jêh lĕ rngôch nau mra tât ma Păng, Păng hăn tât jêh ri ôp: “Mbu khân may joi?”

Yôhan 19:24

Pôri, khân păng lah ndrăng khân păng nơm: “Lơi nkhêk ôh, ƀiălah nchroh n'hôr hom, gay ma gĭt mbu moh geh ao aơ.” Pônây, nau aơ ƀư tât di ngăn nau ngơi tâm Nau Brah Ndu Ngơi: “Khân păng tâm pă jêh kho ao Gâp ndrăng khân păng, Tâm nchroh n'hôr sŏk ao jong Gâp.” Nây jêng kan phung tahan hŏ ƀư.

Yôhan 19:30

Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

Yôhan 19:36

Lĕ nau aơ tât geh gay ma tâm di ngăn nau ngơi tâm Nau Brah Ndu Ngơi: “Mâu geh du mlâm nting Păng deh ôh.”

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Kôranh Oh Mon 13:29

Tơlah khân păng hŏ ƀư tât di ngăn lĕ nau nchih ma Păng, jêh nây khân păng njŭr Păng tă bơh si tâm rkăng jêh ri tâp tâm môch.