Yôhan 19:17 - Nau Brah Ndu Ngơi 2023

¹⁷ Brah Yêsu tuy si tâm rkăng hăn tât ta du ntŭk bu kuăl jêng Ntŭk Nting Bôk, nau ngơi Hêbrơ kuăl jêng Gôgôtha.

Bunong Bible Latin Script Cambodian dialect

¹⁷ Jêh ri Brah Yêsu lôh bơh ƀon tui si tâm rkăng, hăn ta ntŭk bu rnha lah: ‘Ntŭk nting bôk’, nau ngơi Hêbrơ lah: ‘Gôlgôtha’.

Bunong

¹⁷ ជេសរី​ឞ្រាស​យេឆូ  ​លោស​ឞើស​ប៝ន​តូយ​ឆី​តឹម​រាកាង់ ហាន់​តា​នតុក​ឞូ​រាញា​លាស៖ «នតុក​នតីង​ឞោក» នាវ​ងើយ​ហេឞ្រើ  ​លាស៖ «កោលកោថា  »។

Yôhan 19:17 Iomraidhean Croise

Nau Ntơm 22:6

Y-Abraham sŏk long dŏng gŭch ndơ ƀư brah gŭch, dăp ta klơ nglik Y-Isăk, kon păng, bi păng nơm djôt ŭnh jêh ri pêh ta ti, jêh nây bar hê mbơ̆ kon hăn ndrel.

I Phung Hađăch 21:13

Nôk nây, bar hê phung mhĭk văch gŭ panăp Y-Nabôt. Bar hê phung mhĭk nây phong mƀruh ma Y-Nabôt panăp phung ƀon lan pô aơ: “Y-Nabôt rak rtăp jêh ma Brah Ndu jêh ri ma hađăch.” Jêh nây khân păng njŭn leo păng luh padih ƀon jêh ri klŭp păng ma lŭ kŏ tât khĭt.

Kan Lêvi 24:14

“Djôt leo hom nơm rak rtăp nĕ luh padih ngih bok. Đơ lĕ rngôch phung hŏ tăng jêh nau păng ngơi, ăn pah hom ti khân may ta bôk păng jêh ri ăn lĕ rngôch phung ƀon lan Israel klŭp păng ma lŭ.

Mathay 10:38

Mbu nơm mâu tuy si tâm rkăng păng nơm tĭng Gâp, păng nây mâu khư ma Gâp ôh.

Mathay 16:24

Jêh nây Brah Yêsu lah ma phung oh mon pô aơ: “Tơlah mbu nơm ŭch tĭng Gâp, ăn păng dun khân păng nơm, tuy si tâm rkăng khân păng nơm gay tĭng Gâp.

Mathay 27:37

Ta klơ bôk Păng geh du pŏk samƀŭt nchih nau bu phong pô aơ: “AƠ JÊNG BRAH YÊSU, HAĐĂCH PHUNG YUĐA.”

Markôs 10:21

Brah Yêsu uănh ma păng ma nau rŏng jêh ri lah: “May hôm pưt du ntil. Hăn hom, tăch lĕ rngôch ndơ may geh jêh ri tâm pă ma phung o ach, jêh nây may mra geh jay ndơ khlay klơ trôk; jêh nây văch hom tĭng Gâp.”

Markôs 15:26

Nau dôih Păng bu nchih ta klơ plơp kađar: “HAĐĂCH PHUNG YUĐA.”

Markôs 15:32

Hơi Brah Krist, Hađăch Phung Israel, aƀaơ aơ jŭr hom bơh si tâm rkăng, gay hên saơ jêh ri chroh!” Bar hê bunuyh ntŭng bu pâng kđĭn ndrel ma Păng suai rak ma Păng tâm ban lĕ.

Markôs 8:34

Jêh nây, Păng kuăl phung ƀon lan jêh ri phung oh mon tât jêh ri lah: “Tơlah mbu nơm ŭch tĭng Gâp, ăn păng dun êng păng nơm, tuy si tâm rkăng êng păng nơm gay tĭng Gâp.

Luka 14:27

Mbu nơm mâu tuy si tâm rkăng păng nơm tĭng Gâp, mâu dơi jêng oh mon Gâp ôh.

Luka 23:26

Dôl têk leo Brah Yêsu hăn, khân păng nhŭp du huê tă bơh ƀon Siren, rnha păng Y-Simôn, păng hăn hao tă bơh ƀon tơm, jêh ri khân păng nchâp păng tuy si tâm rkăng tĭng pakơi Brah Yêsu.

Luka 23:33

Tơlah khân păng tât du ntŭk rnha jêng Ntŭk Nting Bôk, khân păng pâng Brah Yêsu ma kđĭn ta si tâm rkăng ndrel ma bar hê bunuyh tih: du huê pa ma, du huê pa chiau Păng.

Luka 23:38

Ta klơ bôk Păng geh du mbor rplay samƀŭt: “NƠM AƠ JÊNG HAĐĂCH PHUNG YUĐA.”

Luka 9:23

Păng lah ma lĕ rngôch: “Tơlah mbu nơm ŭch tĭng Gâp, ăn păng dun khân păng nơm, ăp nar tuy si tâm rkăng khân păng nơm gay tĭng Gâp.

Yôhan 19:13

Nôk Pilat tăng nau nây păng njŭn leo Brah Yêsu luh padih, jêh păng gŭ ta ntŭk phat dôih, ta ntŭk bu moh Ntŭk Lăk Lŭ, nau ngơi Hêbrơ kuăl jêng Gabatha.

Yôhan 5:2

Ta ƀon Yêrusalem, dăch mpông Biăp, geh du nglao dak, nau ngơi Hêbrơ rnha jêng Ƀêthehđa. Nglao nây geh prăm đôr mpông.

Kôranh Oh Mon 7:58

têk păng du luh padih ƀon, jêh ri klŭp lŭ ma păng. Phung nơm mbơh nkoch sŏk kho ao khân păng dơm ta jâng du huê bu klâu ndăm, amoh păng Y-Sôl.