Yôhan 18:37 - Nau Brah Ndu Ngơi 2023

³⁷ Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Bunong Bible Latin Script Cambodian dialect

³⁷ Pilat ôp Brah Yêsu: “Lah ndri May kađăch ngăn ƀah?” Brah Yêsu ơh: “May lah Gâp kađăch nây di ngăn. Gâp deh, Gâp văch ta neh ntu dja gay ma mbơh nkoch nau ngăn. Bu moh i rŏng ma nau ngăn, păng i nây iăt nau Gâp ngơi.”

Bunong

³⁷ ពីលាត  ​អោប​ឞ្រាស​យេឆូ  ៖ “លាស​នទ្រី​មៃ​កាដាច់​ងាន់​បាស?” ឞ្រាស​យេឆូ  ​អើស៖ “មៃ​លាស​គ៝ប់​កាដាច់​នៃ​ទី​ងាន់។ គ៝ប់​ទែស គ៝ប់​វាច់​តា​នែស​នតូ​អ្យា​គៃ​មា​មឞើស​ងក៝ច​នាវ​ងាន់។ ឞូ​ម៝ស​អី​រ៝ង់​មា​នាវ​ងាន់ ពាង់​អី​នៃ​អ្យាត់​នាវ​គ៝ប់​ងើយ”។

Yôhan 18:37 Iomraidhean Croise

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Mathay 26:64

Brah Yêsu plơ̆ lah: “May lah jêh nau nây. Ƀiălah Gâp lah ma khân may, pakơi aơ khân may mra saơ Kon Bunuyh gŭ mpeh pa ma Nơm Nau Brah jêh ri plơ̆ văch ta ndâr tŭk klơ trôk.”

Mathay 27:11

Nôk nây, Brah Yêsu dâk tanăp kôranh toyh chiă uănh Pilat; jêh ri kôranh toyh chiă uănh ôp: “Di lĕ may jêng hađăch phung Yuđa?” Brah Yêsu lah: “May lah jêh nau nây.”

Markôs 14:62

Brah Yêsu lah: “Gâp yơh nây. Jêh ri khân may mra saơ Kon Bunuyh Gŭ mpeh pa ma Nơm Nau Brah, Jêh ri plơ̆ văch ta ndâr tŭk klơ trôk.”

Markôs 15:2

Pilat ôp Păng: “May jêng Hađăch phung Yuđa ƀơh?” Brah Yêsu plơ̆ lah: “May lah jêh nau nây.”

Luka 22:70

Lĕ rngôch khân păng ôp da dê: “Kơt nây may jêng Kon Brah Ndu lĕ ƀơh?” Păng plơ̆ lah: “Khân may lah jêh tâm ban pônây.”

Luka 23:3

Pilat ôp Păng: “Di lĕ May jêng hađăch phung Yuđa ƀơh?” Brah Yêsu plơ̆ lah: “May lah jêh nau nây.”

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 3:32

Păng mbơh nkoch lĕ nau Păng hŏ saơ jêh ri tăng, ƀiălah bu mâu sŏk dơn ôh nau Păng mbơh knoch.

Yôhan 7:17

Tơlah mbu nơm ŭch ƀư tĭng nau Brah Ndu ŭch, nơm nây mra gĭt nau Gâp nti luh tă bơh Brah Ndu mâu lah tĭng nau mĭn Gâp nơm ŭch.

Yôhan 8:14

Brah Yêsu plơ̆ lah: “Nđâp lah Gâp mbơh êng Gâp nơm kđôi, ri mơ nau Gâp mbơh nkoch jêng ngăn, yorlah Gâp gĭt mbah tă ntŭk Gâp văch jêh ri mbah ntŭk Gâp hăn. Ƀiălah khân May mâu gĭt ôh, mbah tă ntŭk gâp văch jêh ri khân may mâu gĭt lĕ mbah ntŭk Gâp hăn.

Yôhan 8:45

Ƀiălah yor ri Gâp ngơi nau ngăn, khân may mâu chroh ma Gâp.

Yôhan 8:46

Mbu nơm tâm phung khân may dơi phong Gâp jêng tih? Lah Gâp ngơi nau ngăn, mâm ƀư khân may mâu chroh ma Gâp?

Yôhan 8:47

Mbu nơm luh văch tă bơh Brah Ndu, păng iăt nau Brah Ndu. Khân may mâu iăt ôh, yorlah khân may mâu jêng phung Brah Ndu.”

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

I Yôhan 2:21

Gâp nchih ma khân may, mâu di yorlah khân may mâu gĭt nau ngăn ôh, ƀiălah yor khân may gĭt nau ngăn jêh ri gĭt rbăng mâu geh ôh du ntil nau mƀruh tă bơh nau ngăn.

I Yôhan 3:14

He gĭt he nơm hŏ rgăn jêh bơh nau khĭt hăn tâm nau rêh, yorlah he rŏng ma phung oh nâu. Mbu nơm mâu blau tâm rŏng gŭ tâm nau khĭt.

I Yôhan 3:19

Ma nau aơ, he gĭt năl he nơm jêng phung nau ngăn, jêh ri he geh nau đăp rmên tâm nuih n'hâm tanăp Păng

I Yôhan 4:6

He jêng phung Brah Ndu. Mbu nơm gĭt năl Brah Ndu gŭ iăt nau he, bi mbu nơm mâu jêng phung Brah Ndu mâu iăt nau he ôh. Ma nau nĕ, he gĭt năl brah huêng nau ngăn jêh ri huêng brah nau vĭ vĭr.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 1:4

Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng: