Yôhan 18:36 - Nau Brah Ndu Ngơi 2023

³⁶ Brah Yêsu plơ̆ lah: “Ƀon bri hađăch Gâp mâu geh ta neh ntu aơ ôh. Lah ƀon bri hađăch Gâp ta neh ntu aơ, phung bunuyh tĭng Gâp tâm lơh an, mâu ăn bu jao ôh Gâp tâm ti phung Yuđa. Ƀiălah ƀon bri hađăch Gâp mâu di tâm neh ntu aơ ôh.”

Bunong Bible Latin Script Cambodian dialect

³⁶ Brah Yêsu lah: “Bri dak Gâp mât uănh mâu geh ôh ta neh ntu dja. Lah bri dak Gâp ta neh ntu dja, phung oh mon Gâp hăn tâm lơh ro, mâu ăn ôh bu njŭn Gâp ta ti mpôl kôranh phung Israel. Yơn ma bri dak Gâp mâu geh ôh ta neh ntu dja.”

Bunong

³⁶ ឞ្រាស​យេឆូ  ​លាស៖ “ឞ្រី​ទាក​គ៝ប់​ម៝ត់​អ្វាញ់​មោ​គែស​អោស​តា​នែស​នតូ​អ្យា។ លាស​ឞ្រី​ទាក​គ៝ប់​តា​នែស​នតូ​អ្យា ផូង​អ៝ស​ម៝ន​គ៝ប់​ហាន់​តឹម​លើស​រ៝ មោ​អ៝ន់​អោស​ឞូ​ញជុន​គ៝ប់​តា​តី​មពោល​កោរាញ​ផូង​អីឆ្រាអែល  ។ យើន​មា​ឞ្រី​ទាក​គ៝ប់​មោ​គែស​អោស​តា​នែស​នតូ​អ្យា”។

Yôhan 18:36 Iomraidhean Croise

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 26:53

May ntôn lah Gâp mâu dơi hĕ dăn ma Mbơ̆ Gâp, jêh ri Păng mra njuăl rlau jât ma bar phung mpôl tông mpăr ăn ma Gâp gơnh ro?

Luka 12:14

Brah Yêsu plơ̆ lah: “Ơ bunuyh ri, mbu ăn Gâp jêng kôranh phat dôih mâu lah nơm pă drăp ndơ ma khân may?”

Yôhan 18:35

Pilat plơ̆ lah: “Gâp hĕ jêng bunuyh Yuđa? Phung mpôl băl may jêh ri phung kôranh ƀư brah toyh jao jêh may ma gâp. Pôri moh nau may mâp ƀư jêh?”

Yôhan 6:15

Brah Yêsu gĭt năl nau mĭn khân păng ŭch nchâp ăn Brah Yêsu ƀư hađăch, pôri Păng du ndĕ hao êng klơ yôk du huê.

Yôhan 8:15

Khân may phat dôih tĭng nau vay bunuyh, ƀiălah Gâp mâu phat dôih bu ôh.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may