Yôhan 17:6 - Nau Brah Ndu Ngơi 2023

⁶ Gâp hŏ tâm mpơl jêh amoh Mbơ̆ ma phung bunuyh Mbơ̆ ăn ma Kon ta nklang neh ntu nây. Khân păng jêng ndơ Mbơ̆, Mbơ̆ ăn khân păng ma Kon, jêh ri khân păng hŏ djôt prăp nau Mbơ̆ ngơi.

Bunong Bible Latin Script Cambodian dialect

⁶ “Bu moh bunuyh ta neh ntu dja May lĕ ăn jêh ma Gâp, Gâp lĕ ăn phung i nây gĭt năl May. Bơh ntơm nơh phung i nây jêng ƀon lan May, jêh ri May ăn khân păng ma Gâp. Khân păng lĕ ndjôt dâng lĕ nau May.

Bunong

⁶ “ឞូ​ម៝ស​ឞូនុយ្ស​តា​នែស​នតូ​អ្យា​មៃ​លែៈ​អ៝ន់​ជេស​មា​គ៝ប់ គ៝ប់​លែៈ​អ៝ន់​ផូង​អី​នៃ​គឹត​នាល់​មៃ។ ឞើស​នតើម​នើស​ផូង​អី​នៃ​ជេង​ប៝ន​លាន​មៃ ជេសរី​មៃ​អ៝ន់​ខាន់​ពាង់​មា​គ៝ប់។ ខាន់​ពាង់​លែៈ​ញអោត​ទឹង​លែៈ​នាវ​មៃ។

Yôhan 17:6 Iomraidhean Croise

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 22:22

Gâp mra mbơh amoh Kôranh Brah ma oh nâu gâp Jêh ri tâm rnê Kôranh Brah tâm nklang phung tâm rƀŭn.

Nau Ngluh Êjipt 9:16

Ƀiălah mâm ƀư Gâp ăn may rêh gay ma ăn may saơ nau brah Gâp, jêh ri bu mbơh nkoch lam bri neh ntu.

Nau Hôr 2:10

Yorlah nau blau mĭn mra lăp tâm nuih n'hâm may, Nau blau mĭn mra ƀư maak huêng may.

Nau Hôr 23:23

Rvăt hom nau ngăn, nau blau mĭn, nau ntĭm nti, jêh ri nau gĭt rbăng, Lơi ta tăch lơi ôh!

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 12:28

Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Yôhan 15:19

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.

Yôhan 15:3

Khân may jêng kloh jêh yor ma nau ngơi Gâp hŏ ntăm nti jêh ma khân may.

Yôhan 15:7

Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Yôhan 17:12

Tâm nôk Kon hôm gŭ ndrel ma khân păng, Kon mât uănh khân păng tâm amoh Mbơ̆, jêng amoh Mbơ̆ hŏ ăn ma Kon. Kon hŏ king n'gang ma khân păng, mâu geh du huê bunuyh roh ôh, knŏng êng du huê kon ma nau rai roh, gay ma nau hŏ nchih jêh tâm Nau Brah Ndu Ngơi dơi tât di ngăn.

Yôhan 17:14

Kon hŏ ntrŭnh jêh nau Mbơ̆ ngơi ma khân păng, jêh ri neh ntu tâm rmot ma khân păng, yor khân păng mâu jêng phung neh ntu, nâm bu Kon mâu jêng bunuyh neh ntu tâm ban lĕ.

Yôhan 17:16

Khân păng mâu jêng phung neh ntu ôh, tâm ban đŏng Kon mâu lĕ jêng bunuyh neh ntu.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Yôhan 17:7

Aƀaơ aơ, khân păng hŏ gĭt jêh lĕ rngôch nau Mbơ̆ ăn ma Kon jêng nau luh tă bơh Mbơ̆ da dê.

Yôhan 18:9

Nau nây tât di ngăn nau Păng hŏ lah jêh: “Kon mâu ƀư roh du huê ôh tâm phung bunuyh Mbơ̆ ăn jêh ma Kon.”

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 6:39

Aơ jêng nau mĭn ŭch Nơm hŏ njuăl Gâp văch: Lĕ rngôch bunuyh Păng ăn jêh ma Gâp, Gâp mâu mra ăn roh du huê nuyh, ƀiălah Gâp mra ăn khân păng dâk rêh tay tâm nar nglĕ dŭt.

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Yôhan 8:52

Phung Yuđa lah: “Aƀaơ aơ, hên gĭt rah vah jêh Nơm nti geh brah mhĭk lơh. Y-Abraham lĕ khĭt jêh, phung nơm mbơh lor hŏ khĭt tâm ban lĕ; ƀiălah May lah: ‘Lah mbu moh djôt prăp nau Gâp ngơi mâu mra mâp ma nau khĭt ôh.’

Kôranh Oh Mon 13:48

Nôk tăng nau nây, phung bu năch răm maak, tâm rnê nau chroh ma Brah Ndu; phung bunuyh Brah Ndu tâm nal ma nau rêh n'ho ro chroh da dê.

Samƀŭt Pôl Njuăl Ăn Ma Phung Nsing Ta Ƀon Rôm 11:2

Brah Ndu mâu mâp lơi ôh phung păng gĭt năl jêh bơh lor. Khân may mâu gĭt hĕ ma Nau Brah Ndu Ngơi nchih ma nau Y-Êli phong ma phung Israel tanăp Brah Ndu?

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

II Timôthê 1:13

Ma nau chroh jêh ri nau rŏng tâm Brah Yêsu Krist, djôt prăp hom lĕ nau ntĭm nti sŏng may nti jêh tă bơh gâp gay ma ƀư nau bu kơt.

ហេឞ្រើ 2:12

tơlah Păng lah: “Gâp mra mbơh nkoch amoh Kôranh Brah ma oh nâu Gâp; Jêh ri tâm rnê ma May tâm nklang phung tâm rƀŭn.”

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

I Pêtrôs 1:1

Y-Pêtrôs, kôranh oh mon Brah Yêsu Krist, nchih njuăl ma phung bunuyh nchah rai du gŭ tâm n'gor Pôntus, Galati, Kapadôs, Asi jêh ri Bithini, jêng phung Brah Ndu săch jêh

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 3:10

Yorlah may djôt prăp jêh nau Gâp ntĭm nti ma nau srôih, Gâp ăt mra djôt prăp may bơh mông rlong uănh, jêng mông dăch tât tâm lam neh ntu, gay rlong uănh phung bunuyh gŭ tâm neh ntu.

Nau Tâm Mpơl 3:8

‘Gâp gĭt lĕ nau kan may. Aơ, Gâp hŏ pơk jêh du mlâm mpông tanăp măt may mâu geh nơm dơi nchăng ôh, yorlah may geh djê̆ nau ktang ƀiălah may ăt djôt prăp jêh nau Gâp ngơi jêh ri mâu dun ôh ma amoh Gâp.