Yôhan 17:3 - Nau Brah Ndu Ngơi 2023

³ Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Bunong Bible Latin Script Cambodian dialect

³ Geh du huê May dơm i brah ngăn ngên. Bunuyh i geh nau rêh n'ho ro tă bơh gĭt năl May, ndrel ma gĭt năl Gâp i Yêsu Krist i May njuăl đă hăn.

Bunong

³ គែស​ទូ​ហ្វេ​មៃ​ទើម​អី​ឞ្រាស​ងាន់​ងេន។ ឞូនុយ្ស​អី​គែស​នាវ​រេស​នហ៝​រ៝​តាៈ​ឞើស​គឹត​នាល់​មៃ នទ្រែល​មា​គឹត​នាល់​គ៝ប់​អី​យេឆូ​ក្រីស  ​អី​មៃ​ញជ្វាល់​ដាៈ​ហាន់។

Yôhan 17:3 Iomraidhean Croise

I Nau Rêh Jêng 28:9

Bi may, Y-Salômôn, kon bu klâu gâp, gĭt năl hom Brah Ndu mbơ̆ may, pah kan hom ma Păng ma lĕ nuih n'hâm jêh ri ma lĕ nau mĭn; yorlah Brah Yêhôva sek uănh lĕ nuih n'hâm, jêh ri păng gĭt vât lĕ rngôch nau ŭch tâm nau mĭn. Tơlah may joi Păng, Păng mra ăn may saơ Păng; ƀiălah tơlah may chalơi Păng, nanê̆ Păng mra chalơi may n'ho ro.

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Hôr 8:35

Yorlah mbu nơm dơi joi gâp dơi saơ nau rêh, Jêh ri dơi dơn nau yô̆ Brah Yêhôva.

Êsai 48:16

Văch hom êp ma Gâp jêh ri iăt hom nau aơ: Bơh saơm, Gâp ê hŏ ăp lah tâm nau ndâp. Gâp gŭ jêh ta nĕ ntơm bơh nau nây tât ngăn. Aƀaơ aơ, Kôranh Brah jêng Brah Yêhôva njuăl jêh Gâp hăn tât Ndrel ma Brah Huêng Ueh Păng.”

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 61:1

Brah Huêng Ueh Kôranh Brah Yêhôva gŭ ta klơ Gâp, Yorlah Brah Yêhôva tŏ jêh dak ƀâu kah ma Gâp Gay mbơh nkoch nau mhe mhan ueh ma phung o ach. Păng njuăl jêh Gâp văch gay ƀư bah phung geh nuih n'hâm rngot; Gay mbơh nau kon me ma phung bu nă, Jêh ri pơk ngih bu nă ma phung bu krŭng;

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Markôs 9:37

“Mbu nơm yor amoh Gâp rom du huê kon se jê̆ nâm bu pô aơ nâm bu ntĭt rom Gâp lĕ; mbu nơm rom Gâp, mâu di rom knŏng Gâp ôh, ƀiălah rom Nơm hŏ njuăl Gâp.”

Luka 9:48

jêh ri lah ma khân păng: “Mbu nơm rom kon se jê̆ aơ tâm amoh Gâp nâm bu ntĭt rom Gâp, bi mbu rom Gâp nâm bu ntĭt rom Nơm hŏ njuăl Gâp. Yorlah mbu nơm dŭt jê̆ tâm phung khân may jêng bunuyh dŭt toyh.”

Yôhan 10:36

pôri Gâp yơh aơ, jêng Nơm Mbơ̆ prăp êng tâm nau kloh ueh jêh ri njuăl tât ta neh ntu, mâm ƀư khân may lah tay Gâp ngơi sưr rlau, nôk Gâp lah: ‘Gâp jêng Kon Brah Ndu’?

Yôhan 11:42

Gâp gĭt lĕ Mbơ̆ dơn nau Gâp ƀaƀơ, ƀiălah Gâp lah nau aơ yorlah geh âk ngăn bunuyh gŭ jŭm ta aơ, gay ma khân păng chroh ma Mbơ̆ hŏ njuăl Gâp văch.”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 17:18

Tâm ban Mbơ̆ hŏ njuăl jêh Kon lăp tâm neh ntu, pôri lĕ Kon njuăl khân păng lăp tâm neh ntu.

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Yôhan 17:25

Ơ Mbơ̆ sŏng srăng, neh ntu mâu gĭt năl Mbơ̆ ôh, ƀiălah Kon gĭt năl jêh Mbơ̆, jêh ri phung aơ hŏ gĭt jêh Mbơ̆ njuăl Kon văch.

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 3:17

Yorlah Brah Ndu hŏ njuăl Kon Păng văch ta neh ntu, mâu di gay tâm rmal neh ntu ôh, ƀiălah gay neh ntu yor ma Kon Păng dơi tâm rklaih.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Yôhan 5:44

Khân may ŭch dơn nau chrêk rmah ndrăng khân may nơm, mâu joi ôh nau chrêk rmah tă bơh Brah Ndu knŏng nguay, mâm khân may dơi chroh?

Yôhan 6:57

Tâm ban ma Mbơ̆ nơm gŭ rêh mro mrăng hŏ njuăl Gâp jêh, jêh ri Gâp gŭ rêh yor Păng, pôri lĕ, mbu nơm sa nglay săk Gâp mra rêh yor Gâp.

Yôhan 7:29

Bi Gâp gĭt năl Păng, yorlah Gâp văch tă bơh Păng, jêh ri Păng hŏ njuăl Gâp jêh.”

Yôhan 8:19

Yor ri, khân păng ôp Brah Yêsu: “Mbah ntŭk Mbơ̆ May?” Brah Yêsu plơ̆ lah: “Khân may mâu gĭt Gâp ôh, mâu đŏng gĭt Mbơ̆ Gâp. Lah khân may gĭt năl Gâp ri mơ gĭt đŏng Mbơ̆ Gâp.”

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

I Kôrintô 8:4

Pôri, ma nau nhhơr ndơ ƀư brah ma rup brah, he gĭt rup brah tâm neh ntu mâu geh ngăn ôh, knŏng geh nguay Brah Ndu mâu geh brah êng ôh.

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

II Pêtrôs 1:2

Dăn nau yô̆ jêh ri nau đăp mpăn bêng ler tâm khân may tă bơh nau gĭt năl Brah Ndu jêh ri Brah Krist, Kôranh Brah he!

II Pêtrôs 1:3

Nau brah Brah Ndu ăn jêh ma he lĕ rngôch nau tât ma nau rêh jêh ri ma nau blau yơk, tă bơh nau gĭt năl Păng jêng Nơm kuăl jêh he ma nau chrêk rmah jêh ri nau ueh Păng nơm.

II Pêtrôs 1:8

Yorlah tơlah khân may geh lĕ nau aơ jêh ri geh rmeh ler, khân may mâu mra klach khân may nơm gŭ dơm dam mâu lah mâu geh play tâm nau gĭt năl ma Kôranh Brah he jêng Brah Yêsu Krist.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 2:23

Mbu nơm mâu dơn Kon, mâu lĕ geh Mbơ̆; mbu nơm mbơh sŏk dơn Kon, geh lĕ Mbơ̆.

I Yôhan 4:6

He jêng phung Brah Ndu. Mbu nơm gĭt năl Brah Ndu gŭ iăt nau he, bi mbu nơm mâu jêng phung Brah Ndu mâu iăt nau he ôh. Ma nau nĕ, he gĭt năl brah huêng nau ngăn jêh ri huêng brah nau vĭ vĭr.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.