Yôhan 17:25 - Nau Brah Ndu Ngơi 2023

²⁵ Ơ Mbơ̆ sŏng srăng, neh ntu mâu gĭt năl Mbơ̆ ôh, ƀiălah Kon gĭt năl jêh Mbơ̆, jêh ri phung aơ hŏ gĭt jêh Mbơ̆ njuăl Kon văch.

Bunong Bible Latin Script Cambodian dialect

²⁵ Ơ Bơ̆! May sŏng ngăn. Bunuyh ta neh ntu dja bu mâu ôh gĭt năl May, yơn ma Gâp gĭt năl May, jêh ri khân păng i dja lĕ gĭt lah, May ngăn njuăl đă Gâp hăn ta dja.

Bunong

²⁵ អើ​ឞឹ! មៃ​ឆ៝ង់​ងាន់។ ឞូនុយ្ស​តា​នែស​នតូ​អ្យា​ឞូ​មោ​អោស​គឹត​នាល់​មៃ យើន​មា​គ៝ប់​គឹត​នាល់​មៃ ជេសរី​ខាន់​ពាង់​អី​អ្យា​លែៈ​គឹត​លាស មៃ​ងាន់​ញជ្វាល់​ដាៈ​គ៝ប់​ហាន់​តា​អ្យា។

Yôhan 17:25 Iomraidhean Croise

Êsai 45:21

Pôri mbơh hom, jêh ri đă khân păng văch dăch; Ăn khân păng tâm nchră ndrel n'grŭp! Mbu nơm hŏ nkoch nau aơ ntơm bơh kăl e? Mbu nơm mbơh jêh nau aơ bơh saơm? Mâu di hĕ Gâp nơm yơh jêng Brah Yêhôva? Rlau ma Gâp, mâu hôm geh brah êng ôh, Jêng Brah Ndu sŏng srăng jêh ri jêng Nơm Tâm Rklaih; Rlau ma Gâp, mâu hôm geh Nơm êng ôh.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 16:16

Y-Simôn Pêtrôs ơh: “May jêng Brah Krist, Kon Brah Ndu gŭ rêh mro mrăng.”

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 10:15

tâm ban ma Mbơ̆ gĭt năl Gâp, jêh ri Gâp gĭt năl Mbơ̆. Gâp jao nau rêh Gâp nơm ma phung biăp.

Yôhan 15:21

Ƀiălah yor amoh Gâp, khân păng mra ƀư lĕ nau nây ma khân may, yorlah khân păng mâu gĭt năl ôh Nơm hŏ njuăl Gâp văch.

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 16:30

Aƀaơ hên gĭt jêh Nơm Nti gĭt da dê lĕ rngôch ndơ, mâu hôm ŭch geh bu ôp May ôh. Yor nây, hên chroh ma May luh tă bơh Brah Ndu.”

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Yôhan 17:18

Tâm ban Mbơ̆ hŏ njuăl jêh Kon lăp tâm neh ntu, pôri lĕ Kon njuăl khân păng lăp tâm neh ntu.

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Yôhan 17:23

Kon gŭ tâm khân păng jêh ri Mbơ̆ gŭ tâm Kon, gay ma khân păng jêng nguay tât lôch, gay ăn neh ntu gĭt Mbơ̆ njuăl jêh Kon văch, jêh ri Mbơ̆ rŏng jêh ma khân păng tâm ban ma Mbơ̆ rŏng jêh ma Kon.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 3:17

Yorlah Brah Ndu hŏ njuăl Kon Păng văch ta neh ntu, mâu di gay tâm rmal neh ntu ôh, ƀiălah gay neh ntu yor ma Kon Păng dơi tâm rklaih.

Yôhan 6:19

Nôk khân păng vah plŭng hŏ ngai klăp lah prăm mâu lah prao kilômet ri mơ saơ Brah Yêsu hăn ta klơ mpiăt dak mƀŭt văch dăch ta plŭng. Khân păng klach ngăn.

Yôhan 7:29

Bi Gâp gĭt năl Păng, yorlah Gâp văch tă bơh Păng, jêh ri Păng hŏ njuăl Gâp jêh.”

Yôhan 8:19

Yor ri, khân păng ôp Brah Yêsu: “Mbah ntŭk Mbơ̆ May?” Brah Yêsu plơ̆ lah: “Khân may mâu gĭt Gâp ôh, mâu đŏng gĭt Mbơ̆ Gâp. Lah khân may gĭt năl Gâp ri mơ gĭt đŏng Mbơ̆ Gâp.”

Yôhan 8:55

Khân may mâu gĭt năl Păng ôh, ƀiălah Gâp gĭt năl Păng. Lah Gâp lah Gâp mâu gĭt năl Păng ôh, Gâp mra jêng bunuyh mƀruh tâm ban ma khân may. Ƀiălah Gâp gĭt năl Păng ngăn jêh ri djôt prăp nau Păng ngơi.

Kôranh Oh Mon 17:23

Yorlah dôl gâp nsong tâm ƀon khân may, treng uănh lĕ ntŭk khân may prăp yơk mbah, gâp saơ du nơng ƀư brah geh nchih rplay samƀŭt: YƠK MBAH BRAH BU MÂU MÂP GĬT NĂL. Pôri, Nơm khân may yơk mbah, ƀiălah mâu gĭt năl nây, Nơm nây yơh gâp nkoch mbơh ma khân may.

Kôranh Oh Mon 26:18

gay ma pơk an măt khân păng, ăn khân păng du bơh nau ngo hăn tâm nau ang, tă bơh nau dơi ktang Satan plơ̆ sĭt ma Brah Ndu; gay ma nau chroh ma Gâp, khân păng dơn nau yô̆ an nau tih jêh ri dơn kô̆ drăp ndơ ndrel ma phung kloh ueh.’

Samƀŭt Pôl Njuăl Ăn Ma Phung Nsing Ta Ƀon Rôm 1:28

Yorlah khân păng mâu ŭch gĭt năl Brah Ndu ôh, pônây Brah Ndu n'ho jao khân păng ma nau mĭn mhĭk gay ƀư âk nau mâu khư ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:11

Mâu geh du huê gĭt rbăng ôh, Mâu geh du huê joi Brah Ndu ôh.

Samƀŭt Pôl Njuăl Ăn Ma Phung Nsing Ta Ƀon Rôm 3:26

Tâm rnôk nây, Păng tâm mpơl ma Păng yơh jêng nau sŏng srăng păng jêh ri kơp sŏng srăng ma mbu nơm geh nuih n'hâm chroh ma Brah Yêsu.

I Kôrintô 1:21

Yor Brah Ndu, tă bơh nau blau mĭn Păng, hŏ ƀư ma neh ntu mâu dơi dŏng nau blau mĭn êng păng nơm gay gĭt vât Păng, yor ri Brah Ndu maak dŏng nau mbơh nkoch bu uănh ma he jêng brŭt ndrăng, gay tâm rklaih phung chroh.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

II Kôrintô 4:4

Brah tâm rnôk aơ ƀư chieh măt nau mĭn ma phung bunuyh mâu chroh, gay khân păng mâu saơ nau ang Nau Mhe Mhan Ueh chrêk rmah tâm Brah Krist, jêng rup Brah Ndu.

II Têsalônik 1:8

Păng mra tâm rmal phung mâu gĭt năl Brah Ndu jêh ri mâu tông bâr ma Nau Mhe Mhan Ueh bơh Kôranh Brah he jêng Brah Yêsu.

ហេឞ្រើ 8:11

Khân păng mâu mra sâm nti ôh ma bunuyh chiau meng Jêh ri phung oh nâu khân păng nơm pô aơ: ‘Gĭt năl hom Kôranh Brah.’ Yorlah lĕ rngôch mra gĭt năl Gâp da dê, Ntơm bơh nơm jê̆ lơn tât ma nơm toyh lơn.

I Yôhan 1:9

Tơlah he mbơh nau tih he nơm, Păng jêng Nơm răp jăp jêh ri sŏng mra yô̆ an nau tih ma he jêh ri ƀư kloh he bơh lĕ rngôch nau kue.

Nau Tâm Mpơl 13:8

Lĕ rngôch bunuyh gŭ rêh ta neh ntu mra yơk mbah ma păng, nâm bu ntĭt phung mâu geh amoh săk nchih tâm ndrom samƀŭt nau rêh Kon Biăp bu nkhĭt jêh ntơm bơh nau rhăk njêng neh ntu.

Nau Tâm Mpơl 16:5

Gâp tăng tông mpăr geh nau dơi tâm dak lah pô aơ: “Ơ Nơm Kloh Ueh, NƠM AɃAƠ AƠ, GEH JÊH, May jêng sŏng srăng, Yorlah May phat dôih lĕ nau aơ jêh;