Yôhan 17:21 - Nau Brah Ndu Ngơi 2023

²¹ gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Bunong Bible Latin Script Cambodian dialect

²¹ gay ma dâng lĕ khân păng gŭ tâm rnglăp băl hŏ. Ơ Bơ̆! Tâm ban ma May gŭ ta Gâp, Gâp gŭ ta May, dăn ăn khân păng i nây gŭ ta Bân đŏng, gay ma ăn dâng lĕ bunuyh ta neh ntu dja bu iăt May i Nơm tơm njuăl Gâp.

Bunong

²¹ គៃ​មា​ទឹង​លែៈ​ខាន់​ពាង់​គុ​តឹម​រាង្លាប់​ឞាល់​ហ៝ៈ។ អើ​ឞឹ! តឹម​ឞាន​មា​មៃ​គុ​តា​គ៝ប់ គ៝ប់​គុ​តា​មៃ ទាន់​អ៝ន់​ខាន់​ពាង់​អី​នៃ​គុ​តា​ឞ៝ន់​ដ៝ង់ គៃ​មា​អ៝ន់​ទឹង​លែៈ​ឞូនុយ្ស​តា​នែស​នតូ​អ្យា​ឞូ​អ្យាត់​មៃ​អី​នើម​តើម​ញជ្វាល់​គ៝ប់។

Yôhan 17:21 Iomraidhean Croise

Yêrêmi 32:39

Gâp mra ăn ma khân păng du nuih n'hâm, ndrel ma du trong gay ma khân păng dơi klach yơk ma Gâp lôch nau rêh khân păng, yor nây khân păng nơm jêh ri ndŭl deh ma phung kon sau khân păng dơi geh nau ueh da dê.

Sôphôni 3:9

Rnôk nây, Gâp mra rgâl phung ƀon lan, Ƀư kloh trôm mbung, Gay lĕ rngôch kuăl amoh Brah Yêhôva da dê, Du ai pah kan ma Păng ndrel n'grŭp.

Sakari 14:9

Brah Yêhôva mra jêng hađăch ma lam neh ntu. Tâm nar nây, Brah Yêhôva mra jêng Nơm knŏng nguay, jêh ri amoh Păng mra geh knŏng nguay dơm.

Markôs 3:24

Tơlah du bri dak tâm nkhah êng păng nơm, bri dak nây mâu dơi dâk nâp ôh;

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Yôhan 10:30

Gâp đah Mbơ̆ jêng nguay.”

Yôhan 10:38

Bi tơlah Gâp pah kan, lah khân may mâu chroh ma Gâp kđôi lĕ, chroh hom ma kan Gâp ƀư aơ, gay khân may dơi gĭt năl jêh ri gĭt rbăng Mbơ̆ gŭ tâm Gâp jêh ri Gâp gŭ tâm Mbơ̆.”

Yôhan 11:42

Gâp gĭt lĕ Mbơ̆ dơn nau Gâp ƀaƀơ, ƀiălah Gâp lah nau aơ yorlah geh âk ngăn bunuyh gŭ jŭm ta aơ, gay ma khân păng chroh ma Mbơ̆ hŏ njuăl Gâp văch.”

Yôhan 13:32

Lah Brah Ndu geh nau tâm rnê ta Kon Bunuyh, Brah ndu mra tâm rnê đŏng Kon Bunuyh tâm Păng nơm, jêh ri mra tâm rnê ro.

Yôhan 13:35

Lah khân may tâm rŏng ndrăng khân may nơm, yor ri, lĕ rngôch bunuyh mra gĭt khân may jêng oh mon Gâp.”

Yôhan 17:11

Kon mâu hôm gŭ ta neh ntu ôh, Kon plơ̆ sĭt tay ta Mbơ̆, ƀiălah khân păng gŭ ta neh ntu. Ơ Mbơ̆ Kloh Ueh ơi! Dăn mât uănh khân păng tâm amoh Mbơ̆, jêng amoh Mbơ̆ hŏ ăn jêh ma Kon, gay ma khân păng jêng nguay tâm ban ma He.

Yôhan 17:18

Tâm ban Mbơ̆ hŏ njuăl jêh Kon lăp tâm neh ntu, pôri lĕ Kon njuăl khân păng lăp tâm neh ntu.

Yôhan 17:20

Ơ Mbơ̆! Kon mâu ôh knŏng mbơh sơm ma phung aơ dơm, ƀiălah Kon mbơh sơm dăn đŏng ma phung bunuyh chroh ma Kon yor nau khân păng ngơi,

Yôhan 17:25

Ơ Mbơ̆ sŏng srăng, neh ntu mâu gĭt năl Mbơ̆ ôh, ƀiălah Kon gĭt năl jêh Mbơ̆, jêh ri phung aơ hŏ gĭt jêh Mbơ̆ njuăl Kon văch.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 17:8

Yorlah Kon hŏ ăn jêh ma khân păng lĕ nau ngơi Mbơ̆ hŏ ăn ma Gâp. Khân păng sŏk dơn jêh, gĭt nanê̆ Kon luh tă bơh Mbơ̆ jêh ri chroh Mbơ̆ hŏ njuăl Kon.

Yôhan 3:17

Yorlah Brah Ndu hŏ njuăl Kon Păng văch ta neh ntu, mâu di gay tâm rmal neh ntu ôh, ƀiălah gay neh ntu yor ma Kon Păng dơi tâm rklaih.

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 4:32

Nôk nây, lĕ phung chroh geh du ai nuih n'hâm, du nau mĭn, mâu geh bu nuyh uănh drăp ndơ păng nơm jêng ndơ êng, ƀiălah kơp ma lĕ rngôch ndô ndơ jêng ndơ mpôl.

Samƀŭt Pôl Njuăl Ăn Ma Phung Nsing Ta Ƀon Rôm 12:5

tâm ban lĕ, he geh âk bunuyh, ƀiălah knŏng jêng du săk jăn tâm Brah Krist; ăp bunuyh tâm he jêng lĕ kô̆ săk jăn ndrăng phung he.

I Kôrintô 1:10

Hơi phung oh nâu, tâm amoh Kôranh Brah he jêng Brah Yêsu Krist, gâp nkah ma lĕ rngôch khân may ăn geh du nau ngơi, gay ma tâm khân may mâu geh nau tâm nkhah, ƀiălah ăn geh nau tâm rnglăp ndrel ndrăng khân may tâm nau mĭn jêh ri du nau ntrâng.

I Kôrintô 12:12

Yorlah geh knŏng du săk jăn ƀiălah geh âk lĕ kô̆ săk jăn; lĕ kô̆ săk jăn geh âk, ƀiălah geh knŏng du săk jăn; Brah Krist kơt nây đŏng.

I Kôrintô 6:17

Ƀiălah mbu nơm tâm rnglăp đah Kôranh Brah mra plơ̆ jêng du nuih n'hâm ndrel ma Păng.

Galati 3:28

Ta aơ mâu geh kơp rnglah êng phung Yuđa mâu lah phung Grek ôh, phung dĭk mâu lah phung kon me, phung bu klâu mâu lah phung bu ur ôh, yorlah lĕ rngôch khân may jêng nguay tâm Brah Yêsu Krist.

Philip 1:27

Nau khlay jêng ăn khân may gŭ rêh tâm di đah Nau Mhe Mhan Ueh Brah Krist, gay ma tơlah gâp hăn khâl khân may mâu lah gâp ndŭt măt, gâp tăng lĕ ma khân may hôm dâk nâp, du ai nau mĭn, du nuih n'hâm tâm lơh ndrel yor nau chroh Nau Mhe Mhan Ueh,

I Yôhan 1:3

Hên sŏk nau hên saơ jêh, tăng jêh mbơh ma khân may, gay ma khân may dơi geh nau tâm rnglăp ndrel ma hên; jêh ri hên ăt geh nau tâm rnglăp đah Brah Ndu Mbơ̆, jêh ri đah Kon Păng jêng Brah Yêsu Krist.

I Yôhan 5:7

Brah Huêng Ueh yơh mbơh nkoch, yorlah Brah Huêng Ueh jêng nau ngăn.