Yôhan 17:2 - Nau Brah Ndu Ngơi 2023

² Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Bunong Bible Latin Script Cambodian dialect

² Kơt May lĕ ăn nau dơi ma Gâp dơi mât uănh dâng lĕ rngôch bunuyh, gay ma Gâp ăn nau rêh n'ho ro ma dâng lĕ bunuyh i May lĕ ăn jêh ma Gâp.

Bunong

² កើត​មៃ​លែៈ​អ៝ន់​នាវ​ទើយ​មា​គ៝ប់​ទើយ​ម៝ត់​អ្វាញ់​ទឹង​លែៈ​រាងោច​ឞូនុយ្ស គៃ​មា​គ៝ប់​អ៝ន់​នាវ​រេស​នហ៝​រ៝​មា​ទឹង​លែៈ​ឞូនុយ្ស​អី​មៃ​លែៈ​អ៝ន់​ជេស​មា​គ៝ប់។

Yôhan 17:2 Iomraidhean Croise

Nau Mprơ Ơm 110:1

Brah Yêhôva ngơi ma Kôranh Brah gâp pô aơ: “Gŭ hom pa ma Gâp. Kŏ tât Gâp ăn phung rlăng đah May jêng rnơl chrong jâng May.”

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 25:46

Jêh nây phung aơ mra lăp tâm nau tâm rmal n'ho ro, ƀiălah phung sŏng srăng mra lăp tâm nau rêh n'ho ro.”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 17:6

Gâp hŏ tâm mpơl jêh amoh Mbơ̆ ma phung bunuyh Mbơ̆ ăn ma Kon ta nklang neh ntu nây. Khân păng jêng ndơ Mbơ̆, Mbơ̆ ăn khân păng ma Kon, jêh ri khân păng hŏ djôt prăp nau Mbơ̆ ngơi.

Yôhan 17:9

Gâp mbơh sơm an ma khân păng, mâu di mbơh sơm an ma neh ntu ôh, ƀiălah yor phung bunuyh Mbơ̆ ăn jêh ma Kon, yorlah khân păng jêng phung Mbơ̆.

Yôhan 3:35

Mbơ̆ rŏng ma Kon jêh ri hŏ jao lĕ ntil ndơ tâm ti Kon.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 6:39

Aơ jêng nau mĭn ŭch Nơm hŏ njuăl Gâp văch: Lĕ rngôch bunuyh Păng ăn jêh ma Gâp, Gâp mâu mra ăn roh du huê nuyh, ƀiălah Gâp mra ăn khân păng dâk rêh tay tâm nar nglĕ dŭt.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

I Kôrintô 15:25

Yorlah Păng chiă uănh, tât nôk Brah Ndu “dơm lĕ phung rlăng tâm dâng jâng Păng.”

Êphêsô 1:20

Nây jêng nau brah Păng ăn tât tâm Brah Krist nôk ƀư ma Brah Krist dâk rêh tay tă bơh nau khĭt jêh ri dơm Păng gŭ mpeh pa ma Păng tâm lĕ ntŭk klơ trôk,

Philip 2:10

Gay nôk tăng ma amoh Brah Yêsu, Lĕ kômâk klơ trôk, tâm neh ntu, tâm dâng neh ntu Chon kômâk da dê,

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 2:25

Jêh ri nau rêh n'ho ro jêng nau Păng hŏ ton ăn jêh ma he.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Yuđas 1:21

Mât mray hom khân may nơm tâm nau Brah Ndu rŏng. Gŭ kâp hom nau yô̆ nđach bơh Kôranh Brah he jêng Brah Yêsu Krist gay geh nau rêh n'ho ro.