Yôhan 17:10 - Nau Brah Ndu Ngơi 2023

¹⁰ Lĕ rngôch phung Kon jêng phung Mbơ̆, lĕ rngôch phung Mbơ̆ jêng phung Kon lĕ; jêh ri tâm khân păng, Kon geh nau tâm rnê.

Bunong Bible Latin Script Cambodian dialect

¹⁰ Jêh ri dâng lĕ ƀon lan May jêng ƀon lan Gâp, dâng lĕ ƀon lan Gâp jêng ƀon lan May đŏng. Khân păng jan ăn Gâp geh nau chrêk lơp.

Bunong

¹⁰ ជេសរី​ទឹង​លែៈ​ប៝ន​លាន​មៃ​ជេង​ប៝ន​លាន​គ៝ប់ ទឹង​លែៈ​ប៝ន​លាន​គ៝ប់​ជេង​ប៝ន​លាន​មៃ​ដ៝ង់។ ខាន់​ពាង់​ជាន​អ៝ន់​គ៝ប់​គែស​នាវ​ច្រេក​លើប។

Yôhan 17:10 Iomraidhean Croise

Yôhan 10:30

Gâp đah Mbơ̆ jêng nguay.”

Yôhan 11:4

Ƀiălah dôl Brah Yêsu tăng nau nây Păng lah: “Nau ji nây mâu ir tât khĭt ôh, ƀiălah gay geh nau chrêk rmah ma Brah Ndu, gay ma Kon Brah Ndu geh nau tâm rnê yor nau nây.”

Yôhan 12:23

Brah Yêsu lah: “Mông lĕ tât jêh, Kon Bunuyh mra geh nau tâm rnê.

Yôhan 5:23

gay lĕ bunuyh yơk ma Kon tâm ban yơk ma Mbơ̆ lĕ. Mbu nơm mâu yơk ma Kon mâu đŏng yơk ma Mbơ̆ jêng Nơm hŏ njuăl Kon văch.

Kôranh Oh Mon 19:17

Lĕ rngôch phung bunuyh gŭ ta ƀon Êphêsô, nđâp ma phung Yuđa jêh ri phung Grek tăng lư nau nây, khân păng klach ngăn; amoh Brah Yêsu lơ hô bu yơk.

Galati 1:24

Pôri, khân păng tâm rnê Brah Ndu yor gâp.

Philip 1:20

Nau gâp ŭch kâp jêh ri nau kâp gân mâu mra geh du ntil nau bêk prêng ôh, ƀiălah bêng ma nuih n'hâm nănh, gay aƀaơ tâm ban đŏng tâm lĕ rngôch ntŭk, nđâp tơlah gŭ rêh mâu lah khĭt, Brah Krist ăt geh tâm rnê tâm nau gŭ rêh gâp.

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.

II Têsalônik 1:12

kŏ tât amoh Kôranh Brah he jêng Brah Yêsu geh nau tâm rnê tâm khân may, jêh ri khân may tâm Păng, tĭng nâm nau yô̆ bơh Brah Ndu he jêh ri bơh Kôranh Brah jêng Brah Yêsu Krist.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.