Yôhan 16:22 - Nau Brah Ndu Ngơi 2023

²² Khân may tâm ban lĕ, aƀaơ khân may rngot rvê, ƀiălah Gâp mra tâm mâp đŏng khân may, ri mơ nuih n'hâm khân may mra maak, jêh ri bu mâu dơi sŏk lơi ôh nau maak tâm khân may.

Bunong Bible Latin Script Cambodian dialect

²² Aƀaơ dja khân may tâm ban kơt nây đŏng, khân may geh nau nklŏn rvê, yơn ma Gâp tâm mâp tay đah khân may du tơ̆ jât. Nôk nây khân may geh nau răm maak ngăn, mâu geh ôh bunuyh dơi pit nau răm maak khân may.

Bunong

²² អាបៃ​អ្យា​ខាន់​មៃ​តឹម​ឞាន​កើត​នៃ​ដ៝ង់ ខាន់​មៃ​គែស​នាវ​ងក្ល៝ន់​រាវៃ យើន​មា​គ៝ប់​តឹម​ម៝ប់​តៃ​ដាស​ខាន់​មៃ​ទូ​តឹ​ជឹត។ នោក​នៃ​ខាន់​មៃ​គែស​នាវ​រាម់​មអាក​ងាន់ មោ​គែស​អោស​ឞូនុយ្ស​ទើយ​ពីត​នាវ​រាម់​មអាក​ខាន់​មៃ។

Yôhan 16:22 Iomraidhean Croise

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 146:2

Gâp mra tâm rnê ma Brah Yêhôva du bông nau rêh gâp. Ndah jŏ nar gâp hôm rêh, gâp mra mprơ tâm rnê ma Brah Ndu dŭm nĕ lĕ.

Nau Mprơ Ơm 33:21

Nuih n'hâm hên mra geh nau răm maak tâm Păng Yorlah hên rnơm nsing jêh tâm Amoh Kloh Ueh Păng.

Êsai 25:9

Tâm nar nây, bu mra lah: “Ri, aơ jêng Brah Ndu he; He kâp gân Păng, jêh ri Păng hŏ tâm rklaih he jêh. Aơ yơh jêng Brah Yêhôva he kâp gân, Ăn he hâk răm jêh ri maak yor nau Păng tâm rklaih!”

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Mathay 28:8

Bar hê bu ur nây ndil ndal du tă bơh môch, nđâp klach nđâp răm maak ngăn, nchuăt hăn mbơh nau mhe mhan nây ma phung oh mon Păng.

Luka 10:42

ƀiălah knŏng geh du ntil kan săch dơm. H'Mari săch jêh nau ueh jêng nau bu mâu mra dơi pit sŏk bơh păng ôh.”

Luka 16:25

Ƀiălah Y-Abraham plơ̆ lah: ‘Hơi kon, kah gĭt tay hom dôl may gŭ rêh, may dơi dơn lĕ nau ueh jêh, bi Y-Lasar dơn âk nau djơh; aƀaơ aơ, păng geh nau bonh leng, bi may gŭ tâm nau rêh ni dŭt hâu ngăn.

Luka 19:26

Gâp đă ma khân may: ‘Nơm geh jêh, mra ăn ntop; bi mbu mâu geh bu mra sŏk lơi lĕ ndơ khân păng hŏ geh jêh.

Luka 24:41

Tâm dôl phung oh mon ê hŏ chroh yorlah răm maak rlau ir jêh ri hih rhâl, ri mơ Păng lah ma khân păng: “Khân may geh lĕ ndơ sa ta aơ mâu lah mâu?”

Yôhan 14:1

“Lơi dĭng ăn nuih n'hâm khân may uh ah ôh. Chroh hom ma Brah Ndu jêh ri chroh hom ma Gâp tâm ban lĕ.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 16:16

“Hôm ƀât lât, khân may mâu mra hôm saơ Gâp ôh, jêh ri jŏ djê̆ pakơi, khân may mra saơ Gâp đŏng.”

Yôhan 16:20

Nanê̆, Gâp lah ngăn ma khân may, khân may mra nhhiăng nhĭm jêh ri nter lŭng, ƀiălah phung neh ntu mra răm maak. Khân may mra rngot, ƀiălah nau rngot khân may mra plăch jêng nau răm maak.

Yôhan 16:6

Ƀiălah yor ri Gâp hŏ lah lĕ nau aơ ma khân may, pôri nuih n'hâm khân may geh bêng ma nau rngot rvê.

Yôhan 21:7

Oh mon Brah Yêsu rŏng, lah ma Y-Pêtrôs: “Nây jêng Kôranh Brah!” Nôk Y-Simôn Pêtrôs hŏ tăng jêh nây jêng Kôranh Brah, Păng nsoh ao ro (dôl gŭ săk hưl), jêh ri păng nsăt trŭnh tâm dak mƀŭt.

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Kôranh Oh Mon 13:52

Bi phung oh mon bêng ler ma nau răm maak jêh ri Brah Huêng Ueh.

Kôranh Oh Mon 16:25

Klăp lah n'gul măng, Y-Pôl jêh ri Y-Silas mbơh sơm jêh ri mprơ tâm rnê ma Brah Ndu; phung bu nă gŭ iăt.

Kôranh Oh Mon 2:46

Ăp nar, khân păng gơih văch tât ngih brah; jêh ri ntơm bơh ngih aơ tât ta ngih êng, khân păng nkê̆ch piăng let jêh ri sông sa ndrel ma nau răm maak jêh ri ma nuih n'hâm nanê̆,

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

II Kôrintô 6:10

uănh nâm bu rngot, ƀiălah răm maak mro; uănh nâm bu nau ndĭt trơi, ƀiălah hên ƀư đŏng ma âk bunuyh ndrŏng; uănh nâm bu mâu geh ndơ ôh, ƀiălah geh đŏng lĕ rngôch.

II Têsalônik 2:16

Dăn Kôranh Brah he, jêng Brah Yêsu Krist nơm jêh ri Brah Ndu, Mbơ̆ he, Nơm rŏng jêh ma he, jêh ri bơh nau yô̆ ăn ma he nau bonh leng n'ho ro jêh ri nau kâp gân ueh,

ហេឞ្រើ 10:34

Yorlah khân may geh jêh nau yô̆ nđach ma phung bu nă, jêh ri maak nuih n'hâm dơn ma nau bu sŏk pit in drăp ndơ khân may nơm, yorlah khân may gĭt khân may nơm geh drăp ndơ khlay lơn jêh ri hôm e n'ho ro.

ហេឞ្រើ 6:18

gay ma bar nau nây mâu blau rgâl — bar nau nây Brah Ndu mâu dơi ngơi mƀruh ôh — ma phung he jêng phung bunuyh nchuăt du krap ta Păng, geh nau bonh leng toyh jêh ri djôt nâp nau kâp gân hŏ dơm tanăp măt he nơm.

I Pêtrôs 1:8

Nđâp tơlah ê hŏ saơ Păng, khân may ăt rŏng jêh ma Păng, nđâp tơlah ê hŏ tâm mâp đah Păng, khân may ăt chroh jêh ma Păng, jêh ri hâk răm tâm nau răm maak dŭt hâu ngăn, mâu blau rblang ôh;