Yôhan 16:2 - Nau Brah Ndu Ngơi 2023

² Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Bunong Bible Latin Script Cambodian dialect

² Yorlah bu mra ntrŭt khân may du lôh bơh nhih rƀŭn phung Israel bân. Jêh ri nar jât năp tay bu moh nkhât khân may, khân păng mân lah ndơ khân păng jan i nây, khân păng jan ndơ i Kôranh Brah rnê.

Bunong

² យ៝រ​លាស​ឞូ​មរា​នត្រុត​ខាន់​មៃ​ទូ​លោស​ឞើស​ញីស​រាបុន​ផូង​អីឆ្រាអែល  ​ឞ៝ន់។ ជេសរី​នារ​ជឹត​នាប់​តៃ​ឞូ​ម៝ស​ងខឹត​ខាន់​មៃ ខាន់​ពាង់​មឹន​លាស​នទើ​ខាន់​ពាង់​ជាន​អី​នៃ ខាន់​ពាង់​ជាន​នទើ​អី​កោរាញ​ឞ្រាស​រានេ។

Yôhan 16:2 Iomraidhean Croise

Êsai 65:5

Pôri khân păng nănh lah pô aơ: “Du hom may, Lơi văch dăch gâp ôh, yorlah gâp jêng kloh ueh lơn ma may!” Phung nây jêng tâm ban ma nhhŭk ŭnh tâm trôm trô muh Gâp, Tâm ban ma ŭnh hit nar măng.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Daniel 11:33

Lĕ phung gĭt blau tâm phung ƀon lan mra ntĭm nti âk bunuyh, nđâp lah tâm du năng ƀât lât, khân păng mra chôt prah yor ma đao jêh ri yor ŭnh hit, yor nau jêng bu nă jêh ri ma nau mra pit in.

Mathay 10:28

Lơi klach ôh ma phung nkhĭt săk jăn ƀiălah mâu dơi nkhĭt huêng; ƀiălah ăn khân may klach ma nơm dơi nkhĭt huêng nđâp ma săk jăn tâm ndrung ŭnh.

Mathay 24:9

Rnôk nây, bu mra jao khân may, ƀư ma khân may geh nau rêh ni jêh ri nkhĭt lơi khân may; lĕ rngôch bunuyh mra tâm rmot ma khân may yor amoh Gâp.

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 12:42

Nđâp lah kơt nĕ, geh âk bunuyh tâm phung kôranh chiă uănh chroh ma Brah Yêsu, ƀiălah yor phung Pharisi, khân păng mâu nănh mbơh dơn ma Brah Yêsu ôh, yor klach bu mprơh khân păng luh bơh ngih rƀŭn.

Yôhan 16:25

Gâp hŏ dŏng nau hôr gay lah lĕ nau nây ma khân may. Ƀiălah tât mông, Gâp mâu mra dŏng nau hôr gay ngơi ma khân may ôh, ƀiălah mra ngơi săr lah đah khân may ma Mbơ̆.

Yôhan 16:32

Aơ mông tât jêh, nôk khân may mra nchah rai pru pra, ăp nơm tĭng păng nơm ŭch, chalơi Gâp gŭ êng. Ƀiălah Gâp mâu gŭ êng ôh, yorlah Mbơ̆ gŭ ndrel ma Gâp.

Yôhan 4:21

Brah Yêsu lah: “Aơ, hơi bu ur ri, chroh hom ma Gâp, mông dăch tât jêh, khân ay mâu hôm yơk mbah ma Mbơ̆ ta klơ yôk aơ mâu lah ta ƀon Yêrusalem đŏng.

Yôhan 4:23

Mông dăch tât jêh ri hŏ tât jêh, nôk phung bunuyh yơk mbah nanê̆ ngăn mra yơk mbah Mbơ̆ ma huêng jêh ri ma nau ngăn; nây jêng phung bunuyh yơk mbah Mbơ̆ ŭch joi.

Yôhan 9:22

Mê̆ mbơ̆ păng lah pônây yor klach ma phung Yuđa, yor phung Yuđa hŏ tâm lăp nau tơlah mbu nơm mbơh Brah Yêsu jêng Brah Krist, bu mprơh lơi păng luh bơh ngih rƀŭn.

Yôhan 9:34

Khân păng plơ̆ lah: “Bu deh ma may tâm nau tih, may ŭch nti hên đŏng hĕ?” Jêh nây khân păng mprơh păng luh padih.

Kôranh Oh Mon 5:33

Jêh tăng lĕ nau nây khân păng ji nuih ngăn jêh ri ŭch nkhĭt lơi phung kôranh oh mon.

Kôranh Oh Mon 7:56

Păng lah: “Ri, gâp saơ lĕ ndâr trôk pơk mpơl jêh ri Kon Bunuyh gŭ dâk pa ma Brah Ndu.”

I Kôrintô 4:13

nôk bu ngơi mhĭk, hên plơ̆ lah ma nau ueh. N'ho ma tât aƀaơ, hên plơ̆ jêng nâm bu ndŏk tâm neh ntu, ndơ kon bunuyh mƀăr.

Philip 3:6

ma nuih n'hâm duh nđơr, gâp jêng nơm ƀư mhĭk ma Phung Ngih Brah Ndu; bi ma nau sŏng srăng tĭng nâm nau vay gâp mâu geh nau nduyh.

Nau Tâm Mpơl 6:9

Tơlah Kon Biăp pơk tâp pŏng rơh prăm, gâp saơ tâm dâng nơng ƀư brah geh huêng phung bunuyh bu nkhĭt jêh yor nau ngơi Brah Ndu jêh ri yor nau khân păng mbơh nkoch.

Phung Kôranh Phat Dôih 6:30

Phung ƀon lan lah ma Y-Jôas: “Njŭn hom kon may văch ta aơ, ăn păng khĭt, yorlah păng ƀư rlâm jêh nơng brah Baal, jêh ri kăl lơi rup brah Asêrah êp meng nây.”