Yôhan 15:8 - Nau Brah Ndu Ngơi 2023

⁸ Bơh nau nây Mbơ̆ Gâp mra geh nau tâm rnê, lah khân may dơi geh play âk jêh ri khân may jêng phung oh mon Gâp.

Bunong Bible Latin Script Cambodian dialect

⁸ Lah khân may geh play ŏk, khân may oh mon Gâp ngăn, ndri dâng ăn Bơ̆ Gâp geh nau chrêk lơp.”

Bunong

⁸ លាស​ខាន់​មៃ​គែស​ព្លៃ​អ៝ក់ ខាន់​មៃ​អ៝ស​ម៝ន​គ៝ប់​ងាន់ នទ្រី​ទឹង​អ៝ន់​ឞឹ​គ៝ប់​គែស​នាវ​ច្រេក​លើប”។

Yôhan 15:8 Iomraidhean Croise

Êsai 60:21

Lĕ rngôch phung ƀon lan may mra jêng sŏng srăng da dê, Jêh ri khân păng mra dơn bri nây n'ho ro. Khân păng jêng nkeh nse Gâp tăm jêh, Jêng kan ti Gâp ƀư jêh, gay ma Gâp geh nau chrêk rmah.

Êsai 61:3

Gay ăn rvang kao ma phung rngot klâng ta Siôn, Ntrok ma ndruyh ŭnh buh, Ăn dak ngi nau răm ntrok nau klâng ndrê, Ăn bok ao nau tâm rnê ntrok nau huêng rngot rvê. Bu mra rnha khân păng tơm si nau sŏng srăng, Jêng tơm si Brah Yêhôva tăm jêh, gay ƀư ăn chrêk rmah ma Păng.

Ndrom Samƀŭt bơh Agê 1:8

Hăn hao hom klơ yôk djôt nsĭt tơm si jêh ri ndâk ngih brah, gay ma Gâp geh nau maak nuih n'hâm ma păng jêh ri Gâp mra geh nau tâm rnê,’ Brah Yêhôva lah pônây.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

Mathay 9:8

Phung ƀon lan saơ nau khlay nây klach da dê, jêh ri tâm rnê Brah Ndu, Nơm hŏ ăn nau dơi kơt nây ma bunuyh.

Luka 6:35

Ƀiălah ăn khân may rŏng phung rlăng khân păng nơm, ƀư hom nau ueh, jêh ri ăn chan hom ƀiălah lơi kâp mplơ̆ tay. Kơt nây, nau nkhôm khân may mra jêng toyh, jêh ri khân may mra jêng kon Nơm Dŭt Prêh, yorlah Păng sŏk nuih n'hâm ueh ma phung mâu gĭt nau yô̆ jêh ri ma phung janh ƀai.

Yôhan 13:35

Lah khân may tâm rŏng ndrăng khân may nơm, yor ri, lĕ rngôch bunuyh mra gĭt khân may jêng oh mon Gâp.”

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

I Kôrintô 10:31

Pôri, khân may sông sa mâu lah nhêt, mâu lah ƀư moh nau kan êng, ƀư hom lĕ rngôch yor ma nau chrêk rmah Brah Ndu.

I Kôrintô 6:20

yorlah Brah Ndu hŏ rvăt jêh khân may ma rnoh dŭt khlay. Pôri, sŏk hom săk jăn khân may gay tâm rnê Brah Ndu.

Philip 1:11

geh bêng ma play nau sŏng srăng bơh Yêsu Krist gay mât ton jêh ri nau tâm rnê ma Brah Ndu.

Titus 2:10

mâu ntŭng ôh, ƀiălah tâm mpơl ƀaƀơ nuih n'hâm răp jăp n'hêl nanê̆, gay ma tâm lĕ rngôch nau, khân păng dơi yơk ma nau ntĭm nti bơh Brah Ndu, Nơm Tâm Rklaih he, geh nau chrat ang.

Titus 2:5

di keh, kloh nglang, blau pah kan tâm ngih vâl, geh nuih n'hâm ueh, blau tông ma sai khân păng, gay nau chroh ma Brah Ndu mâu geh ôh bu ngơi djơh.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 4:11

Tơlah geh nơm mbơh nkoch, mbơh nkoch hom tâm ban mbơh nau ngơi bơh Brah Ndu; tơlah geh nơm pah kan, pah kan hom ma nau ktang Brah Ndu ăn, gay tâm lĕ rngôch ndơ geh nau tâm rnê bơh Brah Yêsu Krist. Dăn nau chrêk rmah jêh ri nau brah jêng ndơ Păng n'ho ro tâm lĕ rngôch rnôk. Amen.