Yôhan 15:7 - Nau Brah Ndu Ngơi 2023

⁷ Lah khân may gŭ tâm Gâp jêh ri nau Gâp ngơi gŭ tâm khân may, dăn hom moh ndơ khân may ŭch, khân may mra geh nau nây.

Bunong Bible Latin Script Cambodian dialect

⁷ Lah khân may hôm gŭ ta Gâp nâng, jêh ri nau Gâp ngơi hôm gŭ ta khân may nâng, lah ndri moh ndơ khân may ŭch, dăn hŏm, khân may geh ngăn ro.

Bunong

⁷ លាស​ខាន់​មៃ​ហោម​គុ​តា​គ៝ប់​នឹង ជេសរី​នាវ​គ៝ប់​ងើយ​ហោម​គុ​តា​ខាន់​មៃ​នឹង លាស​នទ្រី​ម៝ស​នទើ​ខាន់​មៃ​អុច ទាន់​ហ៝ម់ ខាន់​មៃ​គែស​ងាន់​រ៝។

Yôhan 15:7 Iomraidhean Croise

I Phung Hađăch 3:5

Ta Gibêôn, Brah Yêhôva tâm mpơl ma Y-Salômôn tâm nau mbơi dôl măng; Brah Ndu lah: “Dăn hom dĭng lĕ ntil ndơ may ŭch, Gâp ăn ma may.”

Ndrom Samƀŭt bơh Yôp 22:26

Rnôk nây may mra hâk răm tâm Nơm Geh Lĕ Nau Brah, Jêh ri n'gơr muh măt may uănh Brah Ndu.

Ndrom Samƀŭt bơh Yôp 23:12

Gâp mâu du ngai lĕ nau vay ntăm bơh bâr mbung Păng, Djôt prăp mro tâm nuih n'hâm gâp nau ngơi bơh bâr mbung Păng.

Nau Mprơ Ơm 119:11

Gâp djôt prăp nau Brah Ndu ngơi tâm nuih n'hâm gâp, Gay ma gâp mâu hôm ƀư tih đah Kôranh Brah.

Nau Mprơ Ơm 37:4

Maak hom tâm Brah Yêhôva Pôri Păng mra ăn ma may nau nuih n'hâm may ŭch.

Nau Hôr 10:24

Moh ntil ndơ phung ƀai klach mra tât ma khân păng, Ƀiălah ntil ndơ phung sŏng srăng ŭch mra dơi ăn geh.

Nau Hôr 4:4

Mbơ̆ gâp geh nti pô aơ: “Nuih n'hâm may kah gĭt hom lĕ nau gâp Djôt prăp hom nau vay ntăm bơh gâp, ri mơ may mra dơi rêh.

Êsai 58:8

“Rnôk nây, nau ang khân may mra nchrat tâm ban ma ƀhit rvi ang, Nau sôt rmanh khân may mra gơnh ƀư bah. Nau sŏng srăng khân may mra hăn tanăp khân may, Jêh ri nau chrêk rmah Brah Yêhôva mra king n'gang pakơi khân may.

Yêrêmi 15:16

Mâp geh nau May ngơi, gâp hŏ sa rvăn jêh; Nau May ngơi jêng nau răm maak, hâk maak ma nuih n'hâm gâp; Yorlah gâp dơi ntơ ma amoh May, Ơ Yêhôva Brah Yêhôva ma phung tahan.

Mathay 7:7

Dăn hom, mra dơi geh; joi hom, mra saơ; goh hom, mpông mra pơk ăn ma khân may.

Yôhan 14:13

Moh ndơ khân may dăn tâm amoh Gâp, Gâp mra ƀư, gay ma Mbơ̆ dơi geh nau tâm rnê tâm Kon.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 16:23

Tâm nar nây, khân may mâu hôm ôp Gâp đŏng ôh. Nanê̆, Gâp lah ngăn ma khân may, moh nau khân may dăn ma Mbơ̆ tâm amoh Gâp, Păng mra ăn ma khân may.

Yôhan 8:31

Pôri, Brah Yêsu lah ma phung Yuđa chroh jêh ma Păng pô aơ: “Lah khân may gŭ nâp tâm nau Gâp ngơi, khân may jêng oh mon Gâp ngăn.

Yôhan 8:37

Gâp gĭt khân may jêng phung kon sau Y-Abraham, ƀiălah khân may joi nau ŭch ƀư nkhĭt gâp, yorlah nau Gâp ngơi mâu lăp ôh tâm khân may.

Galati 4:2

Păng hôm gŭ tâm dâng phung nai nti jêh ri bunuyh mât uănh ngih kŏ tât nar mbơ̆ păng tâm nal jêh.

Galati 5:16

Pôri gâp lah, nhuat hăn hom tĭng nâm Brah Huêng Ueh, lơi mpay lĕ nau nglay săk ŭch.

Nau Vay Nkah Tay 6:6

Djôt prăp hom tâm nuih n'hâm lĕ nau ngơi gâp ntĭnh ma khân may nar aơ.

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

I Yôhan 2:14

Hơi phung kon jê̆ lê̆, gâp nchih ma khân may yorlah khân may gĭt năl jêh Kôranh Brah Mbơ̆. Hơi phung mbơ̆, gâp nchih ma khân may gĭt năl jêh Nơm jêng bunuyh ntơm saơm. Hơi phung druh ndăm, gâp nchih ma khân may yorlah khân may jêng ktang, nau ngơi Brah Ndu gŭ tâm khân may, jêh ri khân may dơi jêh đah phung brah mhĭk.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 3:22

jêh ri moh ndơ he dăn, he sŏk dơn da dê, yor he tông prăp ma lĕ nau vay Păng ntăm jêh ri ƀư nau maak ma Păng.

I Yôhan 5:14

Aơ jêng nau nuih n'hâm nâp phung he geh tanăp Brah Ndu: Nây jêng tơlah he mbơh sơm dăn moh ndơ tĭng nâm Păng ŭch, Păng iăt nau he.