Yôhan 15:16 - Nau Brah Ndu Ngơi 2023

¹⁶ Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Bunong Bible Latin Script Cambodian dialect

¹⁶ Mâu ôh khân may lĕ kơih Gâp, Gâp i kơih khân may, jêh ri đă khân may hăn geh play ŏk, play i hôm nâng n'ho ro. Lah ndri moh ndơ khân may dăn bơh Bơ̆ Gâp ta rnha săk Gâp, Păng ăn ma khân may ro.

Bunong

¹⁶ មោ​អោស​ខាន់​មៃ​លែៈ​កើយ្ស​គ៝ប់ គ៝ប់​អី​កើយ្ស​ខាន់​មៃ ជេសរី​ដាៈ​ខាន់​មៃ​ហាន់​គែស​ព្លៃ​អ៝ក់ ព្លៃ​អី​ហោម​នឹង​នហ៝​រ៝។ លាស​នទ្រី​ម៝ស​នទើ​ខាន់​មៃ​ទាន់​ឞើស​ឞឹ​គ៝ប់​តា​រាញា​ឆាក់​គ៝ប់ ពាង់​អ៝ន់​មា​ខាន់​មៃ​រ៝។

Yôhan 15:16 Iomraidhean Croise

Nau Ntơm 18:18

Nanê̆ Y-Abraham mra jêng du mpôl băl toyh jêh ri geh nau dăng ktang; lĕ rngôch phung ƀon lan klơ neh ntu tă bơh păng da dê mra geh nau ueh uĭn.

Nau Mprơ Ơm 145:4

Rơh bunuyh aơ tât rơh bunuyh ri mra tâm rnê ma kan May, Jêh ri mra mbơh lĕ nau kan brah May.

Nau Mprơ Ơm 71:18

Ơ Brah Ndu, nđâp lah gâp lĕ ranh jêh ri sŏk ndra jêh, Lơi ta May chalơi gâp ôh Kŏ tât gâp mbơh nau dăng ktang May ma rnôk kăndơ̆, Jêh ri nau brah May ma noi deh ndơn pakơi.

Nau Hôr 11:30

Play bơh bunuyh sŏng srăng jêng tơm si nau rêh, Bunuyh blau mĭn dơi njŭn leo âk huêng bu.

Êsai 27:6

Tât mông Yakôb mra hon reh, Israel geh rmlom jêh ri dang kao, Jêh ri khân păng mra play bêng klơ neh.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Mathay 21:22

Tâm dôl mbơh sơm, lĕ rngôch nau khân may dăn ma nau chroh mra sŏk dơn lĕ.”

Mathay 7:7

Dăn hom, mra dơi geh; joi hom, mra saơ; goh hom, mpông mra pơk ăn ma khân may.

Luka 6:13

Tât ang nar pakơi, Brah Yêsu kuăl phung oh mon văch jêh ri săch jât ma bar nuyh tâm phung nây, rnha kôranh oh mon:

Yôhan 13:18

Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’

Yôhan 15:19

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”

Kôranh Oh Mon 1:24

Jêh nây khân păng mbơh sơm pô aơ: “Ơ Kôranh Brah, May jêng Nơm gĭt rah vah nuih n'hâm lĕ rngôch bunuyh, dăn mpơl ma hên gĭt tâm bar hê aơ, mbu nơm May hŏ săch jêh

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 10:41

mâu di ma lĕ rngôch bunuyh ôh, ƀiălah ma hên jêng phung mbơh Brah Ndu săch jêh bơh lor, nâm bu ntĭt phung bunuyh hŏ sông sa nhêt jêh ndrel ma Păng, pakơi Păng dâk rêh tay tă bơh nau khĭt.

Kôranh Oh Mon 22:14

Jêh ri păng lah: ‘Brah Ndu phung che he săch jêh may ăn gĭt nau Păng ŭch, ăn saơ Nơm Sŏng Srăng, jêh ri ăn iăt nau tă bơh bâr mbung Păng ngơi.

Kôranh Oh Mon 9:15

Ƀiălah Kôranh Brah lah: “Hăn hom, yorlah Gâp săch jêh nơm aơ jêng ndơ Gâp dŏng gay djôt leo amoh Gâp tât ma phung bu năch, phung hađăch, jêh ri phung kon Israel;

Samƀŭt Pôl Njuăl Ăn Ma Phung Nsing Ta Ƀon Rôm 1:13

Hơi phung oh nâu, gâp ŭch ma khân may gĭt âk tơ̆ jêh gâp tâm nal hăn khâl khân may gay ma rek peh play kao âk ƀhôi tâm phung khân may, tâm ban đŏng ma phung mpôl băl bunuyh êng; ƀiălah gâp geh nau buay tât nar aơ.

Samƀŭt Pôl Njuăl Ăn Ma Phung Nsing Ta Ƀon Rôm 1:5

Yor ma Păng, hên hŏ dơn jêh nau yô̆ jêh ri nau pah kan kôranh oh mon, gay ma yor amoh Păng njŭn leo lĕ rngôch phung mpôl băl tông ma nau chroh.

Samƀŭt Pôl Njuăl Ăn Ma Phung Nsing Ta Ƀon Rôm 15:4

Lĕ nau bu nchih jêh bơh kăl e jêng gay ma ntĭm nti he, gay ma tă bơh nau nâp jêh ri n'hao nuih n'hâm Nau Brah Ndu Ngơi he geh nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 9:21

Di lĕ nơm mon glah geh nau dơi đah neh uk, gay tă bơh tâm du mbŭch neh păng mon njêng ntil yăng dŏng tâm nau khlay jêh ri ntil yăng ƀă dŏng tâm nau jê̆ jănh?

I Kôrintô 10:11

Lĕ rngôch nau nây tât geh ma khân păng nâm bu du nau nti, jêh ri bu nchih jêh gay lah lor ma he jêng phung gŭ êp nar dăch lôch.

Galati 1:15

Ƀiălah tơlah Brah Ndu, Nơm prăp êng gâp bơh tâm ndŭl mê̆ jêh ri kuăl gâp ma nau yô̆,

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

I Timôthê 2:7

Yorlah nau mbơh nây, gâp geh nau săch jêng nơm mbơh nkoch jêh ri kôranh oh mon (gâp ngơi ngăn, mâu ngơi mƀruh ôh), jêng kôranh nơm nti ma phung bu năch, gay nti khân păng ma nau chroh jêh ri nau ngăn.

II Timôthê 1:11

Yorlah Nau Mhe Mhan Ueh aơ yơh, gâp geh nau săch jêng bunuyh mbơh nkoch, kôranh oh mon jêh ri kôranh nti;

II Timôthê 2:2

Lĕ nau may tăng jêh bơh gâp ta năp âk bunuyh mbơh, jao hom ma phung bunuyh geh nau răp jăp ngăn, jêng phung bunuyh geh nau blau nau ntĭm nti ma phung ƀaƀă.

Titus 1:5

Gâp chalơi jêh may tâm n'gor Kret gay ma may dăp nkra lĕ nau kan ê hŏ lôch ôh, jêh ri sâm jao kan phung kôranh bu ranh tâm ăp ƀon tâm ban gâp ntĭm jêh ma may.

ហេឞ្រើ 11:4

Yor ma nau chroh, Y-Abel nhhơr jêh ma Brah Ndu du mpa ƀư brah ueh lơn ma Y-Kain, jêh ri păng geh nau mbơh jêng sŏng srăng nôk Brah Ndu dơn jêh ndơ nhhơr nây. Tă bơh nĕ đŏng, nđâp tơlah khĭt jêh, păng ăt hôm ngơi.

Yakơ 3:18

Phung bunuyh joi nau đăp mpăn mra rek kao play nau sŏng srăng hŏ srih jêh tâm nau đăp mpăn.

I Pêtrôs 3:15

ƀiălah ăn khân may yơk ma Brah Krist jêng kloh ueh, Kôranh Brah tâm nuih n'hâm khân may. Ăn khân may gŭ njrăng ƀaƀơ gay dơi plơ̆ lah ma nau yơk jêh ri nau rdơ̆ ma mbu nơm ôp ăn gĭt ma nau khân may kâp gân.

I Pêtrôs 3:2

yorlah khân păng saơ jêh nau kloh rsang jêh ri nau klach yơk tâm nau gŭ rêh bơh khân ay.

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.

I Yôhan 4:19

He rŏng yorlah Kôranh Brah rŏng jêh ma he lor.