Yôhan 15:15 - Nau Brah Ndu Ngơi 2023

¹⁵ Gâp mâu hôm kuăl khân may jêng oh mon ôh, yorlah oh mon mâu gĭt ôh moh nau kôranh păng ƀư. Ƀiălah Gâp kuăl khân may băl Gâp nơm, yorlah Gâp hŏ mpơl jêh ma khân may gĭt lĕ rngôch lĕ nau Gâp hŏ tăng jêh tă bơh Mbơ̆ Gâp.

Bunong Bible Latin Script Cambodian dialect

¹⁵ Gâp mâu ôh hôm kuăl khân may bunuyh sơm kơl jan kar jât, yorlah bunuyh sơm kơl jan kar mâu ôh gĭt moh nau kôranh păng nơm jan. Gâp kuăl khân may jêng mât jăng Gâp nơm, yorlah dâng lĕ nau Bơ̆ Gâp lah ma Gâp, lĕ Gâp mbơh nkoch ăn ma khân may gĭt dadê.

Bunong

¹⁵ គ៝ប់​មោ​អោស​ហោម​ក្វាល់​ខាន់​មៃ​ឞូនុយ្ស​ឆើម​កើល​ជាន​ការ​ជឹត យ៝រ​លាស​ឞូនុយ្ស​ឆើម​កើល​ជាន​ការ​មោ​អោស​គឹត​ម៝ស​នាវ​កោរាញ​ពាង់​នើម​ជាន។ គ៝ប់​ក្វាល់​ខាន់​មៃ​ជេង​មឹត​ជាង់​គ៝ប់​នើម យ៝រ​លាស​ទឹង​លែៈ​នាវ​ឞឹ​គ៝ប់​លាស​មា​គ៝ប់ លែៈ​គ៝ប់​មឞើស​ងក៝ច​អ៝ន់​មា​ខាន់​មៃ​គឹត​ទាទេ។

Yôhan 15:15 Iomraidhean Croise

Nau Mprơ Ơm 25:14

Brah Yêhôva jan jiăng ndrel ma phung klach yơk ma Păng, Jêh ri mpơl ma nơm nây gĭt nau tâm rnglăp Păng.

Nau Hôr 18:24

Du huê bunuyh geh âk mĭt jiăng dơi jêng nau djơh mhĭk, Ƀiălah geh du huê mĭt jiăng dơh dăch rlau lơn ma oh nâu du ndŭl deh.

Amôt 3:7

Tâm ban lĕ, Kôranh Brah Yêhôva mâu mo du ntil nau ôh Mbơh lĕ nau ndâp Păng Ma phung oh mon Păng jêng phung nơm mbơh lor.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Luka 10:23

Jêh nây Păng n'gĭl uănh phung oh mon jêh ri lah êng: “Ueh maak yơh măt dơi saơ nau phung kon saơ!

Yôhan 12:26

Tơlah mbu nơm pah kan ma Gâp păng tĭng Gâp; jêh ri ta ntŭk Gâp gŭ, bunuyh pah kan ma Gâp ăt mra gŭ ta nây lĕ. Tơlah mbu nơm pah kan ma Gâp, Mbơ̆ Gâp mra yơk ma păng.

Yôhan 13:16

Nanê̆, Gâp lah ngăn ma khân may: Oh mon mâu toyh lơn ma kôranh ôh, phung mbơh mâu lĕ toyh lơn ma nơm njuăl păng nơm.

Yôhan 15:20

Kah gĭt hom nau Gâp lah jêh ma khân may: ‘Oh mon mâu rlau ma kôranh păng ôh.’ Tơlah khân păng ƀư mhĭk ma Gâp, khân păng mra ƀư mhĭk ma khân may tâm ban lĕ. Tơlah khân păng djôt prăp nau Gâp ngơi, khân păng djôt prăp nau khân may ngơi.

Yôhan 16:12

Gâp hôm âk nau ŭch mbơh ma khân may, ƀiălah aƀaơ khân may mâu dơi gĭt rbăng ôh.

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Yôhan 20:17

Brah Yêsu đă: “Lơi pah ta Gâp, yorlah Gâp ê hŏ hao ma Mbơ̆! Ƀiălah hăn hom tâm mâp jêh ri mbơh ma phung oh nâu Gâp, lah ma khân păng pô aơ: Gâp hao ma Mbơ̆ Gâp jêh ri Mbơ̆ khân may lĕ, nđâp ma Brah Ndu Gâp jêh ri Brah Ndu khân may lĕ.”

Yôhan 4:19

Bu ur nây lah: “Hơi kôranh, gâp gĭt năl may jêng du huê nơm mbơh lor.

Yôhan 8:26

Gâp geh âk nau ŭch lah jêh ri phat dôih ma khân may; ƀiălah Nơm njuăl Gâp văch jêng ngăn, jêh ri Gâp mbơh ăn ma neh ntu lĕ nau Gâp hŏ tăng tă bơh Păng.”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Samƀŭt Pôl Njuăl Ăn Ma Phung Nsing Ta Ƀon Rôm 7:15

Gâp mâu gĭt rbăng nau gâp ƀư. Yorlah gâp mâu ƀư nau gâp ŭch, ƀiălah ƀư nau gâp rmot.

I Kôrintô 2:16

“Yorlah mbu nơm gĭt năl jêh nau mĭn Kôranh Brah, Gay ma sâm ntĭm an Păng?” Ƀiălah hên geh nau mĭn Brah Krist.

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 3:5

jêng nau ê hŏ mâp tâm mpơl ma phung kon bunuyh tâm lĕ rngôch rô̆ ta lor, ƀiălah aƀaơ Brah Huêng Ueh dơi tâm mpơl ma phung kôranh oh mon kloh ueh jêh ri ma phung nơm mbơh lor Păng.

Kôlôh 1:26

nâm bu ntĭt nau khlay ndâp nây, pôn jêh tâm lĕ rngôch rnôk rô̆ ƀiălah aƀaơ tâm mpơl jêh ma phung kloh ueh Păng.

ផីលេមោន 1:16

mâu di nâm bu du huê dĭk dơm, ƀiălah rlau lơn ma du huê dĭk, jêng du huê oh nâu he rŏng ngăn ngên. Đah gâp, bunuyh aơ khlay rŏng ngăn ngên, ƀiălah đah ma may, hô lơ rŏng rlau lơn, nđâp ma tâm nglay săk jêh ri tâm Kôranh Brah.

Yakơ 1:1

Y-Yakơ, oh mon Brah Ndu jêh ri Kôranh Brah jêng Brah Yêsu Krist, nchih njuăl ma jât ma bar ndŭl mpôl dôl gŭ rêh nchah rai lam ntŭk. Ăn nau maak ma khân may!

Yakơ 2:23

Pôri, nau ngơi tâm Nau Brah Ndu Ngơi hŏ geh tât di ngăn: “Abraham chroh ma Brah Ndu, jêh ri tă bơh nĕ păng dơi kơp jêng sŏng srăng” jêh ri Brah Ndu kuăl păng jêng mĭt jiăng ma Păng.

I Pêtrôs 1:11

Khân păng sek uănh gay gĭt năl moh rnôk jêh ri mâm nau Brah Huêng Ueh Brah Krist tâm khân păng lĕ ntĭm jêh, dôl Păng mbơh lor ma nau rêh ni Brah Krist jêh ri nau chrêk rmah tĭng groi pakơi.

II Pêtrôs 1:1

Y-Simôn Pêtrôs, oh mon jêh ri kôranh oh mon Brah Yêsu Krist, nchih njuăl ma phung tă bơh nau sŏng srăng Brah Ndu he jêh ri tă bơh Nơm Tâm Rklaih jêng Brah Yêsu Krist, sŏk dơn jêh ndrel du nau chroh khlay nâm bu hên.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Nau Tâm Mpơl 1:1

Nau Yêsu Krist tâm mpơl tĭng nâm Brah Ndu ăn ma Păng gay tâm mpơl ma phung oh mon Păng lĕ nau kan bơi tât. Păng njuăl tông mpăr hăn tât gay tâm mpơl ma Y-Yôhan, oh mon Păng,