Yôhan 15:10 - Nau Brah Ndu Ngơi 2023

¹⁰ Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Bunong Bible Latin Script Cambodian dialect

¹⁰ Lah khân may jan kơt nau Gâp đă, khân may hôm gŭ nâng ta nau rŏng Gâp, tâm ban ma Gâp lĕ jan kơt nau Bơ̆ Gâp đă, jêh ri Gâp hôm gŭ nâng ta nau rŏng Păng đŏng.

Bunong

¹⁰ លាស​ខាន់​មៃ​ជាន​កើត​នាវ​គ៝ប់​ដាៈ ខាន់​មៃ​ហោម​គុ​នឹង​តា​នាវ​រ៝ង់​គ៝ប់ តឹម​ឞាន​មា​គ៝ប់​លែៈ​ជាន​កើត​នាវ​ឞឹ​គ៝ប់​ដាៈ ជេសរី​គ៝ប់​ហោម​គុ​នឹង​តា​នាវ​រ៝ង់​ពាង់​ដ៝ង់។

Yôhan 15:10 Iomraidhean Croise

II Samuel 22:22

Yorlah gâp djôt prăp lĕ trong ndô̆ Brah Yêhôva, Mâu chalơi Brah Ndu gâp gay ƀư nau mhĭk.

II Phung Hađăch 18:6

Păng kuăn nâp ngăn Brah Yêhôva, mâu du tă bơh Păng ôh, ƀiălah djôt prăp lĕ nau vay Brah Yêhôva ntăm, hŏ ntăm jêh ma Y-Môis.

Nau Ngluh Êjipt 7:6

Y-Môis jêh ri Y-Arôn ƀư tĭng nâm nau Brah Yêhôva hŏ ntĭnh jêh.

Êsai 50:5

Kôranh Brah jêng Brah Yêhôva hŏ pơk jêh tôr Gâp, Bi Gâp, Gâp mâu tâm rdâng ôh, Mâu lĕ Gâp plơ̆ rŭch.

Yôhan 10:18

Mâu geh bunuyh dơi pit nau rêh Gâp ôh, ƀiălah Gâp nđơr êng jao săk. Gâp geh nau dơi jao nau rêh jêh ri geh nau dơi sŏk tay păng đŏng. Gâp hŏ dơn jêh nau vay tă bơh Mbơ̆ Gâp.”

Yôhan 12:49

Gâp mâu ngơi tĭng nau gâp nơm ŭch ôh, ƀiălah Mbơ̆ Gâp jêng Nơm tơm njuăl Gâp văch ntăm jêh ma Gâp moh nau Gâp mra lah jêh ri mbơh.

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 14:21

Mbu nơm geh nau vay Gâp jêh ri djôt prăp, nơm nây yơh rŏng ma Gâp. Mbu nơm rŏng ma Gâp Mbơ̆ Gâp mra rŏng ma păng, Gâp mra rŏng ma păng lĕ, jêh ri tâm mpơl Gâp nơm ma păng.”

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 14:31

ƀiălah Gâp ƀư tĭng nau Mbơ̆ ntăm jêh ma Gâp gay ma neh ntu gĭt Gâp rŏng ma Mbơ̆. Dâk hăn hom, he luh du bơh aơ.”

Yôhan 17:4

Gâp hŏ tâm rnê jêh Mbơ̆ tâm neh ntu jêh ri ƀư lôch jêh nau kan Mbơ̆ jao ăn Gâp ƀư.

Yôhan 4:34

Brah Yêsu lah ma khân păng: “Ndơ sông sa Gâp jêng ƀư tĭng nau mĭn ŭch Nơm hŏ njuăl Gâp, jêh ri ƀư lôch jêh nau kan Păng.

Yôhan 8:29

Nơm tơm njuăl Gâp gŭ ndrel ma Gâp, mâu ôh chalơi Gâp gŭ êng, yorlah Gâp ƀư ueh nuih n'hâm Păng ƀaƀơ.”

Yôhan 8:55

Khân may mâu gĭt năl Păng ôh, ƀiălah Gâp gĭt năl Păng. Lah Gâp lah Gâp mâu gĭt năl Păng ôh, Gâp mra jêng bunuyh mƀruh tâm ban ma khân may. Ƀiălah Gâp gĭt năl Păng ngăn jêh ri djôt prăp nau Păng ngơi.

I Kôrintô 7:19

Nau koh ntâu mâu lah mâu geh koh ntâu mâu geh nau khlay ôh; nau khlay jêng djôt prăp lĕ nau vay ntăm bơh Brah Ndu.

I Têsalônik 4:1

Dăch dŭt, hơi phung oh nâu, tâm Kôranh Brah jêng Brah Yêsu, hên vơh vơl jêh ri ntrôl khân may pô aơ nâm bu khân may hŏ nti jêh bơh hên ăn gŭ rêh ƀư maak nuih n'hâm Brah Ndu, jêh ri khân may dôl gŭ rêh tâm ban kơt nĕ, pô ri gŭ rêh hom lơ nar lơ ueh lơn.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

II Pêtrôs 2:21

Ueh lơn khân păng mâu gĭt trong nau sŏng srăng ueh lơn lĕ gĭt ƀiălah rle ndŭr kơi đah nau vay kloh ueh bu ntĭm nti jêh ma khân păng.

I Yôhan 2:3

Tă bơh nau aơ he gĭt năl he nơm gĭt năl Păng jêh: Nây jêng he tông prăp lĕ nau vay Păng ntăm.

I Yôhan 2:5

Ƀiălah mbu nơm tông djôt prăp nau Păng ngơi, nau Brah Ndu rŏng jêng rah vah ngăn tâm bunuyh nây. Ma nau nĕ yơh he gĭt, he nơm gŭ tâm Păng.

I Yôhan 2:6

Mbu nơm lah păng nơm gŭ tâm Brah Ndu, mra chuat hăn tâm ban ma Păng hŏ chuat hăn jêh.

I Yôhan 5:3

He rŏng ma Brah Ndu nâm bu ntĭt he tông prăp lĕ nau vay Păng ntăm; nau vay Păng ntăm mâu jâk jêr ôh.

Nau Tâm Mpơl 22:14

Ueh maak yơh phung pih ao khân păng nơm gay geh nau dơi văch ta ntŭk tơm si nau rêh, jêh ri dơi lăp tâm ƀon ta lĕ mpông.