Yôhan 14:9 - Nau Brah Ndu Ngơi 2023

⁹ Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

Bunong Bible Latin Script Cambodian dialect

⁹ Brah Yêsu ơh ma păng: “Ơ Philip, Gâp gŭ ndrel khân may lĕ jŏ ngăn, mơm dâng may hôm e ê hŏ năl Gâp? Bu moh lĕ say Gâp, păng lĕ say Bơ̆ Gâp đŏng. Mơm dâng may lah: ‘Dăn May nhhơ ăn hên say Bơ̆ May’ kơt nây?

Bunong

⁹ ឞ្រាស​យេឆូ  ​អើស​មា​ពាង់៖ “អើ​ផីលីប  គ៝ប់​គុ​នទ្រែល​ខាន់​មៃ​លែៈ​ជ៝ៈ​ងាន់ មើម​ទឹង​មៃ​ហោម​អែ​អេ​ហ៝ៈ​នាល់​គ៝ប់? ឞូ​ម៝ស​លែៈ​ឆៃ​គ៝ប់ ពាង់​លែៈ​ឆៃ​ឞឹ​គ៝ប់​ដ៝ង់។ មើម​ទឹង​មៃ​លាស៖ «ទាន់​មៃ​ញហើ​អ៝ន់​ហេន​ឆៃ​ឞឹ​មៃ»​កើត​នៃ?

Yôhan 14:9 Iomraidhean Croise

Nau Ntơm 26:9

Y-Abimêlek kuăl Y-Isăk hăn tât jêh ri lah: “Nanê̆ păng jêng ur may! Mâm ƀư may lah: ‘Păng jêng oh bu ur gâp’?” Y-Isăk lah ma hađăch: “Yorlah gâp mĭn êng, lah gâp mâu lah kơt nây gâp mra khĭt yor ur gâp.”

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Yêrêmi 2:23

“Mâm may nănh ngơi: ‘Gâp mâu geh ƀơ̆ ƀơch, Gâp mâu geh tĭng brah Baal ôh’? Uănh hom trong may tâm ntŭk rlŭng; Ăn gĭt nanê̆ nau may hŏ ƀư, Nâm bu seh samô ngăch, nchuăt blă blơ.

Markôs 9:19

Brah Yêsu plơ̆ lah: “Hơi ndŭl mpôl mâu chroh ri, ndah jŏ Gâp mra gŭ ndrel đah khân may? Ndah jŏ Gâp mra nsrôih dơn đah khân may? Njŭn leo hom kon se nây ma Gâp.”

Luka 12:56

Hơi phung nuih n'hâm nklă! Khân may gĭt tâm rnglah nau mbên trôk neh, mâm ƀư khân may mâu gĭt tâm rnglah nôk aƀaơ aơ?

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 10:30

Gâp đah Mbơ̆ jêng nguay.”

Yôhan 12:45

Mbu nơm saơ Gâp, păng mra saơ Nơm tơm hŏ njuăl Gâp jêh.

Yôhan 14:20

Tâm nar nây, khân may mra gĭt ma Gâp gŭ tâm Mbơ̆ Gâp; khân may gŭ tâm Gâp, jêh ri Gâp gŭ tâm khân may.

Yôhan 14:7

Lah khân may gĭt năl Gâp, khân may mra gĭt năl Mbơ̆ Gâp tâm ban lĕ; ntơm bơh aƀaơ khân may gĭt năl jêh ri hŏ saơ jêh Păng.”

Yôhan 8:19

Yor ri, khân păng ôp Brah Yêsu: “Mbah ntŭk Mbơ̆ May?” Brah Yêsu plơ̆ lah: “Khân may mâu gĭt Gâp ôh, mâu đŏng gĭt Mbơ̆ Gâp. Lah khân may gĭt năl Gâp ri mơ gĭt đŏng Mbơ̆ Gâp.”

I Kôrintô 15:12

Pôri, tơlah khân may hŏ tăng nau mbơh nkoch ma Brah Krist dâk rêh tay tă bơh nau khĭt, mâm ƀư geh ƀaƀă tâm phung khân may lah phung khĭt mâu geh nau dâk rêh tay?

Philip 2:6

Păng ơm geh rup Brah Ndu, Ƀiălah mâu uănh nau tâm ban đah Brah Ndu Jêng nau djôt prăp;

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.