Yôhan 14:6 - Nau Brah Ndu Ngơi 2023

⁶ Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Bunong Bible Latin Script Cambodian dialect

⁶ Brah Yêsu lah: “Gâp dja jêng tâm ban ma trong i hăn tât ta bơ̆ nơm, mâu hôm ôh geh trong êng, Gâp dja jêng nau ngăn, Gâp dja jêng nau rêh. Rlau bơh Gâp, mâu ôh hôm geh trong a êng jât hăn tât ta Bơ̆ Gâp.

Bunong

⁶ ឞ្រាស​យេឆូ  ​លាស៖ “គ៝ប់​អ្យា​ជេង​តឹម​ឞាន​មា​ត្រ៝ង​អី​ហាន់​ត៝ត់​តា​ឞឹ​នើម មោ​ហោម​អោស​គែស​ត្រ៝ង​អេង គ៝ប់​អ្យា​ជេង​នាវ​ងាន់ គ៝ប់​អ្យា​ជេង​នាវ​រេស។ រាលាវ​ឞើស​គ៝ប់ មោ​អោស​ហោម​គែស​ត្រ៝ង​អា​អេង​ជឹត​ហាន់​ត៝ត់​តា​ឞឹ​គ៝ប់។

Yôhan 14:6 Iomraidhean Croise

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 1:17

Yorlah nau vay dơi mbơh tă bơh Y-Môis, ƀiălah nau yô̆ jêh ri nau ngăn tât tă bơh Brah Yêsu Krist.

Yôhan 1:4

Tâm Păng geh nau rêh, nau rêh nây jêng nau ang ma kon bunuyh.

Yôhan 10:28

Gâp ăn ma khân păng nau rêh n'ho ro, khân păng mâu mra roh rai ôh, jêh ri mâu geh nơm pit sŏk khân păng bơh ti Gâp.

Yôhan 10:7

Pôri, Brah Yêsu lah đŏng: “Nanê̆ ngăn, Gâp lah ngăn ma khân may, Gâp jêng mpông biăp.

Yôhan 10:9

Gâp jêng mpông, tơlah mbu nơm lăp ta Gâp păng mra geh nau tâm rklaih. Khân păng mra lăp luh jêh ri mâp ndrêch gơ̆ nse.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Yôhan 15:1

“Gâp jêng tơm krăk ƀâu ngăn, Mbơ̆ Gâp jêng nơm tăm krăk ƀâu.

Yôhan 18:37

Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Yôhan 5:21

Tâm ban ma Mbơ̆ ƀư ăn phung khĭt dâk rêh tay pônây lĕ Kon ăn đŏng nau rêh ma mbu nơm Kon ŭch kơt nây lĕ.

Yôhan 6:33

Yorlah piăng let Brah Ndu jêng piăng let jŭr tă klơ trôk, ăn nau rêh ma neh ntu.”

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Yôhan 6:57

Tâm ban ma Mbơ̆ nơm gŭ rêh mro mrăng hŏ njuăl Gâp jêh, jêh ri Gâp gŭ rêh yor Păng, pôri lĕ, mbu nơm sa nglay săk Gâp mra rêh yor Gâp.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Yôhan 8:32

Khân may mra gĭt nau ngăn, jêh ri nau ngăn mra rklaih ma khân may.”

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Kôranh Oh Mon 4:12

Mâu hôm geh nau tâm rklaih tâm nơm êng ôh, yorlah tâm dâng trôk mâu geh ôh amoh êng ăn jêh ma kon bunuyh, gay ma he tă bơh nĕ geh nau tâm rklaih.”

Kôranh Oh Mon 9:2

dăn samƀŭt nkoch lor ma phung ngih rƀŭn ta ƀon Đamas, gay ma tơlah tâm mâp mbu moh jêng Bunuyh Nau Chroh, mâu kơp bu ur mâu lah bu klâu, păng mra nhŭp chăp têk leo khân păng ta ƀon Yêrusalem.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

I Kôrintô 15:45

Nâm bu geh nau nchih: “Bunuyh lor lơn jêng Y-Ađam, hŏ plơ̆ jêng bunuyh rêh,” ƀiălah Y-Ađam nglĕ dŭt jêng brah ăn ma nau rêh.

Êphêsô 2:18

Yorlah tă bơh Păng lĕ bar mpôl he dơi văch ta Brah Ndu Mbơ̆ tâm nguay Brah Huêng Ueh.

Kôlôh 2:17

lĕ nau nây knŏng jêng gui n'hâm ma lĕ nau dăch tât, bi rup nanê̆ ngăn jêng Brah Krist.

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

Kôlôh 3:4

Tơlah Brah Krist jêng nau rêh khân may tâm mpơl, dôl nây khân may mra tâm mpơl đŏng ndrel ma Păng tâm nau chrêk rmah.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

ហេឞ្រើ 9:8

Brah Huêng Ueh sŏk nau nây gay ntĭm lah ngih bok tal nguay hôm e, pôri trong hăn lăp ta Ntŭk Dŭt Kloh Ueh ê hŏ pơk ôh.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 2:4

Văch dăch hom ta Păng jêng lŭ rêh, kon bunuyh mƀăr lơi jêh, ƀiălah Brah Ndu săch jêh ri jêng geh nau khlay ngăn.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Yôhan 1:8

Tơlah he lah he nơm mâu geh nau tih ôh, he mƀruh ndơm êng he nơm yơh, jêh ri nau ngăn mâu gŭ tâm he ôh.

I Yôhan 2:23

Mbu nơm mâu dơn Kon, mâu lĕ geh Mbơ̆; mbu nơm mbơh sŏk dơn Kon, geh lĕ Mbơ̆.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

I Yôhan 5:6

Brah Yêsu Krist jêng Nơm văch jêh ma dak jêh ri ma mham, mâu di knŏng ma dak ôh, ƀiălah dak nđâp ma mham.

II Yôhan 1:9

Mbu nơm hăn ngai ir jêh ri mâu gŭ nâp tâm nau nti bơh Brah Krist mâu geh Brah Ndu ôh. Ƀiălah mbu nơm gŭ nâp tâm nau nti aơ, geh Brah Ndu Mbơ̆ jêh ri Brah Ndu Kon.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

Nau Tâm Mpơl 20:15

Mbu nơm mâu geh amoh bu nchih jêh tâm ndrom samƀŭt nau rêh, bu mra klŭp păng tâm nglao ŭnh.

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.

Nau Tâm Mpơl 3:14

“Nchih hom ma tông mpăr Phung Ngih Brah Ndu ta ƀon Laođisê pô aơ: Aơ jêng nau ngơi Nơm Amen, Nơm mbơh nkoch răp jăp jêh ri nanê̆ ngăn, jêng tơm ma nau Brah Ndu rhăk njêng:

Nau Tâm Mpơl 3:7

“Nchih hom ma phung tông mpăr Phung Ngih Brah Ndu ta ƀon Philađelphi: Aơ jêng nau ngơi tă bơh Nơm Kloh Ueh jêh ri Nanê̆ Ngăn, jêng Nơm geh keh khuă Y-Đavit, jêng Nơm pơk mâu hôm geh bunuyh dơi nchăng, Nơm nchăng mâu hôm geh bunuyh dơi pơk: