Yôhan 14:27 - Nau Brah Ndu Ngơi 2023

²⁷ Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Bunong Bible Latin Script Cambodian dialect

²⁷ Gâp du lôh bơh khân may, yơn ma Gâp hôm ăn nau đăp mpăn gŭ ta khân may, Gâp ăn nau đăp mpăn Gâp nơm ma khân may. Nau đăp mpăn Gâp ăn i nây, mâu tâm ban ma nau đăp mpăn bunuyh i mâu nsing ma Gâp ăn. Kơt ndri nuih n'hâm khân may lơi ôh rvê rŭng răng lơi ôh klach.

Bunong

²⁷ គ៝ប់​ទូ​លោស​ឞើស​ខាន់​មៃ យើន​មា​គ៝ប់​ហោម​អ៝ន់​នាវ​ដាប់​មពាន់​គុ​តា​ខាន់​មៃ គ៝ប់​អ៝ន់​នាវ​ដាប់​មពាន់​គ៝ប់​នើម​មា​ខាន់​មៃ។ នាវ​ដាប់​មពាន់​គ៝ប់​អ៝ន់​អី​នៃ មោ​តឹម​ឞាន​មា​នាវ​ដាប់​មពាន់​ឞូនុយ្ស​អី​មោ​ញឆីង​មា​គ៝ប់​អ៝ន់។ កើត​នទ្រី​នូយ្ស​នហ៝ម់​ខាន់​មៃ​លើយ​អោស​រាវៃ​រុង​រាង់​លើយ​អោស​ក្លាច។

Yôhan 14:27 Iomraidhean Croise

II Nau Rêh Jêng 20:30

Pôri, ƀon bri hađăch Jôsaphat gŭ đăp mpăn, yorlah Brah Ndu ăn ma păng tâm nau mpăn rlêk puăn njônh.

Ndrom Samƀŭt bơh Yôp 34:29

Lah Păng gŭ rklăk, mbu nơm dơi phong Păng? Lah Păng pôn muh măt, mbu nơm dơi saơ Păng? Nđâp lah Păng hôm mât uănh ăp phung ndŭl mpôl mâu lah ăp nau rêh bunuyh,

Nau Mprơ Ơm 11:1

Gâp gŭ krap săk jăn ntŭk Brah Yêhôva. Mâm ƀư khân may nănh ntĭm gâp: “Hăn du hom, nâm bu sĭm mpăr sĭt tâm yôk?

Nau Mprơ Ơm 112:7

Păng mâu klach ôh lĕ nau lư mhĭk; Nuih n'hâm păng nâp, rnơm nsing ma Brah Yêhôva.

Nau Mprơ Ơm 27:1

Brah Yêhôva jêng nau ang jêh ri nau tâm rklaih gâp, Ma mbu hôm gâp klach? Brah Yêhôva jêng pôih nâp nau rêh gâp, Ma mbu hôm gâp klach?

Nau Mprơ Ơm 28:3

Lơi ta têk gâp hăn ndrel ma phung janh ktang Mâu lah phung ƀư djơh, Jêng phung ngơi đăp mpăn ma phung chiau meng khân păng, Ƀiălah tâm trôm nuih n'hâm bêng ma nau djơh mhĭk.

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 56:11

Gâp dơm lĕ nau rnơm tâm Brah Ndu, yor nây mâu klach ôh; Kon bunuyh nglay săk moh ndơ mra dơi ƀư ma gâp?

Nau Mprơ Ơm 56:3

Tâm nar klach krit, Gâp mra dơm lĕ nau rnơm tâm May.

Nau Mprơ Ơm 72:2

Păng mra phat dôih phung ƀon lan May ma nau sŏng, Phat dôih ma phung o ach ma nau di.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Nau Mprơ Ơm 85:10

Nau yô̆ nđach jêh ri nau nanê̆ ngăn tâm mâp ndrel jêh; Nau sŏng srăng jêh ri nau đăp mpăn hŏ tâm chŭm jêh.

Nau Mprơ Ơm 91:5

May mâu mra klach ôh ma nau djơh mhĭk dôl măng Mâu lah hăr mpăr dôl nar,

Nau Hôr 3:25

Lơi klach ôh nau krit toyh tât ndal, Mâu lĕ klach nau ƀư rai ma phung mhĭk;

Êsai 12:2

Aơ, Brah Ndu jêng nau tâm rklaih gâp; Gâp mra rnơm nsing jêh ri mâu klach ôh. Yorlah Brah Yêhôva, Brah Yêhôva nơm, jêng nau ktang gâp jêh ri nau mprơ gâp. Păng hŏ jêng jêh nau tâm rklaih gâp.”

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Êsai 57:19

Gâp rhăk njêng nau tâm rnê ta bâr mbung khân păng: ‘Đăp mpăn! Đăp mpăn ma nơm gŭ ngai jêh ri ma phung gŭ dăch!’” Brah Yêhôva lah: “Gâp mra ƀư bah păng.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 1:8

Lơi klach khân păng ôh, Yorlah Gâp gŭ ndrel may gay tâm rklaih may.” Brah Yêhôva lah pônây.

Nau Nhĭm Vơl 3:17

Huêng gâp ngai đah nau đăp mpăn, Mâu hôm kah gĭt mâm nau ueh lăng.

Êsêkiêl 2:6

Ƀiălah hơi kon bunuyh, lơi may klach khân păng ôh jêh ri mâu lĕ klach ma nau khân păng ngơi, nđâp lah rtau lok gŭ jŭm may jêh ri may gŭ tâm nklang ndŭr vơng kđôi lĕ. Lơi ta klach ôh ma nau khân păng ngơi jêh ri klach krit dôl tâm mâp măt đah khân păng yorlah khân păng jêng ngih vay mơng tâm rdâng.

Daniel 4:1

Hađăch Nêbukatnetsar njuăl ma lĕ rngôch phung ƀon lan, phung bri dak, lĕ nau ngơi tâm lam neh ntu: “Nau ueh khân may geh nau đăp mpăn âk râk!

Daniel 6:25

Rnôk nây hađăch Darius nchih samƀŭt ma lĕ rngôch phung ƀon lan, lĕ bri dak, lĕ nau ngơi nau gŭ lam neh ntu: “Ăn nau ueh ma khân may dơi geh nau đăp mpăn âk rmeh!

Sakari 6:13

Păng Nơm ro mra ndâk ngih Brah Yêhôva, păng nơm mra dơi geh nau rnam, gŭ chiă uănh ta klơ sưng hađăch păng, jêh ri ƀư kôranh ƀư brah gŭ klơ sưng hađăch păng; mra geh nau tâm rnglăp ăn đăp mpăn lĕ bar nau kan.’

Nau Kơp Bunuyh 6:26

Dăn ma Brah Yêhôva mêt uănh ma may Jêh ri ăn nau đăp mpăn ma may!’

Mathay 10:26

Pôri, khân may lơi klach ôh khân păng; yorlah mâu geh ôh moh ndơ pôn mo mâu mpơl; mâu geh ôh moh ndơ ndâp mâu ăn bu gĭt.

Luka 1:79

Gay ma sol ang phung bunuyh gŭ tâm ntŭk ngo klĕng jêh ri tâm dâng gui nau khĭt, Jêh ri njŭn leo he chuat lăp trong đăp mpăn.”

Luka 10:5

Tơlah khân may lăp ngih, lor lơn ngơi: ‘Dăn nau đăp mpăn gŭ ma ngih aơ!’

Luka 12:4

Gâp lah ma khân may jêng phung mĭt jiăng Gâp: Lơi klach ôh ma phung nkhĭt săk jăn jêh pakơi nây mâu hôm dơi ƀư đŏng ôh.

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 14:1

“Lơi dĭng ăn nuih n'hâm khân may uh ah ôh. Chroh hom ma Brah Ndu jêh ri chroh hom ma Gâp tâm ban lĕ.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 20:19

Dăch kêng nar nây, nar tal nguay tâm pơh, lĕ mpông ta ntŭk phung oh mon gŭ nchăng lĕ, yor klach ma phung Yuđa. Brah Yêsu văch dâk ta nklang phung khân păng jêh ri lah: “Ăn nau đăp mpăn ma khân may!”

Yôhan 20:21

Brah Yêsu lah đŏng ma khân păng: “Ăn nau đăp mpăn ma khân may! Nâm bu Mbơ̆ hŏ njuăl Gâp, Gâp njuăl đŏng khân may kơt nây lĕ.”

Yôhan 20:26

Pham nar pakơi, phung oh mon rgum đŏng tâm ngih, geh Y-Thômas lĕ gŭ ndrel ma khân păng nđâp tơlah mpông hôm nchăng, Brah Yêsu văch dâk ta nklang khân păng jêh ri lah: “Ăn nau đăp mpăn ma khân may!”

Kôranh Oh Mon 10:36

Brah Ndu hŏ njuăl nau ngơi tât ma phung kon Israel, mbơh nkoch ma Nau Mhe Mhan Ueh đăp mpăn tă bơh Brah Yêsu Krist, jêng Kôranh Brah ma lĕ rngôch bunuyh.

Kôranh Oh Mon 18:9

Dôl măng, Kôranh Brah lah ma Y-Pôl tâm nau tâm saơ: “Lơi klach ôh! Ƀiălah ngơi hom jêh ri lơi gŭ rklăk ôh;

Samƀŭt Pôl Njuăl Ăn Ma Phung Nsing Ta Ƀon Rôm 1:7

Gâp dăn njuăl ma lĕ rngôch phung Brah Ndu rŏng tâm ƀon Rôm, phung Brah Ndu kuăl jêh ăn jêng phung kloh ueh. Dăn Brah Ndu, Mbơ̆ he, jêh ri Kôranh Brah jêng Kôranh Yêsu Krist ăn ma nau yô̆ jêh ri nau đăp mpăn ma khân ay may.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 5:1

Pôri, nôk dơi kơp sŏng srăng ma nau chroh, he geh nau đăp mpăn đah Brah Ndu tâm Kôranh Brah he jêng Brah Yêsu Krist.

Samƀŭt Pôl Njuăl Ăn Ma Phung Nsing Ta Ƀon Rôm 5:10

Yorlah tơlah dôl he jêng bunuyh tâm rdâng đah Brah Ndu, ƀiălah yor ma nau khĭt Kon Păng, he hôm dơi geh tâm rnglăp đah Brah Ndu, pôri rlau lơn ma nar aơ hŏ geh nau tâm rnglăp jêh, he lơ hô dơi tâm rklaih yor nau rêh Kon Păng.

Samƀŭt Pôl Njuăl Ăn Ma Phung Nsing Ta Ƀon Rôm 8:6

Yor nau mĭn ŭch tĭng nglay săk jêng nau khĭt, ƀiălah mĭn ŭch tĭng Brah Huêng Ueh jêng nau rêh jêh ri nau đăp mpăn;

I Kôrintô 1:3

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn nau yô̆ jêh ri nau đăp mpăn ma khân may.

Galati 1:3

Mbơh sơm dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn ma nau yô̆ jêh ri nau đăp mpăn ma khân may.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 6:16

Dăn nau đăp mpăn jêh ri nau yô̆ nđach jŭr ma lĕ rngôch mbu nơm ƀư tĭng nau vay nây, jêh ri ta phung Israel Brah Ndu đŏng!

Philip 4:7

Nau đăp mpăn Brah Ndu, rlau lơn ma lĕ rngôch nau blau mĭn, mra mât mray nuih n'hâm jêh ri nau mĭn khân may tâm Brah Yêsu Krist.

Kôlôh 1:2

njuăl ma phung kloh ueh jêh ri ma phung oh nâu răp jăp tâm Brah Krist tâm ƀon Kôlôs: Dăn Brah Ndu, Mbơ̆ he, ăn nau yô̆ jêh ri nau đăp mpăn ma khân may.

Kôlôh 1:20

Jêh ri ma mham Păng hoch jêh ta si tâm rkăng, Brah Ndu ăn nau đăp mpăn jêh ri tâm njĭr lĕ rngôch mpa ta neh ntu jêh ri tâm trôk ăn tâm rnglăp đah Păng Nơm.

Kôlôh 3:15

Ăn hom nau đăp mpăn bơh Brah Krist chiă uănh tâm nuih n'hâm khân may, jêng nau đăp mpăn khân may hŏ dơi kuăl tât tâm du săk jăn, jêh ri mpơl hom nuih n'hâm gĭt lah ueh.

II Têsalônik 1:2

Dăn Brah Ndu, Mbơ̆ he, jêh ri Kôranh Brah jêng Brah Yêsu Krist ăn nau yô̆ jêh ri nau đăp mpăn ma khân may!

II Têsalônik 3:16

Mbơh sơm dăn Kôranh Brah nau đăp mpăn ăn nau đăp mpăn ma khân may ƀaƀơ jêh ri tâm lĕ rngôch nau! Dăn Kôranh Brah gŭ ndrel ma lĕ rngôch khân may!

II Timôthê 1:7

yorlah Brah Ndu mâu ăn ôh ma he nuih n'hâm klach, ƀiălah nuih n'hâm janh, geh nau rŏng jêh ri blau mât njrăng săk.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

ហេឞ្រើ 7:2

Y-Abraham sŏk jêh du kô̆ tâm jât bơh lĕ rngôch drăp ndơ păng nơm geh gay nhhơr ma hađăch. Amoh hađăch nây, lor lơn geh ntĭt jêng “hađăch nau sŏng srăng”, jêh ri ăt jêng hađăch ma ƀon Salem, nâm bu ntĭt “hađăch nau đăp mpăn”.

Nau Tâm Mpơl 1:4

Y-Yôhan nchih samƀŭt njuăl ma phung pơh Phung Ngih Brah Ndu tâm n'gor Asi: Dăn ăn ma khân may dơn nau yô̆ jêh ri nau đăp mpăn tă bơh NƠM AɃAƠ AƠ, HŎ GEH JÊH RI DÔL VĂCH, tă bơh pơh Huêng gŭ panăp sưng hađăch Păng,

Nau Tâm Mpơl 2:10

May lơi klach ôh ma lĕ nau rêh ni may bơi dơn. Aơ, brah mhĭk dăch mƀăr ƀaƀă tâm phung khân may ăn tâm ndrung gay rlong uănh khân may; jêh ri khân may mra geh nau rêh ni tâm jât nar. Gŭ răp jăp hom tât khĭt, jêh ri Gâp mra ăn ma may đon hađăch nau rêh.’

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”