Yôhan 14:26 - Nau Brah Ndu Ngơi 2023

²⁶ Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Bunong Bible Latin Script Cambodian dialect

²⁶ Yơn ma Brah Huêng Ueh i kloh ueh i Nơm kơl bunuyh i nsing nây, Bơ̆ de njuăl ma sơm ntang Gâp, Păng mra ntŭm nti dâng lĕ nau ăn ma khân may, n'ho ma nkah dâng lĕ nau Gâp lĕ mbơh ma khân may nơh, ăn khân may kah gĭt.

Bunong

²⁶ យើន​មា​ឞ្រាស​ហ្វេង​អ្វែស​អី​ក្ល៝ស​អ្វែស​អី​នើម​កើល​ឞូនុយ្ស​អី​ញឆីង​នៃ ឞឹ​ទែ​ញជ្វាល់​មា​ឆើម​នតាង​គ៝ប់ ពាង់​មរា​នតុម​នតី​ទឹង​លែៈ​នាវ​អ៝ន់​មា​ខាន់​មៃ នហ៝​មា​ងកាស​ទឹង​លែៈ​នាវ​គ៝ប់​លែៈ​មឞើស​មា​ខាន់​មៃ​នើស អ៝ន់​ខាន់​មៃ​កាស​គឹត។

Yôhan 14:26 Iomraidhean Croise

Nau Mprơ Ơm 51:11

Lơi ta chalơi gâp bơh muh măt May Lơi sŏk sĭt Brah Huêng Ueh May bơh gâp.

Êsai 54:13

Brah Yêhôva mra sâm nti lĕ rngôch phung kon may, Jêh ri khân păng mra geh nau đăp mpăn ngăn.

Êsai 63:10

Ƀiălah khân păng hŏ tâm rdâng Jêh ri ƀư rngot jêh Brah Huêng Ueh Păng; Yor nây, Păng plơ̆ jêng nơm rlăng đah khân păng, Păng nơm yơh tâm lơh đah khân păng.

Mathay 1:18

Nau jŭr deh Brah Yêsu Krist hŏ nkoch kơt aơ: H'Mari, mê̆ Păng, hŏ ƀư ndrôi jêh đah Y-Yôsep, ƀiălah êlor khân păng gŭ ndrel păng ntreo ma Brah Huêng Ueh.

Mathay 1:20

Dôl nôk Y-Yôsep gŭ mĭn nau nây geh du huê tông mpăr Kôranh Brah mpơl ma păng tâm nau mbơi jêh ri lah pô aơ: “Hơi Y-Yôsep, kon sau Y-Đavit, lơi may klach ôh sŏk H'Mari jêng ur may, yorlah kon păng ntreo tă bơh Brah Huêng Ueh yơh ăn.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Markôs 12:36

Brah Huêng Ueh nơm yơh nsŭk nsôr Y-Đavit lah pô aơ: ‘Kôranh Brah lah ma Kôranh Brah gâp: Gŭ hom mpeh pa ma Gâp, Tât nôk Gâp dơm phung rlăng May tâm dâng jâng May.’

Markôs 13:11

Tơlah bu jao khân may ma nau phat dôih, lơi rvê lor ma nau khân may mra ngơi, ƀiălah ta mông nây, ngơi hom tĭng nau ngơi mra ăn ma khân may; yorlah mâu di khân may mra ngơi ôh, ƀiălah Brah Huêng Ueh yơh.

Luka 1:15

Yorlah kon se jê̆ nây mra dơi yơk tanăp Kôranh Brah, mâu nhêt ndrănh krăk ƀâu mâu lah dak ndơ nhêt geh ndrui, jêh ri mra dơi bêng ma Brah Huêng Ueh ntơm bơh hôm tâm ndŭl mê̆.

Luka 1:35

Tông mpăr plơ̆ lah: “Brah Huêng Ueh mra gŭ ta klơ ay, jêh ri nau brah tă bơh Nơm Dŭt Prêh mra nkŭm nkâm ay; yor nây nau jŭr deh kon kloh ueh bu mra kuăl jêng Kon Brah Ndu.

Luka 1:41

H'Êlisabet mhe tăng nau H'Mari mbah, kon tâm ndŭl mpât ro. H'Êlisabet dơi bêng ma Brah Huêng Ueh;

Luka 1:67

Y-Sakari, mbơ̆ kon se jê̆ nây, dơi bêng ma Brah Huêng Ueh, mbơh lor pô aơ:

Luka 11:13

Kơt nây, tơlah khân may jêng bunuyh mhĭk hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ gŭ klơ trôk mâu mra ăn Brah Huêng Ueh ma mbu nơm dăn ma Păng!”

Luka 2:25

Nôk nây, ta ƀon Yêrusalem geh du huê bunuyh sŏng srăng jêh ri gŭ sŏng, amoh păng Y-Simêôn. Păng kâp gân nau bonh leng phung Israel, jêh ri Brah Huêng Ueh gŭ ta klơ păng.

Luka 24:49

bi ma khân may, gŭ kâp hom tâm ƀon tât khân may dơi nsoh jêh nau brah tă bơh klơ.”

Luka 3:22

jêh ri Brah Huêng Ueh jŭr tâm rup tâm ban ma sĭm plŭk drâm klơ Păng; jêh ri geh bâr ngơi tă bơh trôk lah: “Kon jêng Kon Gâp rŏng ngăn ngên, Gâp geh nau maak ngăn.”

Yôhan 1:33

Gâp mâu gĭt năl Păng, ƀiălah Nơm njuăl gâp ƀư ƀaptem ma dak hŏ lah jêh ma gâp: ‘Nơm may mra saơ Brah Huêng Ueh jŭr drâm klơ, nây jêng Nơm ƀư ƀaptem ma Brah Huêng Ueh.’

Yôhan 12:16

Bơh ntơm saơm dơh, phung oh mon mâu gĭt rbăng ôh nau nây, ƀiălah jêh Brah Yêsu hŏ dơn nau tâm rnê, nôk nây khân păng kah gĭt tay lĕ nau bu nchih ma Păng jêh ri nau bu hŏ ƀư ma Păng.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 14:25

Gâp lah lĕ nau aơ ma khân may dôl Gâp gŭ ndrel ma khân may.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 2:22

Pôri, nôk Păng dâk rêh tay tă bơh nau khĭt, phung oh mon kah gĭt Păng lah jêh nau aơ, khân păng chroh Nau Brah Ndu Ngơi jêh ri nau Brah Yêsu hŏ lah jêh.

Yôhan 20:22

Jêh lah nau nây, Păng khôm n'hâm ma khân păng jêh ri lah: “Dơn hom Brah Huêng Ueh.

Yôhan 6:45

Lĕ ndrom samƀŭt mbơh lor geh nchih: ‘Lĕ phung nây Brah Ndu hŏ ntĭm nti da dê.’ Mbu nơm hŏ iăt jêh ri nti ta Mbơ̆ mra văch ma Gâp.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

Kôranh Oh Mon 1:4

Tâm nôk Păng mâp ndrel ma phung kôranh oh mon, Păng ntĭnh ma khân păng: “Lơi luh du tă bơh ƀon Yêrusalem, ƀiălah gŭ kâp ta nây, gŭ kâp ma nau Mbơ̆ hŏ ton jêh, jêng nau khân may hŏ tăng jêh Gâp lah.

Kôranh Oh Mon 1:8

Ƀiălah tơlah Brah Huêng Ueh jŭr ta khân may, khân may mra sŏk dơn nau brah jêh ri mra jêng phung mbơh nkoch an Gâp ta ƀon Yêrusalem, lĕ n'gor Yuđa, n'gor Samari kŏ tât dŭt rplay neh.”

Kôranh Oh Mon 11:16

Jêh ri gâp kah gĭt tay nau Kôranh Brah lah jêh: ‘Y-Yôhan-Ƀaptist hŏ ƀư jêh ƀaptem ma dak, ƀiălah khân may mra dơn nau ƀaptem ma Brah Huêng Ueh.’

Kôranh Oh Mon 13:2

Dôl khân păng yơk mbah ma Kôranh Brah jêh ri ât sông sa, Brah Huêng Ueh lah: “Prăp êng hom Y-Ƀarnaƀas jêh ri Y-Sôl ma kan Gâp hŏ kuăl khân păng.”

Kôranh Oh Mon 13:4

Pôri Brah Huêng Ueh njuăl hăn, Y-Sôl ndrel ma Y-Ƀarnaƀas jŭr ta ƀon Sêlusi, tă bơh nây khân păng ncho kumpăn hăn ta kôdak Syprơ.

Kôranh Oh Mon 15:28

Yorlah Brah Huêng Ueh jêh ri hên hŏ dơn jêh, mâu dơm ntop nau jâk jêr ma khân may ôh, knŏng lĕ nau khlay aơ:

Kôranh Oh Mon 15:8

Brah Ndu jêng Nơm dơi gĭt nuih n'hâm ma lĕ rngôch bunuyh, hŏ mpơl Păng Nơm dơn phung bu năch dôl ăn Brah Huêng Ueh ma khân păng tâm ban ma he.

Kôranh Oh Mon 16:6

Khân păng hăn rgăn lam n'gor Phriji jêh ri n'gor Galati, yorlah Brah Huêng Ueh buay jêh khân păng mbơh Nau Brah Ndu Ngơi tâm n'gor Asi.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Kôranh Oh Mon 28:25

Yor nây, khân păng mâu geh du ai jêh ri du sĭt, Y-Pôl ngơi tay nau aơ: “Brah Huêng Ueh hŏ ntăm jêh nanê̆ di ngăn, nôk Păng dŏng nơm mbơh lor Y-Êsai lah ma phung chô yau pô aơ:

Kôranh Oh Mon 5:3

Y-Pêtrôs lah: “Hơi Y-Ananias! Mâm ƀư ăn Satan bêng tâm nuih n'hâm may, kŏ tât may ngơi mƀruh Brah Huêng Ueh gay prăp tay du kô̆ rnoh prăk tăch neh nây?

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Kôranh Oh Mon 7:55

Ƀiălah Y-Êtiên, bêng ma Brah Huêng Ueh, n'gơr uănh ta klơ trôk, saơ nau chrêk rmah Brah Ndu jêh ri Brah Yêsu gŭ dâk pa ma Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 14:17

Yorlah ƀon bri hađăch Brah Ndu mâu di jêng nau sông sa nhêt ôh, ƀiălah jêng nau sŏng srăng, nau đăp mpăn, nau răm maak tâm Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 15:13

Mbơh sơm dăn ma Brah Ndu jêng tu kâp gân ƀư ma khân may bêng ler nau răm maak jêh ri nau đăp mpăn tâm nau chroh, gay ma nau brah Brah Huêng Ueh, khân may geh nau rmeh ler tâm nau kâp gân.

Samƀŭt Pôl Njuăl Ăn Ma Phung Nsing Ta Ƀon Rôm 15:16

gay ma jêng oh mon Brah Yêsu Krist ta nklang phung bu năch, ƀư nau kan ndơ ƀư brah ma Nau Mhe Mhan Ueh Brah Ndu, gay ma phung bu năch plơ̆ jêng ndơ nhhơr ueh nuih n'hâm Kôranh Brah, dơi ƀư kloh ueh tă bơh Brah Huêng Ueh.

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

I Kôrintô 12:3

Yor ri, gâp ŭch ma khân may gĭt rbăng, mâu geh du huê bunuyh geh nau ntĭm tă bơh Brah Huêng Ueh Brah Ndu jêh ri lŏ lah: “Brah Yêsu khư rak rtăp!” Tơlah Brah Huêng Ueh mâu ntĭm, mâu đŏng geh nơm mbơh “Brah Yêsu jêng Kôranh Brah!”

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

II Kôrintô 6:6

tâm nau kloh rsang, nau gĭt rbăng, nau srôih, nau ueh, tâm Brah Huêng Ueh, tâm nau rŏng răp jăp,

Êphêsô 1:13

Tâm Păng, khân may jêng phung tăng jêh nau ngơi ngăn, jêng Nau Mhe Mhan Ueh ma nau tâm rklaih khân may. Tâm Păng đŏng, khân may chroh jêh, jêh ri tâp pŏng jêh ma Brah Huêng Ueh nâm bu nau ton.

Êphêsô 1:17

Gâp vơl dăn ma Brah Ndu Kôranh Brah he jêng Brah Yêsu Krist, jêng Mbơ̆ nau chrêk rmah, ăn ma khân may huêng nau blau mĭn jêh ri nau tâm mpơl, gay khân may gĭt năl Păng.

Êphêsô 4:30

Khân may lơi ƀư rngot Brah Huêng Ueh Brah Ndu; yor tâm Păng, khân may geh nau tâp pŏng tât ma nar tâm chuai.

I Têsalônik 4:8

Yor ri, mbu nơm dun nau hên ngơi, mâu di dun kon bunuyh ôh, ƀiălah jêng dun Brah Ndu, Nơm ăn jêh Brah Huêng Ueh Păng ma khân may.

II Timôthê 1:14

Rnơm hom Brah Huêng Ueh, Nơm dôl gŭ tâm he, gay ma djôt prăp ndơ ueh jao jêh ma may.

Titus 3:5

mâu di ôh yor kan sŏng he hŏ ƀư jêh, ƀiălah yor nuih n'hâm yô̆ nđach bơh Păng, tâm nau ƀư kloh bơh nau deh mhe jêh ri nau rgâl mhe bơh Brah Huêng Ueh,

ហេឞ្រើ 10:15

Brah Huêng Ueh mbơh lĕ ma he tâm ban pônây; yorlah jêh păng lah:

ហេឞ្រើ 2:4

Brah Ndu mbơh nkoch đŏng ma nau mbên khlay, nau khlay jêh ri lĕ nau brah nđâp ma lĕ nau dơi ăn bơh Brah Huêng Ueh, pă jêh tĭng nâm Păng ŭch.

ហេឞ្រើ 3:7

Yor nây, nâm bu Brah Huêng Ueh lah: “Nar aơ tơlah khân may tăng bâr Păng,

ហេឞ្រើ 9:8

Brah Huêng Ueh sŏk nau nây gay ntĭm lah ngih bok tal nguay hôm e, pôri trong hăn lăp ta Ntŭk Dŭt Kloh Ueh ê hŏ pơk ôh.

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

II Pêtrôs 1:21

yorlah mâu geh du ntil nau mbơh lor luh tă bơh bunuyh mĭn, ƀiălah Brah Huêng Ueh sŭk nsôr khân păng ngơi nau luh bơh Brah Ndu.

I Yôhan 2:20

Ƀiălah khân may sŏk dơn jêh nau tŏ dak ƀâu kah tă bơh Nơm Kloh Ueh, jêh ri lĕ rngôch khân may geh jêh nau gĭt rbăng.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 5:7

Brah Huêng Ueh yơh mbơh nkoch, yorlah Brah Huêng Ueh jêng nau ngăn.

Yuđas 1:20

Hơi phung gâp rŏng, ndâk njêng hom khân may nơm ma nau chroh dŭt kloh ueh khân may. Mbơh sơm hom tâm Brah Huêng Ueh.

Nau Tâm Mpơl 2:11

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm dơi mâu mra geh nau mhĭk tă bơh nau khĭt rơh bar ôh.’ ”