Yôhan 14:23 - Nau Brah Ndu Ngơi 2023

²³ Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Bunong Bible Latin Script Cambodian dialect

²³ Brah Yêsu lah: “Lah bu moh rŏng ma Gâp, păng i nây jan tâng nau Gâp ngơi, Bơ̆ Gâp rŏng ma păng i nây đŏng. Jêh ri Bơ̆ Gâp, ndrel ma Gâp hăn ta păng, n'ho ma gŭ ndrel ta păng.

Bunong

²³ ឞ្រាស​យេឆូ  ​លាស៖ “លាស​ឞូ​ម៝ស​រ៝ង់​មា​គ៝ប់ ពាង់​អី​នៃ​ជាន​តឹង​នាវ​គ៝ប់​ងើយ ឞឹ​គ៝ប់​រ៝ង់​មា​ពាង់​អី​នៃ​ដ៝ង់។ ជេសរី​ឞឹ​គ៝ប់ នទ្រែល​មា​គ៝ប់​ហាន់​តា​ពាង់ នហ៝​មា​គុ​នទ្រែល​តា​ពាង់។

Yôhan 14:23 Iomraidhean Croise

Nau Ntơm 1:26

Brah Ndu lah: “Ăn He njêng bunuyh tĭng nâm rup He jêh ri tâm ban ma He Nơm, gay ăn khân păng chiă uănh lĕ ntil ka tâm dak mƀŭt, lĕ ntil sĭm klơ trôk, lĕ ntil mpô mpa rong, jêh ri lam neh, ndrel ma lĕ rngôch ntil mpa vơr ta neh.”

Nau Ntơm 11:7

Găp jêh! Ăn He jŭr hom, ƀư tâm rlŭk nau ngơi khân păng, gay ma khân păng mâu dơi gĭt rbăng nau ngơi ndrăng khân păng nơm.”

Nau Mprơ Ơm 90:1

Ơ Kôranh Brah, bơh rnôk aơ tât rnôk ri, May njêng jêh ntŭk hên gŭ.

Nau Mprơ Ơm 91:1

Mbu nơm gŭ tâm ntŭk ndâp Nơm Dŭt Prêh. Mra dơi gŭ tâm dâng gui Nơm Geh Lĕ Nau Brah.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Yôhan 10:30

Gâp đah Mbơ̆ jêng nguay.”

Yôhan 14:15

“Lah khân may rŏng ma Gâp, khân may mra djôt prăp lĕ nau vay Gâp.

Yôhan 14:17

nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Yôhan 14:21

Mbu nơm geh nau vay Gâp jêh ri djôt prăp, nơm nây yơh rŏng ma Gâp. Mbu nơm rŏng ma Gâp Mbơ̆ Gâp mra rŏng ma păng, Gâp mra rŏng ma păng lĕ, jêh ri tâm mpơl Gâp nơm ma păng.”

Yôhan 14:24

Mbu nơm mâu rŏng ma Gâp, mâu djôt prăp nau Gâp ngơi ôh. Lĕ nau khân may gŭ iăt aƀaơ aơ, mâu di nau Gâp nti ôh, ƀiălah jêng nau Mbơ̆ nti jêng Nơm hŏ njuăl Gâp văch.

Yôhan 15:10

Lah khân may djôt prăp nau Gâp ntăm, khân may mra gŭ tâm nau Gâp rŏng, tâm ban ma Gâp djôt prăp nau Mbơ̆ Gâp ntăm jêh ri Gâp gŭ tâm nau rŏng Păng.

Yôhan 16:27

yorlah Mbơ̆ nơm rŏng ma khân may, yor khân may rŏng jêh ma Gâp jêh ri hŏ chroh jêh pô aơ Gâp luh tă bơh Mbơ̆.

Yôhan 6:56

Mbu nơm sa nglay săk Gâp jêh ri nhêt dak mham Gâp ri mơ gŭ tâm Gâp, jêh ri Gâp gŭ tâm bunuyh nây.

Yôhan 8:51

Nanê̆ ngăn, Gâp lah ngăn ma khân may, mbu nơm djôt prăp nau Gâp ngơi, păng mâu mra mâp nau khĭt ôh.”

Yôhan 8:52

Phung Yuđa lah: “Aƀaơ aơ, hên gĭt rah vah jêh Nơm nti geh brah mhĭk lơh. Y-Abraham lĕ khĭt jêh, phung nơm mbơh lor hŏ khĭt tâm ban lĕ; ƀiălah May lah: ‘Lah mbu moh djôt prăp nau Gâp ngơi mâu mra mâp ma nau khĭt ôh.’

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

I Yôhan 2:24

Mpeh khân may, djôt prăp hom nau khân may tăng jêh ntơm bơh saơm gŭ tâm khân may. Tơlah nau khân may tăng jêh ntơm bơh saơm gŭ tâm khân may ƀaƀơ, khân may mra gŭ tâm Kon jêh ri tâm Mbơ̆.

I Yôhan 2:5

Ƀiălah mbu nơm tông djôt prăp nau Păng ngơi, nau Brah Ndu rŏng jêng rah vah ngăn tâm bunuyh nây. Ma nau nĕ yơh he gĭt, he nơm gŭ tâm Păng.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Yôhan 5:3

He rŏng ma Brah Ndu nâm bu ntĭt he tông prăp lĕ nau vay Păng ntăm; nau vay Păng ntăm mâu jâk jêr ôh.

II Yôhan 1:6

Nau rŏng nây jêng he chuat tĭng lĕ nau vay Păng ntăm. Aơ jêng nau vay ntăm khân may hŏ tăng jêh ntơm bơh saơm, gay chuat tĭng nau nĕ.

Nau Tâm Mpơl 21:22

Gâp mâu saơ ngih brah tâm ƀon nây, yorlah Kôranh Brah jêng Brah Ndu Geh Lĕ Nau Brah jêh ri Kon Biăp jêng ngih brah ma ƀon.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 22:3

Mâu mra hôm geh nau rak rtăp. Sưng hađăch Brah Ndu jêh ri Kon Biăp mra gŭ tâm ƀon nây, jêh ri phung oh mon Păng mra pah kan ma Păng.