Yôhan 14:17 - Nau Brah Ndu Ngơi 2023

¹⁷ nâm bu ntĭt Brah Nau Ngăn, ƀiălah neh ntu aơ mâu dơi dơn ôh, yorlah mâu gĭt saơ jêh ri mâu gĭt năl Păng. Ƀiălah khân may gĭt năl Păng yorlah Păng gŭ ndrel ma khân may, jêh ri mra gŭ tâm khân may.

Bunong Bible Latin Script Cambodian dialect

¹⁷ Păng i nây Brah Huêng Ueh, Păng leo khân may ta nau nti ngăn. Bunuyh i mâu nsing ma Gâp mâu ôh vơt dơn Păng, yorlah khân păng uănh Păng mâu say, ndrel ma mâu gĭt năl Păng đŏng. Yơn ma khân may lĕ gĭt năl Păng, Păng gŭ rêh ndrel khân may, jêh ri mra gŭ ta khân may.

Bunong

¹⁷ ពាង់​អី​នៃ​ឞ្រាស​ហ្វេង​អ្វែស ពាង់​លែវ​ខាន់​មៃ​តា​នាវ​នតី​ងាន់។ ឞូនុយ្ស​អី​មោ​ញឆីង​មា​គ៝ប់​មោ​អោស​វើត​ទើន​ពាង់ យ៝រ​លាស​ខាន់​ពាង់​អ្វាញ់​ពាង់​មោ​ឆៃ នទ្រែល​មា​មោ​គឹត​នាល់​ពាង់​ដ៝ង់។ យើន​មា​ខាន់​មៃ​លែៈ​គឹត​នាល់​ពាង់ ពាង់​គុ​រេស​នទ្រែល​ខាន់​មៃ ជេសរី​មរា​គុ​តា​ខាន់​មៃ។

Yôhan 14:17 Iomraidhean Croise

Nau Hôr 14:10

Nau rngot tâm nuih n'hâm knŏng nuih n'hâm păng nơm gĭt. Nau maak tâm nâm nuih n'hâm mâm dơi tâm pă đah phung êng.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 59:21

Brah Yêhôva lah: “Bi Gâp be, aơ jêng nau tâm rnglăp Gâp ƀư đah khân păng: ‘Brah Huêng Ueh Gâp gŭ ta klơ khân may, jêh ri lĕ nau Gâp ngơi hŏ dơm jêh tâm trôm mbung khân may mâu mra du bơh trôm mbung khân may ôh, tâm trôm mbung phung noi deh khân may, jêh ri tâm trôm mbung phung sau khân may, ntơm bơh aƀaơ tât ta n'ho ro!’ ” Brah Yêhôva lah kơt nĕ.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Mathay 10:20

Yorlah mâu di khân may nơm ngơi ôh, ƀiălah Brah Huêng Ueh Mbơ̆ khân may mra ngơi an khân may.

Yôhan 14:16

Gâp mra dăn ma Mbơ̆, Păng mra ăn ma khân may du huê Nơm Bonh Leng êng gŭ ndrel ma khân may n'ho ro,

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 16:13

Nôk Brah Nau Ngăn tât, Păng mra njŭn khân may tâm lĕ rngôch nau ngăn; yorlah Păng mâu mra ngơi êng tă bơh Păng nơm ôh, ƀiălah mra mbơh lĕ rngôch đơ nau Păng nơm tăng, jêh ri mbơh ma khân may moh nau mra tât.

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

I Kôrintô 14:15

Lah ndrĭ moh gâp mra ƀư? Gâp mra mbơh sơm tâm nuih n'hâm, ƀiălah mbơh sơm ma nau mĭn lĕ; gâp mra mprơ ma nuih n'hâm, ƀiălah mprơ đŏng ma nau mĭn.

I Kôrintô 2:14

Bunuyh mâu geh Brah Huêng Ueh, mâu dơi sŏk dơn lĕ nau tă bơh Brah Huêng Ueh Brah Ndu ôh, yorlah bunuyh nây uănh lĕ nau nây jêng nau brŭt ndrăng jêh ri mâu dơi gĭt vât ôh, yorlah sek uănh tĭng nau rêh huêng.

I Kôrintô 3:16

Khân may mâu gĭt hĕ khân may jêng ngih ma Brah Ndu, jêh ri Brah Huêng Ueh Brah Ndu gŭ tâm khân may?

I Kôrintô 6:19

Khân may mâu gĭt hĕ săk jăn khân may jêng ngih brah Brah Huêng Ueh dôl gŭ jêh tâm khân may. Di lĕ Nơm Brah Ndu hŏ ăn ma khân may? Khân may mâu hôm jêng ndơ khân may nơm ôh,

II Kôrintô 13:5

Rlong uănh ôp sek hom khân may nơm gay uănh gĭt khân may hôm gŭ tâm nau chroh mâu lah mâu! Rlong uănh hom khân may nơm. Khân may mâu gĭt hĕ ma Brah Yêsu Krist gŭ tâm khân may? Klach lah khân may mâu tât keh tâm nal.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Êphêsô 2:22

Tâm Păng yơh, khân may dơi ndâk njêng ndrel đah ngih nây, gay jêng ntŭk gŭ ma Brah Ndu tâm Brah Huêng Ueh.

Êphêsô 3:17

jêh ri bơh nau chroh, Brah Krist gŭ tâm nuih n'hâm khân may. Gâp mbơh sơm đŏng gay ma khân may hon reh jêh ri nâp tâm nau rŏng;

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

II Timôthê 1:14

Rnơm hom Brah Huêng Ueh, Nơm dôl gŭ tâm he, gay ma djôt prăp ndơ ueh jao jêh ma may.

I Yôhan 2:27

Mpeh khân may, nau tŏ dak ƀâu kah khân may sŏk dơn jêh bơh Păng gŭ tâm khân may, jêh ri khân may mâu hôm ŭch ôh bu nti ma khân may. Yorlah nau Păng tŏ dak ƀâu kah nti ma khân may lĕ rngôch nau, jêh ri nau tŏ dak ƀâu kah nây jêng nau nanê̆ ngăn, mâu di mƀruh ndơm ôh; ăn gŭ hom tâm Păng, nâm bu nau tŏ dak ƀâu kah nây nti jêh ma khân may.

I Yôhan 3:24

Mbu nơm tông prăp lĕ nau vay Brah Ndu ntăm gŭ tâm Păng, jêh ri Păng gŭ tâm bunuyh nây. He gĭt năl Păng gŭ tâm he ma Brah Huêng Ueh, Păng ăn jêh ma he.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Yôhan 4:6

He jêng phung Brah Ndu. Mbu nơm gĭt năl Brah Ndu gŭ iăt nau he, bi mbu nơm mâu jêng phung Brah Ndu mâu iăt nau he ôh. Ma nau nĕ, he gĭt năl brah huêng nau ngăn jêh ri huêng brah nau vĭ vĭr.

I Yôhan 5:7

Brah Huêng Ueh yơh mbơh nkoch, yorlah Brah Huêng Ueh jêng nau ngăn.

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”