Yôhan 14:12 - Nau Brah Ndu Ngơi 2023

¹² Nanê̆, Gâp lah ngăn ma khân may, mbu nơm chroh ma Gâp mra ƀư tâm ban lĕ kan Gâp hŏ ƀư jêh, jêh ri păng mra ƀư lĕ kan toyh lơn, yorlah Gâp hăn plơ̆ sĭt ta Mbơ̆.

Bunong Bible Latin Script Cambodian dialect

¹² Gâp lah n'hêl nanê̆ ngăn ma khân may, bu moh nsing ma Gâp, moh kar Gâp jan, păng jan đŏng, jêh ri păng jan kar kuŏng rlau i nây jât, yorlah Gâp sât ta Bơ̆ Gâp.

Bunong

¹² គ៝ប់​លាស​នហេល​នានេៈ​ងាន់​មា​ខាន់​មៃ ឞូ​ម៝ស​ញឆីង​មា​គ៝ប់ ម៝ស​ការ​គ៝ប់​ជាន ពាង់​ជាន​ដ៝ង់ ជេសរី​ពាង់​ជាន​ការ​ក្វ៝ង់​រាលាវ​អី​នៃ​ជឹត យ៝រ​លាស​គ៝ប់​ឆឹត​តា​ឞឹ​គ៝ប់។

Yôhan 14:12 Iomraidhean Croise

Mathay 21:21

Brah Yêsu plơ̆ lah: “Nanê̆, Gâp mbơh ma khân may, tơlah khân may geh nau chroh jêh ri mâu đing ôh, ri mơ mâu knŏng khân may dơi ƀư nau Gâp hŏ ƀư jêh ma tơm rvi ôh, ƀiălah nđâp ma khân may dơi lah ma yôk aơ: ‘Pư hom bơh ntŭk aơ jêh ri nsăt tâm dak mƀŭt’ nau nây mra tât geh ro.

Markôs 11:13

Uănh bơh ngai, Păng saơ du tơm rvi geh âk n'ha, pôri păng văch uănh moh ndơ geh tâm tơm play nây. Ƀiălah dôl văch dăch, Păng mâu saơ play ôh knŏng n'ha dơm, yorlah nôk nây ê hŏ tât yan tơm rvi geh play.

Markôs 16:17

Phung bunuyh chroh mra dơi geh nau tâm mbên khlay hăn ndrel: Khân păng mra sŏk amoh Gâp gay mprơh brah mhĭk; mra ngơi lĕ nau ngơi mhe;

Yôhan 14:28

Khân may iăt nau Gâp lah jêh: ‘Gâp hăn, jêh ri Gâp mra plơ̆ đŏng ma khân may.’ Lah khân may rŏng ma Gâp, khân may mra răm maak, yor nau Gâp hăn sĭt ma Mbơ̆, yorlah Mbơ̆ toyh lơn ma Gâp.

Yôhan 16:7

Nđâp lah pônây, Gâp lah ngăn ma khân may: Gâp du sĭt jêng khlay lơn ma khân may. Lah Gâp mâu du sĭt, Nơm Bonh Leng mâu mra văch ma khân may ôh. Ƀiălah lah Gâp sĭt, Gâp mra njuăl Păng ma khân may.

Yôhan 4:37

Ta ntŭk nây, nau bu lah: ‘Bunuyh aơ tuch, nơm ri rek,’ jêng di ngăn.

Yôhan 5:20

Yorlah Mbơ̆ rŏng ma Kon jêh ri, tâm mpơl ma Kon lĕ kan Mbơ̆ hŏ ƀư. Mbơ̆ mra hôm tâm mpơl ma Kon lĕ kan dŭt toyh lơn ma lĕ nau nây đŏng gay ăn khân may hih rhâl.

Yôhan 7:33

Yor ri, Brah Yêsu lah pô aơ: “Gâp hôm gŭ ndrel ma khân may jŏ djê̆ dơm, jêh nây Gâp plơ̆ sĭt ma Nơm hŏ njuăl Gâp.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 10:46

Phung chroh nây tăng khân păng ngơi nau bu năch, jêh ri tâm rnê ma Brah Ndu.

Kôranh Oh Mon 16:18

Păng ƀư pônây mro tâm âk nar ƀư ăn Y-Pôl mâu maak ôh, n'gĭl uănh jêh ri lah ma brah mhĭk pô aơ: “Tâm amoh Brah Yêsu Krist, du luh hom may tă bơh bu ur aơ.” Ta mông nây ro, brah mhĭk du luh.

Kôranh Oh Mon 19:12

kŏ tât bu sŏk bok jêh ri ao rjai păng hŏ nsoh, dơm ta klơ phung ji kuet, nau ji kuet dơi bah jêh ri mprơh lơi huêng djơh tă bơh khân păng.

Kôranh Oh Mon 2:33

Pôri, jêh geh nau yơk mpeh pa ma Brah Ndu jêh ri sŏk dơn nau ton ma Brah Huêng Ueh tă bơh Mbơ̆, Păng nkhŭt Brah Huêng Ueh tâm ban ma khân may saơ jêh ri tăng.

Kôranh Oh Mon 2:41

Pôri, phung bunuyh dơn nau ngơi nây, dơn nau ƀaptem da dê, jêh ri tâm nar nây, geh klăp lah pe rbăn nuyh ntop tâm Phung Ngih Brah Ndu.

Kôranh Oh Mon 4:16

jêh ri lah: “Mâm nau he mra ƀư ma phung bunuyh aơ? Yorlah lĕ rngôch bunuyh gŭ ta ƀon Yêrusalem gĭt da dê khân păng hŏ ƀư du nau mbên khlay rah vah nanê̆ jêh ri he mâu dơi rlăch ôh.

Kôranh Oh Mon 4:33

Phung kôranh oh mon sŏk nau brah toyh ngăn mbơh nkoch ma nau Kôranh Brah dâk rêh tay jêng Brah Yêsu, jêh ri Păng nkhŭt nau yô̆ toyh klơ lĕ rngôch bunuyh.

Kôranh Oh Mon 4:4

Nđâp tơlah kơt nây, geh âk bunuyh tâm phung khân păng hŏ tăng jêh nau Kôranh Brah ngơi jêh ri chroh, jêh ri rnoh phung bu klâu chroh tât prăm rbăn nuyh.

Kôranh Oh Mon 5:15

kŏ tât bu tung phung bunuyh ji dơm ta trong sâng, ăn bê̆ch ta klơ sưng toyh mâu lah jê̆, gay ma tơlah Y-Pêtrôs prot rgăn, gui păng dơi nkŭm klơ bar pe bunuyh ji.

Kôranh Oh Mon 6:7

Nau chroh Brah Ndu bu mbơh lơ nar lơ hao jêng; phung oh mon ta ƀon Yêrusalem bĭk rơ̆ âk râk. Âk phung kôranh ƀư brah tông ma nau chroh đŏng.

Kôranh Oh Mon 8:7

yorlah geh âk brah ƀơ̆ ƀơch nter ktang ngăn du luh bơh âk bunuyh geh brah mhĭk lơh; âk bunuyh ji jâng ti jêh ri bunuyh rvĕn bah da dê.

Kôranh Oh Mon 9:34

Y-Pêtrôs lah ma păng pô aơ: “Hơi Y-Ênê, Brah Yêsu Krist ƀư bah may; dâk hom, ƀư kloh sưng may!” Ƀât lât, Y-Ênê dâk ro.

Kôranh Oh Mon 9:40

Y-Pêtrôs đă lĕ rngôch bunuyh du luh padih, jêh ri chon kômâk mbơh sơm. Pakơi nây, păng n'gĭl uănh ta săk jăn bunuyh khĭt jêh ri lah: “Hơi H'Tabitha, dâk hom ay!” Păng lin măt saơ Y-Pêtrôs, dâk gŭ ro.

Samƀŭt Pôl Njuăl Ăn Ma Phung Nsing Ta Ƀon Rôm 15:19

ma nau brah khlay ngăn jêh ri nau mbên khlay, ma nau dơi Brah Huêng Ueh Brah Ndu, gâp hŏ mbơh âk bunuyh gĭt Nau Mhe Mhan Ueh Brah Yêsu Krist lam ntŭk, tă bơh ƀon Yêrusalem jêh ri n'gor văr jŭm ma tât ta n'gor Iliri.