Yôhan 13:34 - Nau Brah Ndu Ngơi 2023

³⁴ Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ.

Bunong Bible Latin Script Cambodian dialect

³⁴ Gâp ăn du nau đă mhe ma khân may: Đă khân may tâm rŏng ndrăng khân may nơm. Tâm ban ma Gâp lĕ rŏng ma khân may, ăn khân may tâm rŏng ndrăng khân may nơm.

Bunong

³⁴ គ៝ប់​អ៝ន់​ទូ​នាវ​ដាៈ​មហែ​មា​ខាន់​មៃ៖ ដាៈ​ខាន់​មៃ​តឹម​រ៝ង់​នទ្រាង់​ខាន់​មៃ​នើម។ តឹម​ឞាន​មា​គ៝ប់​លែៈ​រ៝ង់​មា​ខាន់​មៃ អ៝ន់​ខាន់​មៃ​តឹម​រ៝ង់​នទ្រាង់​ខាន់​មៃ​នើម។

Yôhan 13:34 Iomraidhean Croise

Nau Mprơ Ơm 119:63

Gâp jêng mĭt jiăng ma lĕ rngôch phung klach yơk mbah ma May, Jêh ri ma phung tĭng ndô̆ lĕ nau May ntăm.

Nau Mprơ Ơm 16:3

Bi ma lĕ phung kloh ueh tâm neh ntu aơ, Khân păng jêng phung sŏng gâp geh lĕ nau maak.

Kan Lêvi 19:18

Lơi ta plơng har, mâu lah anh nau ji nuih ma phung ƀon lan khân may ôh, ƀiălah rŏng hom phung chiau meng tâm ban ma khân may nơm. Gâp jêng Brah Yêhôva.

Kan Lêvi 19:34

Phung bu năch gŭ njưh ndrel ma khân may ăn khân may uănh nâm bu bunuyh ƀon tơm; ăn khân may rŏng ma khân păng nâm bu khân may nơm lĕ, yorlah khân may hŏ tă jêng phung bu năch gŭ tâm n'gor Êjipt. Gâp jêng Yêhôva Brah Ndu khân may.

Mathay 5:44

Ƀiălah Gâp lah ma khân may: Rŏng hom bunuyh rlăng đah may jêh ri mbơh sơm hom ma phung ƀư mhĭk ma khân may

Yôhan 15:17

Gâp ntăm nti nau nây ma khân may, ăn khân may tâm rŏng ndrăng khân may nơm.”

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Samƀŭt Pôl Njuăl Ăn Ma Phung Nsing Ta Ƀon Rôm 12:10

Rŏng hom ndrăng khân may nơm dơh dăch tâm ban ma oh nâu; ăn lĕ nuih n'hâm yơk hom ndrăng khân may.

Samƀŭt Pôl Njuăl Ăn Ma Phung Nsing Ta Ƀon Rôm 13:10

Nau rŏng mâu mâp ƀư mhĭk ma phung chiau meng ôh; yor ri, nau rŏng jêng ƀư lôch nau vay.

Samƀŭt Pôl Njuăl Ăn Ma Phung Nsing Ta Ƀon Rôm 13:8

Lơi ƀư iang rnon moh nau đah bu ôh, knŏng iang rnon nau rŏng ndrăng nơm; yorlah mbu nơm rŏng ma phung chiau meng păng nơm jêng hŏ ƀư lôch jêh nau vay.

Galati 5:22

Ƀiălah play bơh Brah Huêng Ueh jêng: Nau rŏng, nau maak, nau đăp mpăn, nau srôih, nau ueh, nau blau ƀư ueh, nau răp jăp, nau rdơ̆ rbăn, nau di keh.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

Galati 6:2

Kơl tâm anh hom nau jâk jêr ndrăng khân may; khân may mra ƀư lôch nau vay Brah Krist.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Kôlôh 1:4

Yorlah hên tăng jêh nau khân may chroh tâm Yêsu Krist jêh ri nau khân may rŏng đah lĕ rngôch phung kloh ueh,

I Têsalônik 3:12

Dăn Kôranh Brah ƀư ăn ma khân may lơ hô hao lơn jêh ri bêng ma nau rŏng ndrăng nơm, jêh ri ma lĕ rngôch bunuyh, nâm bu hên rŏng jêh ma khân may,

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

ហេឞ្រើ 13:1

Ăn djôt prăp mro nau rŏng ndrăng oh nâu.

Yakơ 2:8

Tơlah nanê̆ khân may tông ma nau vay Hađăch, tĭng nâm Nau Brah Ndu Ngơi: “Rŏng hom ma phung chiau meng nâm bu khân may nơm lĕ” khân may gŭ ngao di.

I Pêtrôs 1:22

Yor tông bâr nau ngăn, khân may ƀư kloh jêh ma huêng khân may nơm gay geh nau rŏng ndrăng oh nâu. Ăn khân may tâm rŏng ndrăng nơm dŭt hâu ngăn ma lĕ nuih n'hâm.

II Pêtrôs 1:7

ntop nau rŏng ndrăng oh nâu ma nuih n'hâm blau yơk, ntop nau rŏng ma nau rŏng ndrăng oh nâu.

I Yôhan 3:11

Nau mbơh khân may tăng jêh ntơm bơh saơm, nây jêng: Ăn he tâm rŏng ndrăng he.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 4:21

He dơn jêh tă bơh Păng nau vay ntăm aơ: Mbu nơm rŏng ma Brah Ndu, ăn păng rŏng ma oh nâu păng nơm tâm ban lĕ.

II Yôhan 1:5

Hơi bu ur, aƀaơ aơ gâp vơh vơl ma ay nau aơ, mâu di gâp nchih ma ay nau vay ntăm mhe ôh, ƀiălah jêng nau vay ntăm he hŏ dơn jêh ntơm bơh saơm, nây jêng he rŏng hom ndrăng he nơm.