Yôhan 13:3 - Nau Brah Ndu Ngơi 2023

³ Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Bunong Bible Latin Script Cambodian dialect

³ Brah Yêsu lĕ gĭt jêh, dâng lĕ ndơ Bơ̆ Păng lĕ ăn nau dơi ma Păng dadê, Păng lĕ gĭt đŏng, Păng nơh văch tă bơh Kôranh Brah, jêh ri plơ̆ sât tay ta Kôranh Brah đŏng.

Bunong

³ ឞ្រាស​យេឆូ  ​លែៈ​គឹត​ជេស ទឹង​លែៈ​នទើ​ឞឹ​ពាង់​លែៈ​អ៝ន់​នាវ​ទើយ​មា​ពាង់​ទាទេ ពាង់​លែៈ​គឹត​ដ៝ង់ ពាង់​នើស​វាច់​តាៈ​ឞើស​កោរាញ​ឞ្រាស ជេសរី​ព្លឹ​ឆឹត​តៃ​តា​កោរាញ​ឞ្រាស​ដ៝ង់។

Yôhan 13:3 Iomraidhean Croise

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 3:13

Ê hŏ geh du huê hao ta klơ trôk, ƀiălah knŏng geh Nơm jŭr tă bơh trôk, jêng Kon Bunuyh.

Yôhan 3:35

Mbơ̆ rŏng ma Kon jêh ri hŏ jao lĕ ntil ndơ tâm ti Kon.

Yôhan 7:29

Bi Gâp gĭt năl Păng, yorlah Gâp văch tă bơh Păng, jêh ri Păng hŏ njuăl Gâp jêh.”

Yôhan 7:33

Yor ri, Brah Yêsu lah pô aơ: “Gâp hôm gŭ ndrel ma khân may jŏ djê̆ dơm, jêh nây Gâp plơ̆ sĭt ma Nơm hŏ njuăl Gâp.

Yôhan 8:14

Brah Yêsu plơ̆ lah: “Nđâp lah Gâp mbơh êng Gâp nơm kđôi, ri mơ nau Gâp mbơh nkoch jêng ngăn, yorlah Gâp gĭt mbah tă ntŭk Gâp văch jêh ri mbah ntŭk Gâp hăn. Ƀiălah khân May mâu gĭt ôh, mbah tă ntŭk gâp văch jêh ri khân may mâu gĭt lĕ mbah ntŭk Gâp hăn.

Yôhan 8:42

Brah Yêsu lah ma khân păng: “Lah Brah Ndu jêng Mbơ̆ khân may, khân may rŏng lĕ ma Gâp; yorlah Gâp luh tă bơh Brah Ndu jêh ri văch tă bơh Păng, yor Gâp mâu văch êng Gâp nơm ôh, ƀiălah Brah Ndu yơh hŏ njuăl Gâp.

Kôranh Oh Mon 2:36

Yor nây, lĕ ngih Israel gĭt hom nanê̆ ma Brah Ndu aơ, Nơm khân may pâng kđĭn jêh klơ si tâm rkăng, Brah Ndu hŏ n'hao jêng Kôranh Brah jêh ri Brah Krist.”

I Kôrintô 15:27

Yorlah Brah Ndu dơm jêh “lĕ rngôch ndơ gŭ tâm dâng jâng Brah Krist.” Ƀiălah dôl lah “lĕ rngôch mpa lăp tâm dâng jâng Brah Krist” ri mơ nau rah vah jêng mâu kơp ôh nđâp ma Nơm dơm lĕ rngôch ndơ tâm dâng jâng Păng.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.