Yôhan 13:18 - Nau Brah Ndu Ngơi 2023

¹⁸ Gâp mâu ngơi ma lĕ rngôch khân may ôh, Gâp gĭt năl đơ phung Gâp săch jêh. Ƀiălah nau ngơi tâm Nau Brah Ndu Ngơi aơ tât di ngăn: ‘Nơm sa ƀănh bơh Gâp, yơk jêh ndơl jâng tâm rdâng đah Gâp.’

Bunong Bible Latin Script Cambodian dialect

¹⁸ Gâp ngơi kơt nđay, mâu ôh ngơi ăn ma dâng lĕ khân may, yorlah Gâp lĕ gĭt bu moh Gâp kơih. Yơn ma iăt ma geh tâm di ma Nau Kôranh Brah Ngơi lĕ nchih lah: ‘Du huê bunuyh gŭ sông sa ndrel Gâp, tih ma păng jan djơh ma Gâp’.

Bunong

¹⁸ គ៝ប់​ងើយ​កើត​នអៃ មោ​អោស​ងើយ​អ៝ន់​មា​ទឹង​លែៈ​ខាន់​មៃ យ៝រ​លាស​គ៝ប់​លែៈ​គឹត​ឞូ​ម៝ស​គ៝ប់​កើយ្ស។ យើន​មា​អ្យាត់​មា​គែស​តឹម​ទី​មា​នាវ​កោរាញ​ឞ្រាស​ងើយ​លែៈ​ញចីស​លាស៖ «ទូ​ហ្វេ​ឞូនុយ្ស​គុ​ឆោង​ឆា​នទ្រែល​គ៝ប់ តីស​មា​ពាង់​ជាន​អ្យើស​មា​គ៝ប់»។

Yôhan 13:18 Iomraidhean Croise

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Yêrêmi 41:2

pôri Y-Ismaêl, kon bu klâu Y-Nêthania, ndrel jât nuyh hăn tĭng, tăk đao nkhĭt khĭt Y-Gêdalia, kon bu klâu Y-Ahikam, sau Y-Saphan, jêng nơm hađăch Babilôn hŏ njêng kôranh toyh chiă uănh bri dak.

Mathay 10:36

jêh ri phung rlăng jêng bunuyh tâm ngih vâl may nơm.

Mathay 26:21

Dôl gŭ sông sa, Păng lah: “Nanê̆, Gâp lah ma khân may, du huê tâm phung khân may mra tâm rlăng ma Gâp.”

Mathay 26:23

Păng plơ̆ lah: “Mbu nơm dơm jêh ti tâm ngan ndrel ma Gâp, mra tâm rlăng Gâp.

Markôs 14:17

Tât kêng măng, Brah Yêsu văch ndrel jât ma bar kôranh oh mon.

Markôs 14:18

Dôl sông sa, Brah Yêsu lah: “Nanê̆ ngăn, Gâp lah ma khân may, du huê tâm phung khân may gŭ sông sa ndrel ma Gâp ta aơ mra tâm rlăng đah Gâp.”

Markôs 14:20

Păng plơ̆ lah: “Nây jêng du huê tâm jât ma bar nuyh, jêng nơm dôl mbŭk piăng let tâm ngan ndrel ma Gâp.

Luka 22:21

Aơ, mpang ti nơm rlăng đah Gâp dôl dơm ta klơ sưng ndrel ma Gâp.

Yôhan 13:21

Jêh Brah Yêsu lah nau nây, Păng geh nau rngot tâm huêng jêh ri mbơh nau nây: “Nanê̆, Gâp lah ngăn ma khân may, du huê tâm phung khân may mra ƀư rlăng đah Gâp.”

Yôhan 13:22

Phung oh mon tâm uănh ndrăng nơm, mâu gĭt ôh ma mbu nơm Păng lah nây.

Yôhan 13:26

Brah Yêsu plơ̆ lah: “Nây jêng nơm Gâp mra ăn piăng let Gâp dăch mbŭk aơ.” Jêh nây Păng mbŭk du mlâm piăng let jêh ri ăn ma Y-Yuđas Iskariôt, kon Y-Simôn.

Yôhan 15:16

Mâu di khân may ôh săch Gâp, ƀiălah Gâp săch jêh khân may jêh ri njuăl khân may, gay khân may hăn, geh play âk, jêh ri play khân may ăt hôm ƀaƀơ; pôri moh nau khân may mra dăn ma Mbơ̆ tâm amoh Gâp, Păng mra ăn nau nây ma khân may.

Yôhan 15:19

Lah khân may jêng ndơ neh ntu, neh ntu mra rŏng ma phung bunuyh păng nơm. Ƀiălah khân may mâu jêng ndơ neh ntu ôh, yorlah Gâp săch jêh khân may tă bơh nklang neh ntu, yor ri neh ntu tâm rmot ma khân may.

Yôhan 15:25

Pôri yơh, nau bu nchih jêh tâm nau vay khân păng dơi tât di ngăn: ‘Khân păng tâm rmot ma Gâp mâu geh nau.’

Yôhan 17:12

Tâm nôk Kon hôm gŭ ndrel ma khân păng, Kon mât uănh khân păng tâm amoh Mbơ̆, jêng amoh Mbơ̆ hŏ ăn ma Kon. Kon hŏ king n'gang ma khân păng, mâu geh du huê bunuyh roh ôh, knŏng êng du huê kon ma nau rai roh, gay ma nau hŏ nchih jêh tâm Nau Brah Ndu Ngơi dơi tât di ngăn.

Yôhan 18:32

Nau aơ tât di ngăn tĭng nau Brah Yêsu hŏ lah jêh, mâm nau Păng mra khĭt.

Yôhan 19:24

Pôri, khân păng lah ndrăng khân păng nơm: “Lơi nkhêk ôh, ƀiălah nchroh n'hôr hom, gay ma gĭt mbu moh geh ao aơ.” Pônây, nau aơ ƀư tât di ngăn nau ngơi tâm Nau Brah Ndu Ngơi: “Khân păng tâm pă jêh kho ao Gâp ndrăng khân păng, Tâm nchroh n'hôr sŏk ao jong Gâp.” Nây jêng kan phung tahan hŏ ƀư.

Yôhan 19:36

Lĕ nau aơ tât geh gay ma tâm di ngăn nau ngơi tâm Nau Brah Ndu Ngơi: “Mâu geh du mlâm nting Păng deh ôh.”

Yôhan 21:17

Brah Yêsu ôp đŏng ma păng rơh pe: “Y-Simôn kon Y-Yôhan, may rŏng lĕ ma Gâp?” Y-Pêtrôs rngot yor Brah Yêsu ôp păng tât pe tơ̆: “May rŏng lĕ ma Gâp?” Păng ơh pô aơ: “Ơ Kôranh Brah ơi, May gĭt lĕ rngôch ndơ; May gĭt jêh gâp rŏng ma May.” Brah Yêsu lah ma păng: “Mât mray hom phung biăp Gâp.

Yôhan 6:70

Brah Yêsu plơ̆ lah: “Mâu di hĕ Gâp hŏ săch jêh khân may jêng jât ma bar oh mon? Ƀiălah du huê tâm phung khân may jêng brah mhĭk?”

Kôranh Oh Mon 1:16

“Hơi phung oh nâu, geh nau ngơi tâm Nau Brah Ndu Ngơi, Brah Huêng Ueh mbơh lor jêh ma bâr mbung Y-Đavit ma nau Y-Yuđas, nơm hŏ njŭn trong ma bu nhŭp Brah Yêsu, tât di ngăn.

Kôranh Oh Mon 1:2

kŏ tât ta nar Brah Ndu sŏk Păng hao klơ trôk, jêh Păng nsing ma Brah Huêng Ueh gay ntĭm nti ma phung kôranh oh mon Păng săch jêh.

II Kôrintô 4:5

Yorlah hên mâu mbơh nkoch ma hên nơm ôh, ƀiălah mbơh nkoch Brah Krist jêng Kôranh Brah; jêh ri săk jăn hên jêng oh mon khân may yor Brah Yêsu.

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.

Nau Tâm Mpơl 2:23

Gâp mra nkhĭt phung kon păng. Nôk nây, lĕ rngôch Phung Ngih Brah Ndu mra gĭt năl Gâp jêng Nơm sek uănh nuih n'hâm kon bunuyh; Gâp mra mplơ̆ sĭt ma ăp nơm tâm khân may tĭng nâm lĕ kan khân may.