Yôhan 13:1 - Nau Brah Ndu Ngơi 2023

¹ Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Bunong Bible Latin Script Cambodian dialect

¹ Ê lor ma lăp nhêt ƀŭn n'hot, Brah Yêsu lĕ gĭt nar Păng lôh bơh neh ntu dja hăn sât ta Bơ̆ Păng nơm lĕ di mong. Brah Yêsu rŏng ma mpôl oh mon Păng nơm ta neh ntu dja, Păng hôm rŏng ma khân păng mro mrăng tât lôch.

Bunong

¹ អេ​ល៝រ​មា​លាប់​ញេត​បុន​នហ៝ត ឞ្រាស​យេឆូ  ​លែៈ​គឹត​នារ​ពាង់​លោស​ឞើស​នែស​នតូ​អ្យា​ហាន់​ឆឹត​តា​ឞឹ​ពាង់​នើម​លែៈ​ទី​ម៝ង។ ឞ្រាស​យេឆូ  ​រ៝ង់​មា​មពោល​អ៝ស​ម៝ន​ពាង់​នើម​តា​នែស​នតូ​អ្យា ពាង់​ហោម​រ៝ង់​មា​ខាន់​ពាង់​មរ៝​មរាង់​ត៝ត់​លោច។

Yôhan 13:1 Iomraidhean Croise

Nau Hôr 8:31

Gâp răm maak ndrel ma neh ntu geh bunuyh gŭ n'hanh Păng Jêh ri hâk maak ndrel ma phung kon bunuyh.

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Mathay 26:45

Dôl nây Păng plơ̆ tay ma phung oh mon jêh ri lah ma khân păng pô aơ: “Mâm khân may hôm bê̆ch jêh ri gŭ rlu? Ri, mông tât jêh, bu rlăng mra jao Kon Bunuyh tâm ti phung tih.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Luka 22:53

Gâp gŭ ăp nar tâm ngih brah ndrel ma khân may, khân may mâu yơr ti nhŭp Gâp ôh. Ƀiălah aơ jêng mông khân may jêh ri nau dơi ktang tâm nau ngo.”

Luka 9:51

Tơlah dăch tât nar Brah Yêsu hao sĭt ta klơ trôk, Păng tâm nal hăn ta ƀon Yêrusalem.

Yôhan 11:55

Rƀŭn Nau Găn phung Yuđa dăch jêh, âk ngăn bunuyh tă bơh n'gor bri nây hăn ta ƀon Yêrusalem gay ma ƀư kloh êlor năng rƀŭn.

Yôhan 12:23

Brah Yêsu lah: “Mông lĕ tât jêh, Kon Bunuyh mra geh nau tâm rnê.

Yôhan 13:29

Ƀaƀă nđôn lah, yor Y-Yuđas djôt dŭng prăk, Brah Yêsu ŭch đă păng hăn rvăt ndơ ma phung he dŏng tâm năng rƀŭn, mâu lah Păng đă hăn pă ndơ ma phung o ach.

Yôhan 13:3

Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Yôhan 13:34

Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ.

Yôhan 14:28

Khân may iăt nau Gâp lah jêh: ‘Gâp hăn, jêh ri Gâp mra plơ̆ đŏng ma khân may.’ Lah khân may rŏng ma Gâp, khân may mra răm maak, yor nau Gâp hăn sĭt ma Mbơ̆, yorlah Mbơ̆ toyh lơn ma Gâp.

Yôhan 14:31

ƀiălah Gâp ƀư tĭng nau Mbơ̆ ntăm jêh ma Gâp gay ma neh ntu gĭt Gâp rŏng ma Mbơ̆. Dâk hăn hom, he luh du bơh aơ.”

Yôhan 16:28

Gâp luh jêh tă bơh Mbơ̆ văch ta neh ntu, jêh ri Gâp du tă bơh neh ntu gay plơ̆ sĭt ma Mbơ̆.”

Yôhan 17:1

Jêh Brah Yêsu ngơi nau nây, Păng n'gơr măt klơ trôk jêh ri ơh pô aơ: “Ơ Mbơ̆! Mông tât jêh, dăn tâm rnê Kon, gay ma Kon dơi tâm rnê Mbơ̆ đŏng.

Yôhan 17:16

Khân păng mâu jêng phung neh ntu ôh, tâm ban đŏng Kon mâu lĕ jêng bunuyh neh ntu.

Yôhan 17:26

Kon mpơl jêh ăn khân păng gĭt năl amoh Mbơ̆, jêh ri Kon mra mpơl đŏng, gay ma nau rŏng Mbơ̆ hŏ rŏng jêh ma Kon gŭ tâm khân păng, jêh ri Kon gŭ tâm khân păng lĕ.”

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.

Yôhan 18:4

Brah Yêsu gĭt lor jêh lĕ rngôch nau mra tât ma Păng, Păng hăn tât jêh ri ôp: “Mbu khân may joi?”

Yôhan 19:28

Jêh nau nây, Brah Yêsu gĭt ma lĕ rngôch kan hŏ lôch jêh, jêh ri gay ma nau ngơi tâm Nau Brah Ndu Ngơi tât di ngăn, Păng lah: “Gâp ji hir.”

Yôhan 2:13

Rƀŭn Nau Găn phung Yuđa dăch tât, Brah Yêsu hăn hao ta ƀon Yêrusalem.

Yôhan 6:4

Nôk nây, dăch tât rƀŭn Nau Găn, jêng nau rƀŭn toyh tâm phung Yuđa.

Yôhan 7:30

Jêh nây khân păng joi ŭch nhŭp Brah Yêsu, ƀiălah mâu geh du huê nto ti pah ta Păng ôh, yorlah mông Păng ê hŏ tât.

Yôhan 7:6

Brah Yêsu lah ma khân păng: “Mông gâp ê tât, ƀiălah mông khân may geh ƀaƀơ.

Yôhan 8:20

Brah Yêsu lah lĕ nau aơ ta ntŭk n'gân lĕ thŭng prăk nhhơr, dôl nti lah tâm ngih brah. Ƀiălah mâu geh bunuyh nhŭp Păng ôh yorlah mông Păng ê hŏ tât.

Samƀŭt Pôl Njuăl Ăn Ma Phung Nsing Ta Ƀon Rôm 8:37

Ƀiălah, tâm lĕ nau nây phung he yor Nơm rŏng ma he, he dơi mro mrăng.

I Kôrintô 1:8

Brah Ndu mra djôt prăp khân may nâp tât lôch, gay ma mâu geh nau nduyh tâm nar Kôranh Brah he jêng Brah Yêsu Krist.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

ហេឞ្រើ 3:6

Ƀiălah Brah Krist gŭ răp jăp tâm ban ma kon bu klâu mât uănh ma ngih Brah Ndu. He jêng ngih ma Păng, knŏng tơlah he djôt nâp nau rnơm nsing jêh ri tâm rnê êng tâm nau he kâp gân kŏ tât nglĕ dŭt.

ហេឞ្រើ 6:11

Ƀiălah hên ŭch ngăn ma ăp nơm khân may tâm mpơl nuih n'hâm duh nđơr tâm ban pônây gay djôt nâp nau kâp gân tât nglĕ dŭt;

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Yôhan 4:19

He rŏng yorlah Kôranh Brah rŏng jêh ma he lor.

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,