Yôhan 12:5 - Nau Brah Ndu Ngơi 2023

⁵ “Mpa mâu tăch dak ƀâu kah nây, sŏk pe rhiăng đơniê jêh ri tâm pă ma phung o ach?”

Bunong Bible Latin Script Cambodian dialect

⁵ “Moh kô̆ mâu tăch dak ngi ƀô kah i khlay ngăn nây 300 prăk kăk, pă ăn ma bunuyh o ach?”

Bunong

⁵ “ម៝ស​កោៈ​មោ​តាច់​ទាក​ងី​បោ​កាស​អី​ខ្លៃ​ងាន់​នៃ ៣០០ ព្រាក់​កាក់ ពាៈ​អ៝ន់​មា​ឞូនុយ្ស​អ៝​អាច?”

Yôhan 12:5 Iomraidhean Croise

Êsra 4:14

Yorlah hên dơn nau ueh âk tă bơh ngih hađăch, jêh ri mâu đŏng ŭch saơ nau bêk prêng ma hađăch ôh, pôri hên prơh phung mbơh tât ma hađăch,

Nau Ngluh Êjipt 5:17

Hađăch lah: “Khân may jêng phung tahan ƀlao, tahan ƀlao! Yor ri dĭng khân may tâm ngơi drăng nơm: ‘Ăn he nhhơr mpa ƀư brah ma Brah Yêhôva!’

Nau Ngluh Êjipt 5:8

Ƀiălah rnoh ƀrĭk ăn khân may đă khân păng ƀư tâm ban ƀoi ơm, mâu dơi n'hŭch ôh. Yor ti khân păng gŭ dơm dĭng khân păng tâm jă ndrăng khân păng: ‘Hăn hom he nhhơr mpa ƀư brah ma Brah Ndu he!’

Amôt 8:5

Khân may lah pô aơ: “Ndah nâm jŏ khay mhe mra lôch, Gay ma he dơi tăch lơi ba? Jêh ri ndah nâm jŏ lôch nar saƀat, gay ăn he dơi tăch rgâl ba ƀlê; Gay ăn he dơi hŭch êpha, jêh ri ntop jâk Sêkel Jêh ri sŏk njing veh mâu di gay ma ndơm bu,

Mathay 18:28

Ƀiălah dôl păng luh sĭt, tâm mâp đah du huê mĭt jiăng khan rnon păng du rhiăng đơniê, pôri păng djôt kuăn păng ta trô ko jêh ri lah: ‘Mplơ̆ hom rnon ma gâp.’

Mathay 20:2

Jêh nây păng hŏ tâm di nuih đah phung pah kan nkhôm du đơniê du nar, păng njuăl khân păng hăn ta đang krăk ƀâu păng.

Luka 12:33

Tăch hom drăp ndơ khân may geh gay ƀư nau yô̆. Joi hom dŭng prăk mâu djơh mâu mŭnh jêh ri jay ndơ khlay mâu hŭch ta klơ trôk, ntŭk bunuyh ntŭng mâu dơi tât, nchiăr mbon mâu ƀư rai păng ôh.

Luka 18:22

Tơlah Brah Yêsu tăng nau nây, Păng lah: “May hôm pưt du ntil: Tăch hom lĕ rngôch ndơ may geh jêh ri tâm pă ma phung o ach, ri mơ may mra geh jay ndơ khlay klơ trôk, jêh nây văch hom tĭng Gâp.”

Luka 6:41

Mâm ƀư may saơ ndruyh tâm trôm măt oh nâu may ƀiălah mâu saơ ôh mâng ntur tâm trôm măt may nơm?

Yôhan 12:4

Ƀiălah du huê tâm phung oh mon Brah Yêsu jêng Y-Yuđas Iskariôt, nơm pakơi aơ ƀư rlăng ma Păng, lah pô aơ:

Yôhan 12:6

Y-Yuđas lah kơt nây mâu di yor păng yô̆ ma phung o ach ôh, ƀiălah yor păng jêng du huê nơm ntŭng, păng djôt dŭng prăk, rĭ dĭng păng vay mơng sŏk ntŭng prăk bu nklăch tâm nây.

Yôhan 13:29

Ƀaƀă nđôn lah, yor Y-Yuđas djôt dŭng prăk, Brah Yêsu ŭch đă păng hăn rvăt ndơ ma phung he dŏng tâm năng rƀŭn, mâu lah Păng đă hăn pă ndơ ma phung o ach.

Yôhan 6:7

Y-Philip ơh: “Bar rhiăng đơniê rvăt piăng let ăt mâu tŏng ôh ma ăp nơm nđâp tơlah tâm pă djê̆ djê̆.”