Yôhan 12:42 - Nau Brah Ndu Ngơi 2023

⁴² Nđâp lah kơt nĕ, geh âk bunuyh tâm phung kôranh chiă uănh chroh ma Brah Yêsu, ƀiălah yor phung Pharisi, khân păng mâu nănh mbơh dơn ma Brah Yêsu ôh, yor klach bu mprơh khân păng luh bơh ngih rƀŭn.

Bunong Bible Latin Script Cambodian dialect

⁴² Yơn ma hôm geh ŏk bunuyh nsing ma Brah Yêsu, geh mpôl kôranh ta phung Israel nsing ma Păng đŏng. Yơn ma khân păng mâu bănh mbơh nkoch nau nsing i nây ma bu, yor ma khân păng klach phung Pharisi mprơh khân păng du bơh nhih rƀŭn phung khân păng nơm.

Bunong

⁴² យើន​មា​ហោម​គែស​អ៝ក់​ឞូនុយ្ស​ញឆីង​មា​ឞ្រាស​យេឆូ  គែស​មពោល​កោរាញ​តា​ផូង​អីឆ្រាអែល  ​ញឆីង​មា​ពាង់​ដ៝ង់។ យើន​មា​ខាន់​ពាង់​មោ​ឞាញ់​មឞើស​ងក៝ច​នាវ​ញឆីង​អី​នៃ​មា​ឞូ យ៝រ​មា​ខាន់​ពាង់​ក្លាច​ផូង​ផារីឆី  ​មព្រើស​ខាន់​ពាង់​ទូ​ឞើស​ញីស​រាបុន​ផូង​ខាន់​ពាង់​នើម។

Yôhan 12:42 Iomraidhean Croise

Nau Hôr 29:25

Rvê klach kon bunuyh jêng du mlâm dăk sân, Ƀiălah mbu nơm nsing ma Brah Yêhôva mơ dơi geh nau mpăn.

Êsai 51:7

Ơ phung gĭt nau sŏng, iăt hom Gâp! Khân may jêng phung nchih nau vay Gâp tâm nuih n'hâm; Lơi klach ôh ma nau bunuyh nduyh, Mâu lĕ krit kir ma nau khân păng suai rak.

Êsai 57:11

Ma mbu khân may krit jêh ri klach Kŏ tât may mƀruh, May mâu kah gĭt ma Gâp, Jêh ri mâu klâng rvê ma Gâp? Mâu di hĕ yorlah jŏ jêh Gâp gŭ rklăk, Rĭ dĭng may mâu klach yơk ma Gâp?

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 38:19

Hađăch Sêdêkia lah ma Y-Yêrêmi: “Gâp klach lah gâp hŏ luh jao săk gâp nơm ma phung tahan Kaldê, phung Yuđa mra jao gâp ma ti khân păng jêh ri khân păng ƀư mhĭk ma gâp.”

Mathay 10:32

Yor nây, mbu nơm mbơh Gâp tanăp lĕ rngôch bunuyh, Gâp ăt mra mbơh bunuyh nây tanăp Mbơ̆ Gâp tâm trôk;

Luka 12:8

Gâp đă ma khân may, mbu nơm mbơh Gâp tanăp lĕ rngôch bunuyh, Kon Bunuyh ăt mra mbơh bunuyh nây tanăp phung tông mpăr Brah Ndu.

Luka 23:13

Pilat kuăl rgum phung kôranh ƀư brah toyh, phung kôranh chiă uănh jêh ri phung ƀon lan jêh ri lah pô aơ:

Luka 6:22

Ueh maak yơh ma phung kon tơlah yor ma Kon Bunuyh bu tâm rmot, mprơh, ngơi mhĭk, mƀăr lơi amoh khân may tâm ban nơm djơh mhĭk.

Yôhan 11:45

Âk phung Yuđa hăn chop khâl H'Mari, saơ nau Brah Yêsu ƀư, khân păng chroh ma Păng.

Yôhan 12:11

yor tă Y-Lasar, âk phung Yuđa chalơi khân păng jêh ri chroh ma Brah Yêsu.

Yôhan 16:2

Khân păng mra nsot lơi khân may luh bơh ngih rƀŭn; jêh ri mra tât mông rnôk mbu nơm ƀư nkhĭt khân may mra mĭn păng pah kan ma Brah Ndu.

Yôhan 19:38

Jêh nau nây, Y-Yôsep bunuyh ƀon Arimathê, jêng oh mon tĭng Brah Yêsu ma nau ndâp, yor klach ma phung Yuđa, păng dăn ma Pilat gay ma dăn sŏk săk Brah Yêsu. Pilat ăn. Pôri, păng hăn sŏk săk Brah Yêsu ro.

Yôhan 3:2

Dôl măng, păng văch ta Brah Yêsu jêh ri lah: “Hơi Nơm Nti, hên gĭt May jêng kôranh nơm nti văch tă bơh Brah Ndu. Tơlah Brah Ndu mâu gŭ ndrel, mâu geh bunuyh dơi ƀư lĕ nau mbên khlay May hŏ ƀư.”

Yôhan 7:13

Ƀiălah yor klach ma phung Yuđa, pôri mâu geh bunuyh nănh ngơi mpơl ma Păng.

Yôhan 7:31

Ƀiălah geh âk bunuyh tâm phung ƀon lan chroh ma Păng jêh ri lah pô aơ: “Lah Brah Krist tât, Păng mra ƀư lĕ nau mbên khlay rlau lơn ma bunuyh aơ hŏ ƀư đŏng?”

Yôhan 9:22

Mê̆ mbơ̆ păng lah pônây yor klach ma phung Yuđa, yor phung Yuđa hŏ tâm lăp nau tơlah mbu nơm mbơh Brah Yêsu jêng Brah Krist, bu mprơh lơi păng luh bơh ngih rƀŭn.

Yôhan 9:34

Khân păng plơ̆ lah: “Bu deh ma may tâm nau tih, may ŭch nti hên đŏng hĕ?” Jêh nây khân păng mprơh păng luh padih.

Kôranh Oh Mon 5:41

Pô nây, phung oh mon du luh tă bơh phung Kôranh Phat Dôih, khân păng răm maak yorlah bu kơp khân păng khư dơn nau rêh ni yor amoh Kôranh Brah.

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

I Yôhan 4:15

Mbu nơm mbơh Brah Yêsu jêng Kon Brah Ndu, Brah Ndu gŭ tâm bunuyh nây, jêh ri bunuyh nây gŭ tâm Brah Ndu.

I Yôhan 4:2

Tă bơh nau aơ, khân may dơi gĭt Brah Huêng Ueh Brah Ndu: Moh brah dơn Brah Yêsu Krist văch jêh tâm nglay săk, huêng brah nây văch tă bơh Brah Ndu;