Yôhan 12:28 - Nau Brah Ndu Ngơi 2023

²⁸ Ơ Mbơ̆, tâm rnê hom ma amoh May.’” Nôk nĕ geh bâr ngơi tă bơh trôk lah: “Gâp hŏ geh nau mât ton jêh, Gâp mra geh tay nau tâm rnê đŏng!”

Bunong Bible Latin Script Cambodian dialect

²⁸ Ơ Bơ̆, đă May jan ăn May nơm geh nau chrêk lơp.” Nôk nây geh tăng nteh bŏr tă bơh kalơ trôk ti: “Gâp lĕ jan ăn Gâp nơm geh nau chrêk lơp, jêh ri Gâp mra jan du tơ̆ đŏng jât.”

Bunong

²⁸ អើ​ឞឹ ដាៈ​មៃ​ជាន​អ៝ន់​មៃ​នើម​គែស​នាវ​ច្រេក​លើប”។ នោក​នៃ​គែស​តាង់​នតែស​ឞ៝រ់​តាៈ​ឞើស​កាលើ​ត្រោក​តី៖ “គ៝ប់​លែៈ​ជាន​អ៝ន់​គ៝ប់​នើម​គែស​នាវ​ច្រេក​លើប ជេសរី​គ៝ប់​មរា​ជាន​ទូ​តឹ​ដ៝ង់​ជឹត”។

Yôhan 12:28 Iomraidhean Croise

Mathay 11:25

Nôk nây Brah Yêsu ngơi pô aơ: “Ơ Mbơ̆, Kôranh Brah trôk jêh ri neh ntu, Gâp tâm rnê ma Mbơ̆, yorlah Mbơ̆ pôn jêh lĕ nau nây ma bunuyh blau mĭn, bunuyh gĭt rbăng, ƀiălah tâm mpơl jêh ma phung kon se jê̆.

Mathay 11:26

Nanê̆, ơ Mbơ̆, yorlah nau aơ ƀư ueh nau mĭn Mbơ̆ ŭch.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Mathay 26:42

Păng hăn tay tal bar jêh ri mbơh sơm pô aơ: “Ơ Mbơ̆! Tơlah kachok aơ mâu dơi ôh sŏk lơi ƀiălah ăn gâp nhêt păng, ăn tât tĭng nâm May ŭch.”

Mathay 3:17

Aơ, geh bâr ngơi tă bơh trôk lah: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”

Markôs 1:11

Jêh nây geh bâr ngơi tă bơh trôk lah: “May jêng Kon Gâp rŏng ngăn ngên, tâm Păng Gâp geh nau maak ngăn.”

Markôs 14:36

Păng ơh: “Aƀa, ơ Mbơ̆, lĕ rngôch nau Mbơ̆ dơi ƀư da dê. Dăn Mbơ̆ sŏk lơi kachok aơ bơh Gâp, ƀiălah mâu di tĭng nau Gâp ŭch ôh, ƀiălah tĭng nâm nau Mbơ̆ nơm ŭch.”

Markôs 9:7

Jêh nây geh du ndâr tŭk nkŭm khân păng; geh bâr ngơi luh bơh tâm ndâr tŭk pô aơ: “Aơ jêng Kon Gâp rŏng ngăn ngên, iăt hom nau Păng!”

Luka 3:22

jêh ri Brah Huêng Ueh jŭr tâm rup tâm ban ma sĭm plŭk drâm klơ Păng; jêh ri geh bâr ngơi tă bơh trôk lah: “Kon jêng Kon Gâp rŏng ngăn ngên, Gâp geh nau maak ngăn.”

Luka 9:35

Jêh nây geh bâr ngơi tâm ndâr tŭk ngơi lah pô aơ: “Aơ jêng Kon Gâp, Bunuyh Gâp hŏ săch jêh, iăt hom nau Bunuyh.”

Yôhan 11:4

Ƀiălah dôl Brah Yêsu tăng nau nây Păng lah: “Nau ji nây mâu ir tât khĭt ôh, ƀiălah gay geh nau chrêk rmah ma Brah Ndu, gay ma Kon Brah Ndu geh nau tâm rnê yor nau nây.”

Yôhan 18:11

Ƀiălah Brah Yêsu lah ma Y-Pêtrôs: “Ntrŭp lơi đao may tâm ndrop! Gâp mâu mra nhêt hĕ ngan Mbơ̆ hŏ ăn Gâp nhêt?”

Yôhan 9:3

Brah Yêsu plơ̆ lah: “Mâu di yor bunuyh aơ, mâu lah mê̆ mbơ̆ păng ƀư tih; ƀiălah gay ma mpơl kan Brah Ndu tâm păng.

Êphêsô 2:7

gay mpơl ma lĕ rnôk dăch tât gĭt năl nau rmeh ler mâu blau dŭt tâm nau yô̆ Păng, tă bơh nau ueh Păng ăn jêh ma he tâm Brah Yêsu Krist.

Êphêsô 3:10

Aƀaơ aơ, tă Phung Ngih Brah Ndu, nau blau mĭn mâu blau lôch Brah Ndu dơi tâm mpơl ma phung kôranh chiă uănh, lĕ nau dơi ktang tâm lĕ ntŭk klơ trôk,

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

II Pêtrôs 1:17

Yorlah Păng sŏk dơn jêh nau yơk jêh ri nau chrêk rmah bơh Brah Ndu jêng Mbơ̆, tơlah geh bâr ngơi tă bơh Nơm Dŭt Prêh Chrêk Rmah lah ma Păng: “Aơ jêng Kon Gâp rŏng ngăn ngên, tâm Păng Gâp geh nau maak ngăn.”