Yôhan 12:15 - Nau Brah Ndu Ngơi 2023

¹⁵ “Hơi kon bu ur ƀon Siôn, lơi klach ôh! Ri, uănh hađăch ay văch, Păng ncho kon seh bri!”

Bunong Bible Latin Script Cambodian dialect

¹⁵ ‘Ơ phung ƀon lan ta ƀon Yêrusalem i bu kuăl kon bu ur Siôn đŏng, khân ay may lơi klach ôh. Uănh ri! Kađăch khân ay may bơi ma tât Păng gŭ ncho ta kalơ kon seh lia’.

Bunong

¹⁵ «អើ​ផូង​ប៝ន​លាន​តា​ប៝ន​យេរូឆាលឹម  ​អី​ឞូ​ក្វាល់​ក៝ន​ឞូ​អូរ​ឆីយោន  ​ដ៝ង់ ខាន់​អៃ​មៃ​លើយ​ក្លាច​អោស។ អ្វាញ់​រី! កាដាច់​ខាន់​អៃ​មៃ​ឞើយ​មា​ត៝ត់ ពាង់​គុ​ញច៝​តា​កាលើ​ក៝ន​ឆែស​លៀ»។

Yôhan 12:15 Iomraidhean Croise

II Samuel 15:1

Jŏ djê̆ ta nây, Y-Apsalôm rơm ndrăp ma păng nơm du bôk ndeh, seh uih ndeh, jêh ri prăm jât nuyh tahan nchuăt tanăp păng.

II Samuel 16:2

Hađăch ôp Y-Siba: “Moh nau may mra ƀư ma ndơ nây?” Y-Siba lah: “Lĕ seh bri ăn phung ta ngih hađăch ncho, ƀănh jêh ri play krăk ƀâu ƀư sông sa ma phung bu klâu ndăm, jêh ri ndrănh prăp ma phung lĕ huăr tâm bri rdah.”

I Phung Hađăch 1:33

Jêh nây hađăch lah ma khân păng: “Djôt leo hom phung oh mon kôranh khân may hăn tĭng, chông Y-Salômôn, kon bu klâu gâp, hao ncho seh bri gâp nơm, jêh nây njŭn păng trŭnh ta dak n'hor Gihôn.

Êsai 41:14

Ơ phung ndrŭng Yakôb, lơi klach ôh! Ơ phung Israel, Gâp nơm mra kơl may, Brah Yêhôva lah kơt nây; Nơm tâm chuai may jêng Nơm Kloh Ueh phung Israel.

Êsai 62:11

Aơ, Brah Yêhôva mbơh jêh Tât dŭt rplay neh: “Lah hom ma kon bu ur Siôn pô aơ: ‘Aơ, nau tâm rklaih may văch dăch! Păng djôt leo nau nkhôm, Jêh ri ndơ nkhôm hăn lor Păng.’”

Mika 4:8

Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 21:5

“Lah hom ma kon bu ur ƀon Siôn pô aơ: Aơ, hađăch may văch ma may, Rdơ̆ rbăn, ncho seh bri, Jêh ri gŭ klơ kon seh bri jêng kon seh bri me.”

Yôhan 12:14

Brah Yêsu mâp du mlâm kon seh bri jêh ri păng ncho ta klơ, tĭng nâm nau bu hŏ nchih jêh:

Nau Vay Nkah Tay 17:16

Knŏng geh du nau hađăch nĕ mâu dơi ôh ntop âk seh, kŏ mâu đŏng yor ŭch ntop âk seh njŭn tay phung ƀon lan plơ̆ sĭt tay ta n'gor Êjipt, yorlah Brah Yêhôva hŏ ntăm jêh ma khân may pô aơ: ‘Khân may mâu đŏng dơi plơ̆ tay ta trong nây.’

Phung Kôranh Phat Dôih 12:14

Păng geh puăn jât kon bu klâu jêh ri pe jât sau bu klâu. Khân păng ncho pơh jât mlâm seh bri. Păng ƀư kôranh phat dôih phung ƀon lan Israel tâm pham năm.

Phung Kôranh Phat Dôih 5:10

Hơi phung ncho seh bri nglang, Gŭ ta klơ ưn nkŭm ma bok ueh, Jêh ri phung hăn jâng ta trong toyh, mprơ hom răm maak!