Yôhan 11:55 - Nau Brah Ndu Ngơi 2023

⁵⁵ Rƀŭn Nau Găn phung Yuđa dăch jêh, âk ngăn bunuyh tă bơh n'gor bri nây hăn ta ƀon Yêrusalem gay ma ƀư kloh êlor năng rƀŭn.

Bunong Bible Latin Script Cambodian dialect

⁵⁵ Nôk nây nar nhêt ƀŭn n'hot lĕ bơi ma tât đŏng, geh ŏk phung Israel tă bơh lam bri hăn ta ƀon kuŏng Yêrusalem, gay ma jan rao săk ăn kloh tâng nau vay phung Israel ê lor ma nhêt ƀŭn n'hot i nây.

Bunong

⁵⁵ នោក​នៃ​នារ​ញេត​បុន​នហ៝ត​លែៈ​ឞើយ​មា​ត៝ត់​ដ៝ង់ គែស​អ៝ក់​ផូង​អីឆ្រាអែល  ​តាៈ​ឞើស​លាម​ឞ្រី​ហាន់​តា​ប៝ន​ក្វ៝ង់​យេរូឆាលឹម  គៃ​មា​ជាន​រាវ​ឆាក់​អ៝ន់​ក្ល៝ស​តឹង​នាវ​វៃ​ផូង​អីឆ្រាអែល  ​អេ​ល៝រ​មា​ញេត​បុន​នហ៝ត​អី​នៃ។

Yôhan 11:55 Iomraidhean Croise

Nau Ntơm 35:2

Y-Yakôb lah ma ngih păng jêh ri lĕ rngôch phung hăn ndrel ma păng: “Chalơi hom lĕ rup brah bu năch luh bơh khân may. Ƀư kloh hom khân may nơm jêh ri rgâl lơi kho ao khân may.

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Mprơ Ơm 26:6

Ơ Brah Yêhôva, gâp mra rao ti tâm nau mâu geh nau tih, Jêh ri hăn ndăch jŭm nơng ƀư brah May.

Nau Ngluh Êjipt 19:10

Brah Yêhôva lah ma Y-Môis: “Hăn hom ma phung ƀon lan, prăp êng khân păng ăn kloh ueh ta nar aơ jêh ri ôi taơ. Đă khân păng pih lơi kho ao khân păng;

Nau Kơp Bunuyh 9:10

“Lah hom ma phung ƀon lan Israel pô aơ: ‘Tơlah du huê tâm phung khân may mâu lah tâm phung kon sau khân may jêng ƀơ̆ yor săk jăn khĭt mâu lah nsong tâm ntŭk ngai, ăt păng mra kah gĭt prăp Rƀŭn Nau Găn ma Brah Yêhôva.

Nau Kơp Bunuyh 9:6

Ƀiălah geh bar pe bunuyh mâu dơi râng Rƀŭn Nau Găn yor geh nau ƀơ̆ ƀơch tă bơh săk jăn khĭt, văch tra năp Y-Môis jêh ri Y-Arôn;

Mathay 26:1

Jêh Brah Yêsu ngơi lĕ nau nây lôch jêh, Păng lah ma phung oh mon pô aơ:

Mathay 26:2

“Khân may gĭt hôm bar nar đŏng jêng tât rƀŭn Nau Găn, jêh ri bu mra jao Kon Bunuyh ăn bu pâng kđĭn ta si tâm rkăng.”

Markôs 14:1

Hôm bar nar ma tât rƀŭn Nau Găn jêh ri rƀŭn Piăng Let Mâu Geh Ndrui, phung kôranh ƀư brah toyh jêh ri phung kôranh nchih samƀŭt joi trong gay nhŭp jêh ri nkhĭt Brah Yêsu.

Luka 22:1

Rƀŭn Piăng Let Mâu Geh Ndrui, nâm bu ntĭt rƀŭn Nau Găn văch dăch jêh.

Yôhan 12:1

Prao nar êlor ma rƀŭn Nau Găn, Brah Yêsu hăn ta ƀon Bêthani jêng ntŭk Y-Lasar gŭ, bunuyh Păng hŏ ƀư ăn dâk rêh tay tă bơh nau khĭt.

Yôhan 13:1

Êlor rƀŭn Nau Găn, Brah Yêsu gĭt tât jêh mông ăn Păng du luh bơh neh ntu aơ gay plơ̆ sĭt ta Mbơ̆. Păng rŏng ma phung bunuyh jêng phung Păng nơm tâm neh ntu jêh ri rŏng ma khân păng tât lôch.

Yôhan 18:28

Pôri, khân păng têk leo Brah Yêsu bơh ngih Y-Kaipe tât ta ngih kôranh phat dôih. Nôk nây jêng ơm ôi. Khân păng nơm mâu lăp ôh tâm ngih kôranh phat dôih, gay bah ƀơ̆ ƀơch, jêh ri dơi sa rƀŭn Nau Găn.

Yôhan 2:13

Rƀŭn Nau Găn phung Yuđa dăch tât, Brah Yêsu hăn hao ta ƀon Yêrusalem.

Yôhan 2:6

Ta nây geh prao mlâm yăng ƀư ma lŭ, dŏng tâm nau ƀư kloh tĭng nau vay phung Yuđa, ăp yăng dơi prăp bar, pe thŭng dak.

Yôhan 5:1

Pakơi nây, geh du nar rƀŭn phung Yuđa, Brah Yêsu hăn hao ta ƀon Yêrusalem.

Yôhan 6:4

Nôk nây, dăch tât rƀŭn Nau Găn, jêng nau rƀŭn toyh tâm phung Yuđa.

Kôranh Oh Mon 21:24

Njŭn leo hom puăn nuyh aơ ƀư tâm rƀŭn ƀư kloh ndrel ma khân păng, jêh ri may nơm nkhôm bu poih sŏk khân păng. Pôri, lĕ rngôch mra gĭt nau bu nkoch bri may jêng mâu di, jêh ri gĭt may tâm ban lĕ djôt prăp nau vay.

Kôranh Oh Mon 21:26

Y-Pôl njŭn leo puăn nuyh nây hăn tĭng jêh ri nar ôi taơ, păng ƀư rƀŭn nau ƀư kloh ndrel ma khân păng; jêh ri păng lăp tâm ngih brah, gay mbơh nar ƀư kloh mra lôch jêh ri ndơ nhhơr ăp nơm tâm khân păng nhhơr.

Kôranh Oh Mon 24:18

Khân păng saơ gâp ƀư nau rƀŭn ƀư kloh tâm ngih brah, mâu geh tâm rgum phung âk mâu lah ƀư nau uh ah ôh.

I Kôrintô 11:28

Pôri, ăn ăp nơm sek uănh êng păng nơm lor, ri mơ sa piăng let, nhêt kachok nây.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

I Samuel 16:5

Păng lah: “Nau đăp mpăn! Gâp văch gay nhhơr mpa ƀư brah ma Brah Yêhôva. Ƀư kloh hom khân may nơm jêh ri văch ndrel ma gâp ma nau ƀư brah.” Păng ƀư kloh đŏng ma Y-Yêsê jêh ri phung kon bu klâu păng, jêh ri jă khân păng hăn tât ndrel ma nau ƀư brah.